Trajneri i Kukësit, Armando Cungu, në një prononcim pas kualifikimit në “Champions” kundër Valleta-s është shprehur se ekipi ka patur presion psikologjik për këtë ndeshje.
Kualifikim emocional pas rikthimit në Kukës, një hap i mbarë për ju…
Rikthimi në Kukësi normalisht që ka emocionet dhe sadisfaksionet e veta për historinë që kemi kaluar te Kukësi. Ka qenë një simpati e veçantë për mua pas Vllaznisë, natyrshëm që ma ka dhënë Kukësi këtë fat.
Ndeshja e sotme ishte shumë e vështirë. Kërkohej me çdokush nga ne, nga opinioni sportiv kalimi i turit edhe pse jo shumë të favorshëm për sa i përket ndeshjes së parë. Kemi pasur një presion psikologjik për vetë faktin që Kukësi duhet të kalonte.
Nuk e mendonte njeri që Kukësi nuk mund të kalonte Valetën. Në fakt nuk ishte ashtu, Valeta për mendimin tim ishte ekip shumë i mirë.
(BalkanWeb)