BalkanWeb.TV Foto Forum Horoskopi Moti Gatimi Kontakt
ARTIKUJ TEK
Analiza
08 Shtator 2010 - 12:31 | LAJME
TRANSLATE
 
Rapsodi pa lavdi për luftën me lepuj e lepurushe
NGA: KICO BLUSHI
Rapsodi pa lavdi për luftën me lepuj e lepurusheNdërsa në Spanjë po diskutohet ndalimi me ligj i ndeshjeve tradicionale me dema, ne Shqiperi po promovohet një sport i ri, i paparë dhe samëska fantazmagorik: përditë e përnatë po shohim e dëgjojmë nëpër ekrane, gazeta e foltore kacafytje mes lepujsh dhe lepurushesh partiakë të hakërryer si kurrë ndonjëherë. Jo, nuk vriten lepujt me çifte nga gjuetarët nëpër pyje, sipas këngës “mora çiftenë, do dal për gjah”… As nuk rrihen dhe as nuk zihen për fyti e për qimesh lepujt tanë të telekomanduar që shfaqen në publik me ngulmin të provojnë dhe të na bindin se korrupsionin në këtë vend e paskan bërë ata vetë, natyrisht jo luanët dhe as ujqërit, dmth shefat e tyre, por lepujt e lepurushet që janë vetshpallur ndërkohë si armiq të ndërsjellë… Sigurisht në shënjestër përherë do të jenë ata që “nuk janë me ne”, pikërisht ata lepuj që i përkasin një tjetër stani, dmth një tjetër partie…Nga të dy stanet, ama, vjen e njëjta erë e qelbur…
E jo vetëm kaq, por edhe antikorrupsionin do ta kryejnë po ata, -lepujt dhe lepurushet e partive,- ata që e kanë lëkurën ose blu, ose rozë, ose të dyja ngjyrat bashkë...E pra, tash për tash nuk ka pikë dyshimi që të dy palët nuk kanë për të falur askërkënd po qe fjala për luftën antikorrupsion… Dosje, fakte, dokumente, shifra, harta, projekte, firma, emra, kompani, kërcënime, akuza, kundërakuza…këto do të kalojnë përditë nga goja e një lepuri te buzët e një lepurusheje…Aq të pamëshirshëm ngjajnë lepurushët shqiptarë të antikorrupsionit, sa të krijohet bindja se nesër nuk do të gjendet vrimë miu ku mund të futen ata lepuj që do të cilësohen hajdutë e ato lepurushe të përfshira në korrupsion… Në këtë betejë të pashëmbullt edhe gjuetarët e mediave, edhe gjykatësit e prokurorët e asaj që alla quhet Drejtësi, le më ne qytetarët e zakontë, ndjehemi të shastisur e nuk na mbetet tjetër veç të bëjmë sehir para ekraneve këtë gjueti jo shtrigash, por lepujsh të animuar…
Mes nesh ky nuk quhet më paradoks: sepse ne e dijmë që sot një lepur ka më shumë zë, ndikim dhe fuqi se e gjithë Prokuroria e Përgjithshme, se KLSH, apo ILDKP… Ja përse tolerancë zero me siguri do të na premtohet edhe njëherë në zgjedhjet e pritshme për pushtetin vendor ndaj gjithë atyre lepujve dhe lepurushëve të damkosur si armiq, ndaj lepujve e lepurusheve që kanë guxuar të ndyjnë buzët me atë që quhet korrupsion. Lufta mes lepujve qënka e pamëshirshme, paçka se gjithsesi ka për të mbetur përherë një luftë e rrëndomtë mes…mes lepujsh të tredhur…!
***
Iku vapa me gushtin e ja tek po vjen vjeshta; por, me sa duken bathët, edhe dimri ka për t’u përcjellë nga një betejë e paparë dhe e parreshtur mes lepujve e lepurusheve të dy partive të mëdha të përfshira në dilemën hamletiane: cili lepur dhe cila lepurushe ka ngrënë, ka abuzuar, ka vjedhur më shumë? Nuk flitet për karrota, as për lulelakër, ushqim tejet i pëlqyer nga lepujt natyralë, por për prona të tundshme e të patundshme, për toka e për konçensione, për miliona euro, madje edhe për miliarda…Vetëm rryshfeti që jep ose merr një lepur i sotëm, sipas vetë deklarimeve publike të lepujve ofiqarë, i kapërxeka edhe njëqind milion eurot! E pra, çfarë lepujsh gjigandë e të babëzitur paskan qënë këta tanët? Kjo pyetje nuk habit më njeri në këtë vend të mrekullueshëm, ku lepujt, në vend të karrotës hanë pallate, ku në vend të lulelakrës lepurushet gëlltisin hidroçentale!
Ka ardhur koha të thuhet: Lum kush është lepur! O sa mir’ me ken’ nji lepur partie! Shpejt do të vijë dita që nënat shtatzëna të urohen: “T’u bëftë nesër fëmija një lepur!”…Sepse, të kesh fatin të të emërojnë me gradën “lepur partie”, është më mirë se të të bëjnë akademik apo Nder i Kombit! Sepse një lepur i tillë domosdoshmërisht do të quhet i mençur…Sepse një lepurushe partiake, sado e brishtë të duket, nuk mund të përfytyrohet dot pa pasuri, pa prona e pa pushtet të pakontrolluar…Çiftja bam e lepujt gam! E pra, po të kesh fatin që kryetari i një partie të madhe, -nuk ka asfarë rëndësie në do të emërohesh lepur i pozitës apo opozitës,- të të shpallë lepur të partisë, automatikisht do të jesh edhe VIP, edhe zëdhënës, edhe zëmarrës, edhe i paprekshëm, dmth: i drejtë, i ndershëm, i plotfuqishëm, i pasur, pronar, i përkorë, dhe, vetkuptohet, edhe i shquar! Prandaj nuk do të ishte keq sikur në vend të Nder i Kombit, Presidenti i Republikës të akordonte dekoratën: ‘Lepur i shquar i Kombit’, apo ‘Lepur - mjeshtër i madh i Punës’!
***
Ndeshjet tradicionale të Shqipërisë së mesme me gjela janë zëvëndësuar qëllimisht nga regjisorët e politikës së sotme me luftën e ndërsjellë të lepujve e lepurusheve, me siguri për të krijuar një tjetër efekt, edhe pluralist, edhe demokratik; e njëkohësisht edhe magjik…Është shpallur pra lufta finale e lepujve me njëritjetrin, natyrisht jo vetëm për qëllime elektorale, por edhe mediatike. Në një shoqëri ku të gjithë janë bërë pis, edhe më i pafajshmi do të mbajë erë e do të duket fajtor; sepse aty ku sundojnë lepujt, është budallallëk të kërkohet drejtësi e aq më pak barazi para Ligjit. Ky është qëllimi përfundimtar i kësaj beteje oruelliane mes lepurushësh të xhindosur në fermën tonë të kafshëve që ndryshe quhet politikë: ai që arrin të bëhet lepur, është ku e ku më i rëndësishëm e më i pushtetshëm se ai që e quan veten njeri normal.
Nuk ka fantazi njerëzore që mund të përfytyrojë një sundim të tillë mediatik e politik të lepurushëve nga lepurushët. Andaj nuk ka natë e nuk ka ditë të mos shohim jo një, po disa ndeshje “për jetë a për vdekje” mes lepujsh besnikë. Nuk besoj të ketë një vend tjetër në botë ku lepurat japin çdo ditë konferenca për shtyp kundër njëritjetrit. “Nxirre lepurin nga barku!”…”Ti je lepur!”…”Lepuri i partisë tuaj është më i korruptuar se lepuri ynë”… ”Lepuri i Familjes ka gllabëruar jo një, po disa hidroçentrale!...”, “Ku fle lepuri juaj, zoti kryeministër?”…”I bëjmë thirrje kryeministrit të nxjerrë lepurin nga qeveria”…”Ku fle ti dhe ku fle lepuri yt, zoti Rama? Përgjigju!”…”Sa mijë metra katror ndërtime ka ngrënë lepuri juaj, zoti Rama? Përgjigju!”…E sigurt është që e fituar nga kjo kërleshje e radhës ka për të dalë ajo parti dhe ai lider që ka më shumë lepuj trima, sypatrembur dhe kordhëtarë! Vërtet nuk ka pyll pa derra, po ja që nuk u bëka dot as politikë efektive pa lepuj e lepurushe!
Dikur populli ynë i mençur, punëtor e liridashës ka kujtuar se është e pamundur të bëhet stan me lepuj, por ja që u bëka jo vetëm stan, po edhe qeveri, edhe pozitë, edhe opozitë, edhe Kuvend e sidomos partira me lepuj e me lepurushe të talentuar që i japin kuptim e vlerë jo vetëm lirisë së fjalës, por edhe pluralizmit e demokracisë së brendshme e të jashtme të partive! Sepse sa më shumë lepuj e lepurushe të ketë një parti, aq më e fortë është, aq më shumë unitet ka, aq më i sigurt, i paprekshëm, i pagabueshëm, i pazëvendësueshëm, dmth i përjetshëm do të ndjehet kryetari! Ndoshta stan me lepuj qëmoti nuk bëhej dot, sepse një babëzi, pafytyrësi e grykësi e tillë te kafshë aq të buta, të vogla, të brishta e paqësore, si janë lepurushet natyralë, nuk është parë e dëgjuar…E pra, morali i kësaj fabule me lepura e lepurushe të politikës është fare i qartë: kur janë kaq të babëzitur, dmth kaq të korruptuar lepurushët partiakë, si mund të fajësohen ujqërit, dhelpërat, derrat apo qoftë edhe krokodilët e Strazburgut?!
Sigurisht kjo betejë e pashëmbullt do të vazhdojë deri në zgjedhjet e ardhme për pushtetin vendor. Të tjerë lepuj dhe të tjera lepurushe kanë për të dalë në skenë për të na argëtuar e edukuar. Mund të ndodhë edhe që ndonjë lepurush të ikë në drejtim të paditur, por gjithsesi pa lepuj e pa lepurushe që sillen si luanë nuk kemi për të mbetur.
***
Krejt ndryshe nga lepujt natyralë, lepujt partiakë nuk ka çark që i kap, nuk vriten me çifte mediatike, nuk ia krisin vrapit nga frika e ndonjë dhelpre; ata dhe ato nuk kanë as frikë, as turp, as drojë…Nuk ka gjuetar, gjykatës apo prokuror që mund t’i kapë lepurushët e politikës në befasi, aq më pak në gabim. Lepurushët tanë nuk bëjnë as lapsuse, aq të sigurt ndjehen, edhe kur thonë broçkulla. Sot për sot vetëm lepujt kanë të drejta absolute, janë ata/ato që mund të vënë pikat mbi çdo ‘i’, ata/ato që mund të zënë pusi, të ngrehin kurthe, të të kapin papritur e pakujtuar në çark, të gjuajnë pas shpine me çiften e shpifjeve këdo, madje edhe gjykatësit, edhe prokurorët, këdo pra që “nuk është me ne”…Ja përse koha punon për lepujt; me siguri edhe koha është marrë me konçension nga lepujt, në mos është privatizuar dhe ne nuk e kemi marrë vesh…Ja përse edhe qeveria, opozita, mediat, organet e Drejtësisë, etj., nuk e vrasin mendjen të punojnë për interesat e vendit e të qytetarëve, por detyohen të vihen nën hyqmin e lepujve e lepurusheve të partive! Nuk paska sistem më të përçudnuar e më të vështirë për të mbijetur me nder e, pse jo, edhe për t’u përballur me dinjitet se një sistem politik që drejtohet e sundohet totalisht nga lepujt e lepurushet e partive! Në këtë situatë më duket se më shumë se çdo arsyetim shkojnë këto vargje të Brehtit: “Luftova me luanët dhe fitova/ me gjakun tim ushqeva çimkat/ për të më ngrënë, më hëngrën mediokrit…(në këtë rast duhet zëvendësuar fjala ‘mediokrit’ me fjalën ‘lepujt’, ndonëse, në fakt, shumëkush e kupton vetë se është e njëjta gjë).
    Kthehu Dėrgo Printo Home
Komento

Dėrguar nga kastriot, usa mė 10-09-2010 nė 01:07
SI GJITHNJE, MBETET KICOJA QE KA QENE. KETO GJERA I DI,I SHIKON DHE I KUPTON CDO SHQIPTAR. NUK ESHTE SE KICOJA THOTE NDONJE GJE QE NE S'E DIME.
PO PSE NE CDO SHKRIM TE TIJ JEPEN VETEM KONSTATIMET QE BEJNE "MUUUU" NE SHQIPERI DHE NUK JEPET NJE RRUGEZGJIDHJE OSE DHE VETE KICOJA TE VEPROJE PER TE ZGJIDHUR TE PAKTEN NJE PROBLEM QE AI NGRE?

Dėrguar nga Klodi, boston mė 09-09-2010 nė 13:47
Per komentin do ta permblidhja perfundimisht me shprehjen e gazetarit ne kete artikull se : " .. Nuk ka gjuetar,gjykates apo PROKUROR qe mund ti kape lepurushet e politikes ne befasi e aq me pak ne gabim".Kjo per mendimin tim eshte thelbi i gjthckaje ne kete tymnaje leprash.Fakti eshte se ka nje denoncim nga selmanllari per aksionet 20 % dhene tanleprit te bosit bashkiak don mafiozit erama dhe prokuroria faktikisht eshte LEPURI kryesor ne kete beteje per te arrestuar leprat e korruptuar.

Dėrguar nga Dritan, Tirane mė 09-09-2010 nė 12:10
Jam plotesisht dakort me autorin.Por ke haruar se lepujve, here u jepet karrote e here kamzhik.
Dritani

Dėrguar nga Vlora, Vl mė 09-09-2010 nė 10:52
Rishikoni prioritetet pastaj merruni me observimet letrare. Do tu besoja shume sikur te shkruash per Derrat e lumtur (si ata qe jetojne ne Viene psh) apo si ca qyqe qe vetem vrer nxjerrin ne kete beteje te padrejte politike. Keto artikuj me duken si ca muahabete shterpe kafenesh. Ke degjuar gje per Gerdecin ku u dogjen femijet te gjalle? Keto jane dilemat baze te shqerise ndersa juve merreni me ca lepuj nderkohe qe ujqit dhe cakallet po bejne kerdine.Ky pozicion i barazlarguar politik vjen ere.

Dėrguar nga Elti, Milano mė 08-09-2010 nė 12:53
:) URIME :)
me pelqeu artikulli z.KICO te pakten arrin te shkepus nje buzqeshje per te cilen cdo kush ka nevoje. Buzqeshje jo me kuptimin po me pershkrimin e goditur.
       Shqiperia
23 Shtator 2014
Dyshohet pėr eksploziv nė makinė, ish-gruaja e kėrcėnoi ‘do tė hedh nė erė’- FOTO
Ekspertėt e policisė janė duke kontrolluar mjetin, pas telefonatės dyshuese tė pronarit tė saj, i cili mėsohet se ka njė konflikt me ish-bashkėshorten e tij. Ngjarja sot nė Tiranė. (foto nga vendngjarja) (Nė pėrditėsim)
KOMENTO
       Kosova
23 Shtator 2014
Flora Brovina: Seanca plenare, të enjten e ardhshme
Kryesuesja e seancës konstituive në Kuvendin e Kosovës, Flora Brovina, ka konfirmuar se seanca e radhës do të mbahet të enjten e javës së ardhshme, përkatësisht më 2 tetor.

KOMENTO
       Rajoni
22 Shtator 2014
Maqedoni, VMRO-DPMNE paralajmëron zgjedhje të reja në nëntor
“Në rast se deputetët e opozitës të udhëhequr nga LSDM nuk kthehen në Parlament, në muajin nëntor do të shpallen zgjedhje të parakohshme parlamentare”, deklaroi shefi i grupit parlamentar të VMRO-DPMNE, Ilija Dimovski në një intervistë për televizionin Telma
KOMENTO
       Bota
23 Shtator 2014
Ban Ki-moon: Ndryshimi klimatik, rrezik për paqen
Sekretari i përgjithshëm i Kombeve të Bashkuara, Ban Ki-moon, ka kërkuar nga qeveritë e të gjitha vendeve në botë, që të tregojnë përkushtim kuptimplotë për marrëveshjen klimatike, e cila pritet të nënshkruhet në vitin 2015 në Paris.
KOMENTO
       Sport
23 Shtator 2014
Rooney: Nuk jam lojtari që isha dikur
Kapiteni i Manchester United, Wayne Rooney, thotë se ai nuk është lojtari që ishte dikur, pavarësisht se ka shënuar vetëm dy gola deri tani për klubi.
KOMENTO
       Kulture
23 Shtator 2014
Shijo Vjeshtėn! Huffington Post rendit Sarandėn nė vendin e dytė
Faqja e njohur Huffington Post, nė faqen e saj online, ka renditur 10 destinacionet mė tė mira pėr tė kaluar stinėn e vjeshtės
“Business Insider”: Turizmi 10 vitet e ardhshme, Shqipėria nė 50 vendet e para

KOMENTO
       Metropol
23 Shtator 2014
Studimi: Meshkujt tullacë janë më të mirë në shtrat
Një studim më i fundit tregon se meshkujt tullacë janë më të mirë në shtrat, sesa ata që kanë flokë. Studimi i publikuar në ‘Journal of International’ studiuesit amerikanë gjetën meshkujt tullacë që kanë më pak gjasa për të zhvilluar tumoret e testikujve.
KOMENTO
       Teknologji
23 Shtator 2014
Sfida e Assange: Totalitarizmi i ri janë kolosët e Interneti
Ka sinjale të qartë se qytetërimi global po shkon drejt një antiutopie. Pyetja është: cfarë mund të bëjmë? Përgjigja është se ka disa zgjidhje – mund të jenë të mjaftueshme apo jo, por janë gjithë sa kemi
KOMENTO
      
 
 
  TV | News24 - Live
 
   
 
 
   
   
   
   
 
 
   
   
   
  Radio | Rash - Live
 
  toolbar  
   
   
 
SONDAZH
 
 
Nensondazh
 
   
 
 
BALKANWEB.TV
Komisioni i Ekonomisė diskuton rishikimin e buxhetit, Cani: Bėheshin planifikime tė fryra
 
 
BALKANWEB.TV
Vlore, dyfishohen kėrkesat pėr arsimin profesional
 
 
BALKANWEB.TV
Tahiri-Ndėrkombėtareve: Investoni qė ta asgjėsojmė drogėn qė nė mbjellje
 
 
BALKANWEB.TV
Beqaj: Barnat? Po ka mungesa nė QSUT, mbulim me barna alternativė
 
 
BALKANWEB.TV
Vlorė, djali i mėsueses plagos me pistoletė nė shkollė nxėnėsen 17-vjeēare
 
 
BALKANWEB.TV
Dorėhiqet live nga TV, gazetarja: Do luftoj pėr legalizimin e kanabisit
 
 
BALKANWEB.TV
Kinė, njė ėmbėlsirė si vepėr arti, flokė sheqeri bėhet njė lule
 
 
BALKANWEB.TV
Publikohet video e njė shqiptari duke ekzekutuar njė maroken nė Milano
 
 
BALKANWEB.TV
SHBA fillon sulmet ajrore kundėr Shtetit Islamik nė Siri
 
 
BALKANWEB.TV
Bota nė njė minutė, fotot top tė ditės
 
 
BALKANWEB.TV
Lamtumirė Ikonės sė teatrit Besa Imami!
 
 
BALKANWEB.TV
Prokuroria mbyll hetimin: Vdekja e Olldashi, aksident. Shkeli rregullat e qarkullimit
 
 
BALKANWEB.TV
Njė 2-vjeēar me leucemi, prindėrit: Ndihmė! Nuk pėrballojmė dot financiarisht mjekimin
 
 
BALKANWEB.TV
Nis ndėrtimi i Korridorit Jugor tė Gazit, Gjiknuri: Shqipėria nė hartėn energjitike tė Evropės
 
 
BALKANWEB.TV
Kinezėt rrime me ditė nė radhė Phone 6 dhe i shesin mė shtrenjtė
 
 
 
 
FOTOGALERI
Dyshohet pėr eksploziv nė makinė, gruaja e kėrcėnoi pas ndarjes ‘do tė hedh nė erė’
 
 
FOTOGALERI
Foto epike nė plazh
 
 
FOTOGALERI
Studentja ruse mbulon Mercedesin me njė milion kristale Swarovski
 
 
FOTOGALERI
Qeni tėrhiqet zvarrė me makinė, pamjet indinjojnė web-in
 
 
FOTOGALERI
Shtretėrit mė tė veēantė nė botė
 
 
FOTOGALERI
Google, njė doodle per tė inauguruar vjeshtėn
 
 
FOTOGALERI
Fotoja e parė e Beyonce shtatzėnė me Blue Ivy nė bark
 
 
FOTOGALERI
Dorėhiqet live nga TV, gazetarja: Do luftoj pėr legalizimin e kanabisit
 
 
FOTOGALERI
Nga mashkull kthehet nė femėr, mbi 100 ndėrhyrje pėr tė pasme bombastike
 
 
FOTOGALERI
Njihuni me vajzen qė ka tre gjokse
 
 
FOTOGALERI
Lamtumirė Ikonės sė teatrit Besa Imami
 
 
FOTOGALERI
Britani, njė 44-vjeēare sulmohet nė rrugė, askush s’ndėrhyn
 
 
FOTOGALERI
17-vjeēarja shqiptare shpallet “Miss Gjermania 2014”
 
 
FOTOGALERI
Ja hajdutja mė seksi nė botė!
 
 
FOTOGALERI
Pogradec, shembin hotelin buzė liqenit, 1 punėtor vdes, plagosen 2 tė tjerė
 
 
FOTOGALERI
Stefano De Martino ēantė 5 mijė euro dhuratė bashkėshortes
 
 
FOTOGALERI
Rihanna ja fotot nudo tė hakeruara
 
 
FOTOGALERI
Mamaja qė lindi dy grupe binjakėsh nė mė pak se njė vit