Dënimi i UEFA me 10 vite pezullim nga kompeticionet e saj për Skënderbeun si dhe 1 mln euro gjobë do të mbeten në fuqi të paktën deri më 25 shtator, pavarësisht se korçarët kanë apeluar në CAS.
Është kjo e fundit, gjykata e arbitrazhit sportiv në Lozanë, e cila deri më datën e lartpërmenduar nuk ka në plan asnjë seancë gjyqësore për klubin korçar.
Kujtojmë që Skënderbeu aktualisht ka dërguar dy kërkesa për gjykim në CAS. Përveçse dënimit të UEFA-s, ata kërkojnë drejtësi në këtë shkallë gjyqësorë edhe për pjesëmarrjen këtë sezon në “Champions League”.
Konkretisht Skënderbeu kërkon pezullimin e vendimit të UEFA që do t’i lejonte të marrin pjesë në Europë, në një kohë që siç u tha më lart vendimi përfundimtar për dënimin pritet të vonojë.
(e.k/BalkanWeb)