BalkanWeb.TV Foto Forum Horoskopi Moti Gatimi Kontakt
ARTIKUJ TEK
Analiza
21 Maj 2012 - 12:36 | LAJME
TRANSLATE
 
Parimi primar i subsidiaritetit
NGA: ILIR DHIMA
Parimi primar i subsidiaritetitKur mëse një vit përpara, Partia në pushtet e veshi fushatën e saj për të uzurpuar edhe organet e qeverisjes vendore me logon, apo parullën: “I pari, qytetari”, dikush mund mendonte se Partia Demokratike, veçanërisht lideri i saj, do të vepronin andej e tutje sipas përvojave të vyera të demokracisë europiane. Pra, ndokujt mund t’i dukej ajo logo, apo parullë si një reflektim pozitiv i faktorëve politikë në pushtet, pas hedhjes që u kishin bërë prej disa vitesh rresht piketave të një neodiktature të rrezikshme në shërbimin politik dhe ekonomik të një kaste të caktuar. Pra, pas thellimit të një varfërie ekstreme të shumicës së popullsisë në vendin tonë, pas grabitjes në përmasa shqetësuese të pasurisë kombëtare nga një grup njerëzish, pas koncentrimit të kësaj pasurie në duart e vetëm 5 për qind të familjeve shqiptare, pas skandaleve të njëpasnjëshme deri te shpërthimi masiv i armatimeve fare pranë Kryeqytetit ku iu muar jeta dhjetëra qytetarëve të mjerë dhe iu gjymtua ajo qindra të tjerëve, pas vrasjes dhe plagosjes mu në mes të një dite Janari dhe përgjatë një Bulevardi qendror të Tiranës nga selia e Qeverisë të disa shtetasve të pafajshëm që protestonin aspak dhunshëm ndaj politikave të saj etj, etj. Kështu, pas gjithë këtyre bëmave e gjëmave nuk munguan ata që sytë u shfaqnin tek ajo logo, apo parullë, një instrument për ndërtimin e sistemit të decentralizimit, dhe mendja u shkonte që gjithçka do të fillonte të ndryshonte.
Mirëpo, i mjaftueshëm ishte edhe një vit tjetër që tashmë të mos mbetet midis nesh ndonjë njeri aq naiv dhe ëndërrimtar i pafundmë sa të shpresonte se, qeverisjen aktuale nuk e zë as gjumi për të menduar të zgjidhë problemet gjithnjë e më të shumta dhe të vështira që kanë ngërthyer me thonjtë e luanit jetesën e përditshme të qytetarëve të këtij vendi. Në Tiranë, ku vjet u arrit që edhe organet e pushtetit vendor të zaptoheshin më së shumti nëpërmjet deformimit të kuadrit ligjor dhe votës së banorëve kryeqytetas, taksat dhe tarifat e shërbimeve jo vetëm që nuk u ulën, apo nuk u pakësuan, por u shtuan dhe u rritën së tepërmi. Ashtu sikurse ka ndodhur në shkallë vendi, çka pasqyrohet te treguesit e përgjithshëm të të ardhurave që kanë zbritur në nivele minimale historike dhe nuk duket ndonjë pengesë për zbritjen e mëtejshme tërë vrik të tyre. Nuk duket ndonjë pengesë, përderisa organizmat financiare ndërkombëtare, përkundër gjepurave të përhershme të Qeverisë shqiptare, parashikojnë që për këtë vit rritja ekonomike e vendit tonë do të kapë shifrën jo më të madhe se sa 0.5 për qind, ose katër herë më të ulët se sa mesatarja e vendeve të Rajonit të Europës Qendrore dhe Lindore. Nuk duket ndonjë pengesë, përderisa disa agjenci të Kombeve të Bashkuara, përkundër logoreve të përvitshme të Qeverisë shqiptare, konstatojnë që në këtë vend ka mbi 100 mijë familje, të cilat jetojnë në varfërinë më ekstreme dhe numri i tyre vjen në rritje. Nuk duket ndonjë pengesë, përderisa në indeksimin “Catch Up” që synon të japë përgjigje për pyetjen se sa po u afrohen 10 vende ish - komuniste standardeve të BE – së ku ato synojnë të aderojnë, këto ditë edhe publikimi i studimit të një instituti europian të Shoqërisë së Hapur e lë Shqipërinë, përkundër trumbetimeve të Qeverisë së saj, bashkë me Bosnjë – Hercegovinën në fund të listës me 27 pikë dhe me 6 pikë pas Maqedonisë e Malit të Zi.
Ajo që shton edhe më tepër dozat e pesimizmit është vijimësia e veprimtarisë legjislative të Qeverisë dhe mazhorancës legjislative në dëm të aspiratave të të gjithë qytetarëve për një jetë më të mirë dhe në veçanti të grupeve të interesit për mbarëvajtje të bizneseve e të punësimit, përfaqësuesit e të cilave rrallë ftohen për t’u konsultuar, apo dëgjuar dhe akoma më rrallë pasqyrohen vërejtjet e tyre në aktet ligjore e nënligjore. Përkundrazi, ajo që shton edhe më tepër dozat e trishtimit është ndryshimi i ligjeve për favorizim të hapur të disa gishta dore njerëzish që duhet të shpien ujë te mulliri i Vuçidolit. Ose grabitja e paskrupullt e pasurive të përbashkëta, në emër të dhënies të (alias) tenderave (më saktë, eleminimit të tyre) dhe piramidës së licencave ca kompanive me background - e dhe bilance të dyshimta, të cilat si kliente të këtij pushteti e lënë një pjesë të fitimit për pasurimin e paimagjinueshëm të ofiqarëve të tij. Madje, për këtë qëllim edhe një pjesë e të ardhurave që ligjërisht duhet t’i kalojnë buxhetit të shtetit u ngarkohet për t’i mbledhur disa shoqërive, të cilave nuk dihet ku u mbaron ky emërtim nga pikëpamja civile dhe ku u fillon ai nga terminologjia juridike. Të përmendësh këtu fakte konkrete dhe raste diskrete, qoftë edhe të kohëve të fundit, do të ishte diçka e papërshtatshme sepse përshkrimin e tyre jo vetëm që nuk mund të nxënë vëllime të tëra literature, por edhe se sa më thellë të futesh, aq më tepër indinjata ta zhbjerr edhe dëshirën për të kërkuar drejtësi, drejtësinë sociale dhe atë që mbështetet në të drejtën e kodifikuar. Të gjitha këto, tek e fundit shprehin nivelin e ulët të demokracisë në Shqipëri.
Në këtë kuadër, me gjendjen e krijuar dhe të konsoliduar drejt jo një të ardhmeje më të mirë, por të një prapambetjeje që të trondit, vështirë të flitet me bindje se me këtë qeverisje do të ketë dikur brenda vendit vërtet një kontroll politik të lidhur ngushtë me kontrollin juridiksional. Vështirë të flitet me bindje për një korrelacion të tillë primar në funksionimin e një shteti demokratik të kohëve moderne, përderisa në Shqipëri nuk ka ende, veç të tjerash, edhe një kontroll mbi subsidiaritetin. Më keq akoma, as nuk zbatohet dhe as nuk favorizohet ky parim rregullator i ushtrimit të kompetencave, ndoshta se përgjithësisht nuk njihet, apo se ndoshta zyrtarët shqiptarë nuk duan ta njohin. Sidoqoftë, për dijeni të lexuesit s’do të ishte e tepërt të sqarohej këtu, qoftë edhe tengancialisht, që nocioni i subsidiaritetit mbështetet në idenë, sipas së cilës kompetencat shtetërore në të gjitha nivelet dhe rrafshet duhet të ushtrohen sa më pranë qytetarëve. Ndonëse analistë të ndryshëm të së drejtës kanë shkruar që ky koncept daton që në periudhën e Aristotelit (disa të tjerë nuk shkojnë më tej se sa koha e Tomas D’Aquin – it), futja e tij në doktrinën dhe jurisprudencën e të drejtës europiane komunitare ka ndodhur relativisht vonë, pas hartimit të Traktatit të Romës. Ndërsa, në mënyrë të nënkuptuar, ai ishte i pranishëm kur duhej përcaktuar se në çfarë niveli do të ushtrohej çdo kompetencë, dhe kur prezumohej që autoritetet e ngarkuara me ndarjen e kompetencave veprojnë në mënyrë racionale, duke zgjedhur nivelin më të përshtatshëm. Aktualisht, që me hyrjen në fuqi të Traktatit të Bashkimit Europian, subsidiariteti paraqitet më së pari si shprehje e parimit të afërisë, sipas të cilit vendimet duhet të merren sa më pranë qytetarëve. Madje, më 25 Tetor të vitit 1993, Parlamenti, Këshilli i Ministrave të Jashtëm dhe Komisioni Europian përfunduan një marrëveshje ndërinstitucionale për zbatimin e këtij parimi.
Pa u zgjatur me arsyet e futjes së konceptit, apo institutit të subsidiaritetit dhe kontrollit mbi të në veprimtarinë e Shteteve Anëtare të Bashkimit Europian, si edhe me një sërë pyetjesh që kanë lindur gjatë analizës së elementeve të këtij parimi, duhet theksuar se zbatimi i tij përbën një kërkesë edhe për shtetet aspirante për t’u pranuar në BE. Në këtë optikë institucionale mund të vlerësohen edhe renditja dhe rëndësia e përmbushjes nga Shqipëria të 12 prioriteteve të caktuara në Marrëveshjen BE – Shqipëri të nënshkruar Nëntorin e kaluar në Bruksel. Pra, përkatësisht, përfundimi i reformës zgjedhore që presupozohet t’i presë rrugën shmangies së verdiktit të qytetarëve në proceset elektorale të ardhshme, e domosdoshme është që të mos i kapërcejë limitet e vendosura për këtë javë. Ashtu sikurse nuk mund të vonohet as miratimi i Rregullores së Kuvendit, si instrument i funksionimit të institucionit më të lartë të demokracisë përfaqësuese. Në këtë kuadër, për t’i hapur këtij vendi horizontet e zhvillimit, si edhe qytetarëve të tij të drejtën që u takon, përparësi të veçantë merr edhe zgjidhja e problemit të pronës. Ashtu sikurse nuk pret më pavarësia e organeve gjyqësore për zgjidhjet e drejta të konflikteve dhe për luftën e vendosur ndaj korrupsionit etj, etj.
Në këtë këndvështrim, zgjedhja konsensuale e Presidentit të ri të Republikës, ndonëse nuk shënohej në 12 prioritetet e Marrëveshjes së Nëntorit të kaluar, të njëjtës rëndësie primare i takon, aq më tepër që në dispozitën e parë të kapitullit përkatës të Kushtetutës së Republikës së Shqipërisë përcaktohet në mënyrë eksplicite, se: “Presidenti i Republikës është Kryetar i Shtetit dhe përfaqëson unitetin e popullit”. Kështu, vetëm i zgjedhur me një mbështetje sa më të gjerë në Kuvend, pra domosdoshmërisht me votat e jo më pak se tre të pestat e gjithë deputetëve mund të justifikohet mandati që populli sovran i ka dhënë këtij institucioni. Pretendimet personale, qoftë edhe të kryeministrit – lider i mazhorancës parlamentare, si edhe shtigjet procedurale aty nga mbarimi i periudhës 60-ditore për këtë zgjedhje dhe zgjidhje kushtetuese, me gjasë do të krijonin konflikte të thella politike, që mund të pasoheshin me refuzimin për të tretin vit radhazi të statusit të kandidatit zyrtar për në Bashkimin Europian. Rrjedhimisht, edhe me një kolaps të plotë ekonomik, që asnjë popull nuk mund ta dëshirojë.
Prandaj, në këto kushte kundërshtish dhe dredhish jo vetëm për zgjedhjen e Presidentit të ri të Republikës, por edhe për miratimin përfundimtar ligjor të reformave prioritare brenda afateve të përcaktuara, e vetmja rrugë që do t’i mbetej Kryeministrit dhe ca vasalëve të bindur të tij do të ishte ndërprerja (me apo pa dëshirën e tyre) e mandatit legjislativ dhe qeverisës. Sepse qytetarët e këtij vendi e aspirojnë atë status dhe në një kuptim të tillë vendimet duhet të merren sa më pranë tyre e sa më të mira për ta. Ky është teorikisht dhe praktikisht nocioni i subsidiaritetit, që krahas aplikimit të parimit të proporcionalitetit me asistencën e institucioneve Europiane dhe nën mbikëqyrjen e tyre shumë shpejt do të niste t’u imponohej zyrtarëve shqiptarë për ta njohur dhe zbatuar pa mëdyshje atë.
    Kthehu Dėrgo Printo Home
Komento
       Shqiperia
25 Tetor 2014
Tiranė, ndėrtoi njė pallat pa leje, pranga autorit
Njė person ka rėnė nė prangat e policisė mbrėmjen e sotme, nėn akuzėn se ndėrtoi pa leje njė pallat. Bėhet fjalė pėr Dritan Molla, i cili u arrestuar nga forcat e komisariatit nr.6 nė kryeqytet.
KOMENTO (1)
       Kosova
25 Tetor 2014
Kovacic: Jahjaga ende s’e ka konfirmuar pjesëmarrjen në Beograd
Kryetari i Grupit të Komisionit Trelateral të Serbisë, Jovan Kovacic, ka thënë për agjencinë serbe të lajmeve BETA se disa liderë të rajonit tashmë e kanë konfirmuar pjesëmarrjen në takim.
KOMENTO
       Rajoni
25 Tetor 2014
Greqi, përmbytje të mëdha prekin kryeqytetin dhe periferitë
Më shumë se 600 thirrje telefonike janë bërë në shërbimin zjarrfikës deri orët e para të mbrëmjes së të premtes për përballimin e pasojave të përmbytjeve nga shtrëngatat e shiut në Atikë
KOMENTO
       Bota
25 Tetor 2014
Maltë, rreth 220 migrantë shpëtohen në det të hapur
Migrantët mendohet të jenë sirianë dhe mes tyre ka shumë gra dhe fëmijë, të cilët u shpëtuan nga një anije peshkimi rreth 285 milje detare në juglindje të Maltës.
KOMENTO
       Sport
25 Tetor 2014
Mustafi shënon në fitoren e Valencias
Mbrojtësi shqiptar, Shkodran Mustafi, ka shënuar golin e tij të parë me klubin spanjoll, Valencia, ku u transferua gjatë afatit kalimtar veror. Los Che regjistruan fitore me rezultat 3-1 në atë takim, ndërsa kampioni i botës me Gjermaninë e shënoi golin e parë (12’).

KOMENTO
       Kulture
25 Tetor 2014
Sokrati-Kabashi flasin shqip edhe në “Kings-Place” të Londrës
Artisti i Merituar dhe Mjeshtri i Madh i Skenës Shqiptare, Mirush Kabashi vijon të përcjellë me shumë emocion, forcën e vërtetë të fjalës shqipe në skenat më prestigjioze të botës.

KOMENTO
       Metropol
25 Tetor 2014
Menduan se kishte Ebola, i shpërthen kokaina në bark
Ai ra në dysheme dhe filloi të bëj dridhje të pakontrollueshme, autoritetet e aeroportit të Madridit për gati 50 minuta nuk e ka ndihmuar pasagjerin, pasi u supozua se ai ishte infektuar me ndonjë virus të rrezikshëm siç është Ebola.
KOMENTO
       Teknologji
25 Tetor 2014
Pas deformimit, iPhone 6 merr flakė
Shumica nga ju mund tė keni dėgjuar raste tė deformimit tė iPhone 6 kur gjendet nė xhepin e pėrdoruesve. Ankesat mė tė fundit pėr kėtė telefon inteligjent lidhen me rėnien e ngjyrės sė tij.
KOMENTO
      
 
 
  TV | News24 - Live
 
   
   
   
   
   
   
   
   
   
   
  Radio | Rash - Live
 
  toolbar  
   
   
 
SONDAZH
 
 
Nensondazh
 
   
 
 
BALKANWEB.TV
Gėzimi i fėmijėve kur takohen me macen qė u kishte humbur
 
 
BALKANWEB.TV
Rama: Nė krye tė BSH-sė mund tė jetė njė femėr. Profili pėrshtatet me Rudina Seserin
 
 
BALKANWEB.TV
Ministrja Nikolla poston video: Ja e vėrteta qė UEFA e pa, por s'e respektoi. Shpėrndajeni!
 
 
BALKANWEB.TV
Lezhė, 3 persona tė maskuar grabisin njė banesė, pronarja: Mė terrorizuan me armė
 
 
BALKANWEB.TV
Moti pėr sot 25 tetor
 
 
BALKANWEB.TV
Qeni i i tėrheq fillin e bikinit padrones sė tij, ja videoja mė e klikuar nė YouTube
 
 
BALKANWEB.TV
PD, Duma: Nė protestė kundėr rritjes sė ēmimit tė dritave, tė ngrihemi e t'i ndalim
 
 
BALKANWEB.TV
Michel Platini ėshtė personi mė negative nė sport
 
 
BALKANWEB.TV
Bruksel, Basha takon homologėt nė PPE: Rrėshqitja nga standardet, alarm pėr KE
 
 
BALKANWEB.TV
PD: INUK bandė zuzarėsh qė ėshtė kthyer nė zar tė Ramės
 
 
BALKANWEB.TV
Rama: Fitorja e asaj nate mė e madhe se 3 pikė. UEFA minus tė madh vetes para racizmit
 
 
BALKANWEB.TV
Shqipėria humb 3 pikė, politika dėnon vendimin, AK thirrje pėr protestė
 
 
BALKANWEB.TV
Studentėt e Inxhinierisė nė protestė, kundėr rritjes sė tarifės e mesatares sė Masterit
 
 
BALKANWEB.TV
UEFA: Shqipėria humb 3-0 nė tavolinė ndeshjen me Serbinė, FSHF 100 mijė € gjobė
 
 
BALKANWEB.TV
Zhvesh gruan nudo dhe e detyron tė ec nėpėr fshat
 
 
 
 
FOTOGALERI
Amfiteatri i Durrėsit mbushet me vasha e dafina, pritje organizohet nga Zonja e Parė
 
 
FOTOGALERI
Ēizmet e shkurtra tė pėrshtatshme pėr vjeshtė dhe dimėr
 
 
FOTOGALERI
Vildane Zeneli me tė brendshme seksi nė Instagram
 
 
FOTOGALERI
Iran, ekzekutohet me varje njė vajze 26 vjecare, dyshohet pėr vrasjen e njė agjenti
 
 
FOTOGALERI
Tė dielėn ndryshon ora, do flini njė orė mė shumė
 
 
FOTOGALERI
2-vjeēarja kineze ēdo ditė tetori me kostum tė ndryshėm
 
 
FOTOGALERI
E mrekullueshmja, Gisele Bundchen
 
 
FOTOGALERI
Fytyrat e shėmtuara tė vajzave qė pinė duhan
 
 
FOTOGALERI
Kevin Costner, magjeps nė moshėn 59-vjecare
 
 
FOTOGALERI
Horror nė Raqqa, kufomat me koka tė prera dergjen rrugėve
 
 
FOTOGALERI
Herolind Shala tjetėr gol, feston si shqiponjė
 
 
FOTOGALERI
Enca: Zhveshja ime i pėrshtatet muzikės qė bėj
 
 
FOTOGALERI
Prishtinė, “Plisat” protestojė kundėr vendimit tė UEFA-s
 
 
FOTOGALERI
Hackerat shqiptarė lėshojnė Dronin nė faqen e Qeverisė Serbe
 
 
FOTOGALERI
Bleona me Porsche prej ‘ari’
 
 
FOTOGALERI
Njihuni me qytetin fantazmė!
 
 
FOTOGALERI
Kur Tulisa tė hipėn mbi shpinė
 
 
FOTOGALERI
Ish Miss Univerisi 67 vjeēe dhe duket si 20