TIRANE – Ajo ia fali tradhtinë dhe së shpejti do të bëhen prindër për herë të parë. Bashkëshortja e Agon Amiga-s, Egzona mesa duket ka vendosur të hedhë pas krahëve ngjarjen aspak të këndshme të disa viteve më parë.

Kënga “Topless” në bashkëpunim me Afërdita Dreshajn i hapi shumë punë Agon Amiga-s, pasi sipas këngëtarit kjo “këngë” e ndau nga gruaja. Ai ka pranuar për emisionin “Prive” se Afërdita është bërë shkak për ndarjen nga gruaja.

Asokohe thuhej se raportet mes Afërditës dhe Agon Amiga-s ishin më shumë se miqësore. Mirëpo, sot sipas “Lajmi.net”, Egzona e ka falur Agon Amiga-n dhe së shpejti do të bëhen prindër të një djali. Ata madje kanë një vit e gjysmë që janë bashkuar dhe jetojnë të lumtur së bashku.
(BalkanWeb)