BalkanWeb.TV Foto Forum Horoskopi Moti Gatimi Kontakt
ARTIKUJ TEK
Analiza
07 Nėntor 2011 - 12:26 | LAJME
TRANSLATE
 
Ambasadorë që turbullojnë jetën politike
NGA: SHABAN MURATI
Ambasadorë që turbullojnë jetën politikeNdonëse zgjedhjet parlamentare në Serbi do të zhvillohen nga mesi i vitit të ardhshëm, mund të thuhet sefushata elektorale nisi. I pashoq është fakti se fushatën e çeli ambasadori i Rusisë në Serbi, Aleksandër Konuzi, i cili mori pjesë në një miting të partisë së djathtë nacionaliste në opozitë, “Partia Progresive Serbe”, SNS, dhe mbajti një fjalim elektoral, duke vlerësuar se ajo parti është shprehja e ndjenjave të popullit të Serbisë, dhe duke bërë thirrje që populli të investohet në këtë parti. Që një ambasador i një shteti të huaj merr pjesë në mbledhjet dhe mitingjet e partive politike të maxhorancës apo të opozitës, kjo është brenda mandatit dhe detyrave të tij për të njohur dhe për të mbajtur kontakte me të gjithë spektrin politik të vendit ku është akredituar. Por kur një ambasador i një shteti të huaj del në podiume partiake dhe mban ligjërata e bën vlerësime publike, që i bëjnë reklamë një partie politike, kjo do te thotë se ai ka dalë jashtë mandatit të tij diplomatik dhe ka marrë rolin e një prokonsulli, i cili cakton se kush janë të mirët dhe kush janë të këqijtë në një shtet tjetër.
Fakti që ambasadori rus shkrepi startin e fushatës elektorale serbe, duke glorifikuar partinë nacionaliste, SNS, ishte kaq flagrant, sa që nuk mund të rrinin pa reaguar as autoritetet dhe as partitë e tjera politike ndaj ambasadorit të shtetit “Vëlla i madh”. Vetë presidenti i Serbisë, Boris Tadiç, u detyrua ta kritikojë më 1 nëntor sjelljen e ambasadorit rus, duke deklaruar se nuk është praktikë e zakonshme për diplomatët, që të mbajnë fjalime në mbledhjet e partive. Zëvendëskryeministri serb, Bozhidar Deliç, e cilësoi veprimin e ambasadorit rus si një ndërhyrje në punët e brendshme të Serbisë. Kurse Lidhja Socialdemokrate e Vojvodinës, në një komunikatë të posaçme kërkoi nga qeveria që ambasadori i Rusisë të shpallej “Persona non grata”.
Përtej këtij incidenti politik dhe diplomatik mes Rusisë dhe Serbisë, duhen parë disa efekte dhe domethënie, që kanë të bëjnë jo vetëm me marrëdhëniet mes Serbisë dhe Rusisë, por edhe me politikën e Rusisë dhe me sjelljen e diplomacisë dhe të diplomatëve rusë në Ballkan. Është interesante të shihet në prizmin e kompleksitetit të marrëdhënieve ruso-serbe, sepse janë marrëdhënie mes Rusisë dhe aleatit të saj më të ngushtë dhe të vetëm strategjik në Ballkan. Reklama politike dhe elektorale, që ambasadori i Rusisë i bëri partisë nacionaliste serbe, nuk është një akt i veçuar, por vazhdim i një linje të demonstruar rregullisht prej tij dhe që thyen rregullat dhe normat diplomatike të mandatit ambasadorial, duke ringjallur prototipin e ambasadorëve të dikurshëm sovjetikë. Në radhë të parë gjejmë të shprehur karakterin e sjelljes diplomatike dhe shtetërore ruse të ndërhyrjes në punët e brendshme të një shteti tjetër, qoftë dhe zyrtarisht “Mik e aleat strategjik”. Një ambasador nuk mund t’i lejojë vetes të shprehë anësi dhe të bëjë reklamë dhe glorifikime publike, as për njërën dhe as për tjetrën forcë politike, dhe as për njërin apo tjetrin kryetar partie. Ambasadori lejohet të ketë opinionet dhe vlerësimet e tij, të bardha, të zeza apo gri, në telegramet dhe raportet, që i dërgon qendrës së tij dhe të cilat natyrisht nuk janë për konsum publik në vendin ku është akredituar. Që nga çasti kur një ambasador e lidh publikisht veten e tij dhe shtetin e tij me një tifo politike ndaj një partie apo ndaj një kryetari partie, ai e ka nxjerrë veten jashtë kufijve të mandatit diplomatik. Është tipik, ambasadori i Rusisë në Beograd, i cili jo vetëm shpreh lavdërime për partinë nacionaliste serbe, por praktikisht i bën thirrje opinionit dhe elektoratit që të votojë për atë parti në zgjedhjet e ardhshme.
Një veprim i tillë në radhë të parë shpreh një pakënaqësi të hapur të ambasadorit dhe të shtetit të tij ndaj disa qëndrimeve dhe linjave proeuropiane, që ka shfaqur partia në fuqi e presidentit Tadiç, e cila po ecën sipas një skeme të njohur titiste, që ta ketë mirë edhe me perëndimin, edhe me Rusinë, dhe, në përputhje me këtë skemë, ka adoptuar kursin e padëgjuar të mbështetjes së politikës së jashtme të Serbisë në katër shtylla: BE, SHBA, Rusi dhe Kinë.
Mirëpo Rusia nuk është e kënaqur me këtë vijë titiste të presidentit Tadiç, sepse ajo e llogarit Serbinë ekskluzivisht si zonë e influencës së saj. Moska, e cila arriti t’i imponojë Beogradit kursin e largimit nga anëtarësimi në NATO, sheh me shumë dyshim afrimin e Serbisë me BE-në. Marrja e statusit të shtetit kandidat të BE-së nga ana e Serbisë nuk u prit mirë nga Rusia, e cila sheh rrezik për interesat e saj në çdo cep të rrugës politike të Serbisë drejt Europës. Këtë pakënaqësi e shprehu vetë ministri i jashtëm rus, Sergej Lavrov, në një intervistë për gazetën serbe “Vecernje Novosti” më 1 nëntor, kur deklaroi se bashkëpunimi i tanishëm nuk plotëson nevojat e të dy shteteve dhe se ka hapësirë për kërkimin e formave të reja të partneritetit. Në të njëjtën kohë, Ministria e Jashtme Ruse mori hapur në mbrojtje sjelljen e ambasadorit të saj në Beograd, duke deklaruar se ai ka vepruar në përputhje me mandatin e tij dhe nuk ka ndërhyrë në punët e brendshme të Serbisë.
Ndërhyrja e ambasadorit dhe e Rusisë në punët e brendshme dhe në jetën politike të Serbisë dëshmon se për çfarë alternative politike po përpiqet Moska në Serbi. Kjo është alternativa e sjelljes në pushtet të forcave nacionaliste dhe e kësaj partie radikale, kryetari i të cilës, Tomislav Nikoliç, kur u zgjodh pas zgjedhjeve të kaluara si kryetar i parlamentit, deklarata e tij e parë ishte se për Serbinë është më mirë të bëhet gubernë e Rusisë, se sa anëtare e BE-së. Qëndrimi politik dhe strategjik i Moskës në mbështetje të forcave nacionaliste në Serbi, padyshim ka efekte në disa drejtime, si brenda atij shteti, ashtu edhe në Ballkan. Sepse ai do të thotë një aktivizim i të gjithë rrjetit, fondeve dhe mekanizmave, që Rusia disponon në Serbi, për të penguar integrimin europian të atij shteti, për të mobilizuar forcat nacionaliste anti-perëndimore dhe për t’i ndihmuar ato të marrin pushtetin. Shumë diplomatëve dhe vëzhguesve u ka bërë përshtypje linja arrogante e ambasadorit rus, i cili, që nga viti 2009 e deri në kulmin e kësaj linje në muajt shtator-tetor 2011 ka regjistruar një kronikë të pasur të shkeljes së statusit të diplomatit dhe të ndërhyrjes në punët e brendshme. Nuk mund të mendohet se kjo buron vetëm nga profili apo formimi i tij personal sepse ai vetë e ka bërë të qartë se po zbaton një mision diplomatik të orientuar nga qendra. Sjellja e ambasadorit është në të njëjtën kohë edhe reflektim i pushtetit të fuqishëm, që Rusia dhe mekanizmat e saj ushtrojnë dhe kanë në Beograd. Vladimir Beba Popoviç, ish-drejtor i Zyrës se Komunikimeve pranë qeverisë së Serbisë, deklaronte në një gazetë të Beogradit para disa ditësh se roli i Rusisë në caktimin dhe rrëzimin e qeverive në Beograd është i njohur dhe se qendrat ruse të pushtetit brenda qeverisë serbe mbështetën në vitin 2003 vrasjen e kryeministrit Zoran Xhinxhiç, me mbështetjen edhe të agjentëve të shërbimit sekret rus, FSB.
Sjellja e ambasadorit rus ndihmon për të kuptuar më mirë dhe për të zbuluar prapaskenat e jetës politike në Serbi, për të deshifruar mozaikun e intrigave dhe lojërave të nëndheshme, që luhen nëpër korridoret e pushtetit në Beograd. Ky është një element i rëndësishëm për t’u ndjekur dhe analizuar, sepse ka të bëjë me perspektivën e pushtetit në Serbi, me ndërhyrjen dhe përzierjen e shteteve të huaja në luftën për pushtet mes forcave nacionaliste dhe forcave që quhen proeuropiane. Sepse, nëse në Beograd forcohet dhe inkurajohet nga Rusia ardhja në fuqi e partive nacionaliste radikale si SNS, DSS, etj., vetvetiu edhe pasojat kalojnë përtej kufijve të Serbisë, duke prekur Kosovën, Bosnjë-Hercegovinën, Kroacinë, Slloveninë, Maqedoninë, Malin e Zi, por edhe Shqipërinë. Efektet negative për rajonin nga ardhja e një qeverie radikale nacionaliste serbe janë lehtësisht të parashikueshme. Kjo duket, është edhe arsyeja, pse ambasada e SHBA-së në Beograd, në një kabllogram të saj drejtuar departamentit të shtetit, më 26 shkurt 2010, tërhiqte vëmendjen për veprimtarinë e ambasadorit rus Aleksandër Konuzi, duke theksuar se ai u bën thirrje nocioneve më të thella të serbëve mbi identitetin dhe historinë kolektive, me qëllim që të prodhojë emocione negative.
Mbetet shpresa se edhe në BE ndiqen po me aq kujdes këto zhvillime, me qëllim që bonuset dhe çmimet, që po i jepen presidentit Tadiç, të bëhen jo mbi bazën e “kartës së frikësimit me forcat nacionaliste”, që po përdor me efikasitet Tadiçi në Bruksel, por mbi bazën e asaj se sa ai vetë, partia e tij dhe qeveria e tij, janë angazhuar realisht ta tërheqin popullin në rrugën e integrimit europian dhe perëndimor.
    Kthehu Dėrgo Printo Home
Komento

Dėrguar nga Gjeto Muji, Suedi mė 11-11-2011 nė 12:25
@ Juri! Une, si lexues, nuk pash ndonje te keqe ne komentin e Bashkim Pitarkes per shkrimin e Shaban Muratit, dhe ju e quajtet ate "spiuni i Amerikes, me kohe"! Shqiptaret nuk eshte mire te jene spiun te askujt, e as te Amerikes, e larg qofte te jene spiun te Rusise! Por, nofka e juaj, "Juri" nje emer rus, te bene te mendosh se "Juri", mos eshte spiun rus, me kohe e gjithe kohen! Spiun i Mbreterise te se Keqes", sic e cilesonte Rusine, i famshmi Ronald Regan, ish president i USA!

Dėrguar nga juri, Vlora mė 07-11-2011 nė 15:14
Fol nga Amerika o spiuni Amerikės, me koh.

Dėrguar nga Bashkim Pitarka, Florida/SHBA mė 07-11-2011 nė 13:37
E nderuara redaksi,
Dua te shpreh mirenjohjen time per botimin e artikujve politike shume te rendesishme,qe boton ne gazeten tuaj,ambasadori Shaban Murati.Ky i fundit mbi veprimtarine e ambasadorit rus ne Beograd,qe po nxit uret e zjarrit ne Ballkan, urojte gjente vendin e vemendjen e duhur ne shtypin amerikan dhe ate te Evropes Perendimore e te Ballkanit.Politikes ruse ne Serbi dhe ne pergjithesi ne Ballkan duhet t'i kushtohet vertete vemendja dhe vigjilenca e duhur.

Bashkim Pitarka

Dėrguar nga altin, münchen mė 07-11-2011 nė 12:46
nuk e lexova Shkrimin, me mjaftoi "Hyrja" ne Teme....
       Shqiperia
21 Nėntor 2014
Buxheti 2015, Haxhinasto: Prioritet ka sektori i ujësjellës-kanalizime, rritje me 200% në mirëmbajtjen e rrugëve
Rritje të mirëmbajtjes së rrugëve si dhe n sektorin e ujësjellës-kanalizimeve parashikon buxheti i vitit 2015 për Ministrinë Transporteve. Buxheti u prezantua në Komisionin e Ekonomisë nga ministri Edmond Haxhinasto
KOMENTO
       Kosova
21 Nėntor 2014
Demaçi: Qeveria të funksionojë sipas modelit gjerman
Veprimtari i çështjes kombëtare, Adem Demaçi, e ka konsideruar të vonuar marrëveshjen për koalicion qeverisës në mes të PDK-së dhe LDK-së. Në një intervistë për “Epokën e re”, Demaçi ka vlerësuar se koalicioni PDK - LDK është në përputhje të plotë me zhvillimet e gjithëmbarshme në Kosovë
KOMENTO (1)
       Rajoni
21 Nėntor 2014
Qiproja e Veriut shënoi 31 vjetorin e shpalljes së pavarësise. Vendi njihet vetëm nga Turqia
Republika turke e Qipros së Veriut festoi më 15 nëntor të këtij viti 31 vjetorin e shpalljes së njëanshme të pavarësise. Në një ceremoni të organizuar në Lefkosa shoqëruar nga një paradë ushtarake, të pranishëm ishin drejtuesit më të lartë të këtij vendi
KOMENTO
       Bota
21 Nėntor 2014
10 të vdekur nga stuhia e dëborës në SHBA
Pjesa perëndimore e Nju Jorkut është goditur nga një valë e re e dëborës së madhe, më 20 nëntor, stuhi e cila ka bërë që dëbora të arrijë në 1.5 metra në ditët e fundit, duke çuar numrin e të vdekurve në 10
KOMENTO
       Sport
21 Nėntor 2014
Çerekfinalet, sytë te Flamurtari-Skënderbeu
Kupa e Shqipërisë ka përcaktuar 4 çiftet çerekfinaliste të këtij edicioni. Ndonëse enigmat ishin shuar që dy ditë më parë, kur u luajtën 6 nga 8 ndeshjet e turit të dytë, është dashur të përfundojnë dhe dy ndeshjet e ditës së sotme.
KOMENTO
       Kulture
20 Nėntor 2014
Maqedoni, Kisha Ortodokse lejon meshė nė gjuhėn shqipe
Me kėrkesė tė shqiptarėve ortodoksė nė Maqedoni, Kisha Ortodokse e Maqedonisė - Peshkopia e Ohrit miratoi qė nė tempujt kishtar tė mund tė mbahen mesha nė gjuhėn shqipe
KOMENTO (10)
       Metropol
21 Nėntor 2014
Emisioni "Kaktus", risia në "News 24"
Starton sot në "News24" emisioni më i ri investigativ "Kaktus" i gazetarit të njohur, Artur Çani. Dikur ideatori i emisionit "Ajsberg", ai sot vjen me prodhimin më të ri përmes të cilit do të denoncojë skandale të korrupsionit apo fenomeneve të tjera negative që ndodhin çdo ditë
KOMENTO
       Teknologji
21 Nėntor 2014
Flokët, tregues i shëndetit tonë
Me ardhjen e stinës së ftohtë flokët janë të parët që vuajnë pasojat e motit. Gjendja e tyre tregon se sa të shëndetshëm jemi nga mënyra sesi ushqehemi. Dëmtimi tek flokët në rastet e shumta tregon shenjat e para të një çrregullimi shëndetësor
KOMENTO
      
 
 
  TV | News24 - Live
 
   
   
   
   
   
   
   
   
   
  Radio | Rash - Live
 
  toolbar  
   
   
 
SONDAZH
 
 
Nensondazh
 
   
 
 
BALKANWEB.TV
Tentuan emigrimin ilegalisht nė Angli, 2 shqiptarė karbonizohen nė kamion
 
 
BALKANWEB.TV
Skandal nė Ballsh, ish-ministri i diktaturės Feēor Shehu shpallet “Qytetar Nderi”
 
 
BALKANWEB.TV
Gruevski flet shqip, kėnaqet audienca!
 
 
BALKANWEB.TV
“I penduari”: Do denoncoja krimet, policėt mė fyen e nxorėn pėrjashta
 
 
BALKANWEB.TV
Pamje tė rralla tė Kosovės me ngjyra nė vitin 1944
 
 
BALKANWEB.TV
Protesta, Selami: Nesėr do ta ballafaqojmė Ramėn me realitetin e zhgėnjimit
 
 
BALKANWEB.TV
Kėngėtarja tepėr transparente nė skenė, ja veshja qė tronditi botėn arabe
 
 
BALKANWEB.TV
Bota ne nje minute, fotot top te dites
 
 
BALKANWEB.TV
Ja kėnga pėr Sokol Olldashin
 
 
BALKANWEB.TV
Spoti Gjerman pėr kursimin e energjisė: Bėni seks me drita fikur!
 
 
BALKANWEB.TV
Pukianėt e presin me valle, Arvizu i kėshillon: Lini duhanin, qė tė ruani shėndetin
 
 
BALKANWEB.TV
Romėt protestė tek kryeministria: Na merrni jetėn, s’kemi lekė pėr dritat!
 
 
BALKANWEB.TV
Ritestimi, Mehmeti: Mėsuesit e vjetėr nėn presion, shkelje ligjore nga MAS
 
 
BALKANWEB.TV
Fėmijėt bėjnė me duar shqiponjėn kuqezi nė ndeshjen Greqi- Serbi
 
 
BALKANWEB.TV
Kodheli nė Lezhė: E trishtuar pėr humbjen 3 jetėve njerėzore
 
 
 
 
FOTOGALERI
SHBA, puthja nė buzė e ushtares me bashkėshorten qė u kthye nga Afganistani
 
 
FOTOGALERI
Ariu fotograf gati pėr tė shkrepur njė foto
 
 
FOTOGALERI
Shuhet nė moshėn 88-vjeēare Dukesha mė e pasur e Spanjės
 
 
FOTOGALERI
1 vit pa Sokol Olldashin, pėrkujtohet me kėngė e poezi, mungojnė Basha e Berisha
 
 
FOTOGALERI
Jo mė Barbie, vjen Lammily, kukulla me celulit
 
 
FOTOGALERI
Lauren Cohan, tregon trupin me bikini
 
 
FOTOGALERI
Indonezi, seks me tė panjohur pėr fat, mirė se erdhėt nė “Malin e Seksit”
 
 
FOTOGALERI
Taylor Swift femra e parė qė prek majat e Us Billboard
 
 
FOTOGALERI
Modeja serbe Vucelic, e dashura e re e Neymar
 
 
FOTOGALERI
Ben Affleck dhe Jennifer Garner mahnitės nė tapetin e kuq
 
 
FOTOGALERI
Kate Middleton, simboli i elegancės
 
 
FOTOGALERI
Shqiptarėt ngrenė zėrin nė Parlamentin Britanik qė Gjuha Shqipe tė jetė pjesė e GCSE
 
 
FOTOGALERI
Angli, autoritetet zbulojnė kokainė nė rrjetat e kutive
 
 
FOTOGALERI
Miley Cyrus seksi pėr “Golden Lady”
 
 
FOTOGALERI
Vogėlushėt e Fierit ndezin flakė qytetin me rastin e Festave Kombėtare
 
 
FOTOGALERI
Kelly Brook, prapaskenat e Kalendarit 2015
 
 
FOTOGALERI
“On the road”, ja rrugėt mė tė bukura nė botė
 
 
FOTOGALERI
Delfina Aziri di si tė festojė numrin 10 mijė tė fansave
 
 
 
 
   
 
 
No Flash