BalkanWeb.TV Foto Forum Horoskopi Moti Gatimi Kontakt
ARTIKUJ TEK
Dossier
27 Gusht 2013 - 15:57 | LAJME
TRANSLATE
 
Ben Theodhosi: Ju tregoj marrëdhëniet e çuditshme me babin tim byroist
NGA: FATOS VELIU
Ben Theodhosi: Ju tregoj marrëdhëniet e çuditshme me babin tim byroistKoço Theodhosi është një nga emrat e njohur në Shqipëri, më shumë si simbol i grupit armiqësor të sajuar pas goditjes së diktaturës komuniste në fushën e ekonomisë. Ai ka qenë një person i arsimuar në Perëndim dhe ka pasur një kulturë profesionale të kompletuar, gjë që e kishte bërë tepër të nevojshëm në synimet dhe ambiciet ekonomike, sidomos në fushën e industrisë minerare, që kishte shteti i atëhershëm. Detyrat e larta që iu ngarkuan, si dhe përkushtimi profesional me të cilat i kryente ato, e bënë shpejt Koço Theodhosin një nga njerëzit më të njohur dhe më të respektuar deri në vitet '75. Pas atij viti erdhi rrënimi i tij i menjëhershëm. Partia-shtet me në krye Enver Hoxhën kishte filluar të godiste njëri pas tjetrit grupet tashmë të njohur "armiqësorë", të cilët kalonin me tepër bujë para demaskimit publik dhe së fundmi para pushkatimit. Kështu, pas zbulimit të grupit armiqësor të kulturës, i cili përfaqësohej nga Todi Lubonja dhe Fadil Paçrami, i erdhi radha goditjes së grupit të ushtrisë, ndërsa pak më mbrapa u godit grupi i ekonomisë, që përfaqësohej nga Abdyl Këllezi dhe Koço Theodhosi. Po kush ishte Koço Theodhosi në të vërtetë dhe cila ishte historia e jetës së tij. Për këtë flet i biri i tij, Arben Theodhosi, i cili tashmë radhitet ndër piktorët më të preferuar në vend. Ai u përgjigjet pyetjeve të tilla si:
* - Kush ishte në të vërtetë jeta e Koço Theodhosit dhe e familjes së tij, në "Bllokun" e famshëm të udhëheqjes.
* - Si përcillej nga fëmijët e "Bllokut", ndërsa filloi lufta e pamëshirshme me baballarët e tyre duke shpallur njëri-tjetrin armik.
* - Goditjet e para që u bënë mbi grupin e kulturës e të ushtrisë dhe peripecitë fëmijëve të tyre për t'u ndarë përfundimisht me moshatarët me të cilët ishin rritur.
* - Kur filloi goditja ndaj njeriut të fuqishëm deri në atë kohë, Koço Theodhosit dhe si u shkarkua nga të gjitha funksionet në një kohë rekord?
* - Largimi nga "Blloku" dhe internimi i tij në minierën e bakrit në Kurbnesh.
Këto dhe të tjera pyetje të kësaj natyre do t'i lexoni pikërisht në pjesën e parë të intervistës së mëposhtme të të birit të Koço Theodhosit.

Përshëndetje zoti Arben dhe mirëserdhët në rubrikën tonë, duke u vënë kështu në dispozicion publikut të gjerë për të zbardhur disa detaje mbi jetën e babait tuaj, i cili është një figurë e spikatur në historinë e Shqipërisë së djeshme, gjë që përbën interes të veçantë jo vetëm për neve, por kryesisht për historinë, për publikun e gjerë, për vetë pozicionet zyrtare që ka pasur, prej të cilave do të thosha u bë edhe viktimë. Së pari, për të ndërtuar rrjedhshmërinë e këtij bashkëbisedimi do ta filloja pikërisht me pyetjen se kush është pikërisht Koço Theodhosi, i cili arriti deri në krye të hierarkisë së shtetit të djeshëm prej të cilit u bë dhe viktimë. Pra, për të qenë edhe më i qartë do të doja t'ia nisnim me të kaluarën e hershme të tij. Cila është ajo?
Së pari, faleminderit për ftesën dhe do mundohem t'ju tregoj sa më mirë aq sa di. E para, duhet të sqaroj një gjë. Fakti që jam i biri i Koço Theodhosit, në disa aspekte mendoj se nuk do të thotë që disa ose shumë nga ngjarjet e tij ti di unë më mirë. Kjo ndodh sepse përgjithësisht e gjykojnë si edhe historianët më të mirë që nuk është e thënë të jenë të njohur. E dyta, Koço kishte një diçka të veçantë që hesapet e tij të politikës dhe shtetit nuk i ndante me fëmijët e tij. Dhe e treta, unë nuk është se kam qenë shumë i interesuar për këto gjëra.
Megjithatë, ju jeni pikërisht njeriu apo dëshmitari më okular, që dini shumë rreth tij apo jo?
Pikërisht këtu do të dilja. Duke qenë se di mjaft gjëra për arsye se kam jetuar 22 vjet në kontakt me babanë derisa ndodhi ndëshkimi i tyre, do mundohem të jap me saktësi gjërat që di.
E fillojmë më origjinën e tij?
Si prejardhje, ai ka lindur në Korçë në një familje relativisht në gjendje të mirë. I ati ka qenë epitrop në kishën e Shën Gjergjit në Korçë, ndërsa e ëma ka qenë nga familja e pasur e Turtujve. Besoj ke dëgjuar diçka dhe për dajën e Koços që ka qënë Thoma Turtulli, i cili është personi që ka bërë filantropitë e njohura në Korçë siç ka qënë liceu, spitali Korçës etj. Duke qenë se vinte nga një familje e tillë, pasi bëri dy vite në liceun e Korçës, ai u dërgua në Francë.
Është njohur në atë kohë me Enver Hoxhën?
Në Francë po.
Në liceun e Korçës?
Nuk e kam idenë për këtë, sepse s'kam informim, por di që të dy së bashku me Enver Hoxhën kanë qenë studentë në Francë. Për të shkuar në Francë rekomanduan vetë pedagogët e liceut të Korçës, ku kreu dy vitet e para, për faktin se kishte prirje për shkollë. Ndërkohë ato studime i vijoi dhe ne Belgjikë.
Të lutem t'i saktësojmë pak, se ka shumë rëndësi për faktin se është përfolur shumë këto vite të analizës së situatës së Shqipërisë komuniste, ku së shumti është thënë që ishte kontigjenti në krye të shtetit komunist të atëhershëm që ishin me origjinë intelektuale këta që u goditën, prandaj zoti Theodhoi, jam shumë i interesuar të di CV-në arsimore të tij. Pra, theksuat se fillimisht para se të shkonte në Francë, ka vijuar në Belgjikë?
Po, në Belgjikë ka qenë për studime në një shkollë për industrinë e lëkurës. Pikërisht aty e rekomanduan të shkonte në Francë për të vazhduar studimet e mëtejshme për kimi. Në këtë mënyrë, nga Belgjika shkon në Francë, me saktë në Lion, ku u regjistrua për kimi.
Këtu ka qenë njohur me Enver Hoxhën, të cilin ma keni theksuar në fillim të kësaj interviste?
Po, po. Në këtë periudhë ai është njohur shumë me Enver Hoxhën, por dhe me personalitete si Gogo e Kozma Nushin apo shkrimtarin e ardhshëm Petro Marko.
Nga bisedat që keni bërë me të, se ju keni qenë adoleshent, a kujtoni emra të tjerë?
Edhe mundet që dikur të kem dëgjuar diçka, por nuk i mbaj mend. Për aq sa di unë, kur është kthyer nga Franca… .
Të lutem, me Enver Hoxhën ai është njohur në Francë?
Po kështu flitet, unë vetë nga ai nuk e kam dëgjuar. Nga të tjerët di që janë njohur, po kryesisht ka qenë i njohur me Gogo Nushin.
Qartë. Në Francë thatë se vijonte studimet për kimi?
Aty ka studiuar për kimi në Universitetin e Lionit dhe me sa mbaj mend, diploma ka qenë ekselent, që do të thotë se ishte vlerësuar "shkëlqyer".
Pas kësaj, duke pasur një kualifikim të tillë arsimor kthehet në Shqipëri?
Pastaj kanë ardhur këtu si studentë të ngarkuar me ato idealet atdhetare të asaj periudhe, ku në Shqipëri sundonte politika fashiste.
Kush është veprimtaria e tij që ju keni mësuar të ketë pasur në periudhën e luftës?
Di që në atë kohë ka qenë në ushtri në jug, madje për këtë kohë, dikur nga Naxhije Dumi kam lexuar në lidhje me menaxhimet e lekëve të grekëve me një ndershmëri… etj.
Pse, çfarë ka deklaruar Naxhije Dumi?
Në një intervistë të dhënë dikur në një të përditshme shqiptare, ajo teksa fliste për veprimtarinë e saj gjatë luftës, ndër të tjera ka deklaruar:
"Grekët vërtetë dërgonin tek ne në Korçë paratë, që i administronte me ndershmëri proverbiale Koço Theodhosi - (i cilësuar në gjyq si opozitar i partisë që gjatë luftës) - por materialet me shumë vështirësi i siguronim dhe i nisnim ne për në destinacion"
Në Belgjikë dhe në Francë, shkollën e mbaroi para lufte?
Ai është kthyer në vitin '41, kështu që i bie të jetë në kulmin e luftës.
Pas lufte e shohim të preferuar apo të piketuar për ta pasur kuadër eficient, që ka shkuar siç më keni thënë, në detyrën e lartë për ekonominë e kohës "komisar i jashtëzakonshëm", apo si quhej?
Ata quheshin komisar të qeverisë demokratike në sektorë të ndryshëm dhe ky ishte në Kuçovë për arsye të naftës, meqë ishte inxhinier i kimisë.
Me naftën s'kishte lidhje arsimi i tij, apo jo?
Por mesa duket, meqë nuk ishin të shumtë inxhinierët...
Në '44 shkon në…?
Në Kuçovë dhe nuk e di sa ka ndenjur, por besoj 1 vit. Pastaj ka filluar në Ministrinë e Punëve Botërore, ku ministër ka qenë Spiro Koleka.
Më vonë, diçka në '47 ose '49, ka shkuar një vit në Moskë si përfaqësues i Këshillit të Lartë Ekonomik, që quhej KNER. Ishte një lloj përfaqësuesi ekonomik.
Mbas saj?
Mbas asaj vazhdon karriera në Kryeministri, ku ka qenë president i Komisionit të Planit të Shtetit, atëherë zëvendëskryeministër dhe 10-vjetshin e fundit ka qenë ministër i Industrisë, që dihet që ka qenë periudha e miqësisë të shumënjohur me Abdyl Këllezin, ku për hir të së vërtetës ata kanë qenë dy personalitete që mund t'i quajmë më tepër të lapsit ose teknicienë të Byrosë Politike se sa politikanë, madje ishin personalitete shumë të dëgjuar, sepse i thonë 30 vjet karrierë.
Në ç'vite shkoi zëvendëskryeministër?
Nuk e mbaj mend shumë saktësisht, por pak a shumë diçka aty rreth '58-ës apo '60.
Po anëtar i Byrosë Politike?
Që kur kam qenë i vogël e mbaj mend që ishte kandidat i Byrosë Politike. Ishte një kohë kandidatë u bënë Kadri Hazbiu, Pilo Peristeri. Pra, në këtë kohë kandidat i Byrosë Politike u bë dhe Koço Theodhosi. Më vonë nuk e di saktësisht se në cilin kongres, por unë e kam fiksuar se ka qenë kongresi i V më duket, ky dhe Kadri Hazbiu u shkëputën dhe u bënë anëtarë të Byrosë Politike. Këta ishin pak a shumë një ekip që ishin simpatik, që karakterizohej nga tipa të humorit dhe të satirës.
Pra, në Byro Politike ju thoni që ishte një 13-she …?
Kjo ishte një periudhë që ata quheshin njerëzit e ish-"Bllokut", për faktin e lagjes ku banonim.
Juve mbani mend nga jeta tuaj në "Bllok" apo keni shkuar më mbrapa?
Që nga fëmijëria kur kam njohur veten dhe deri në moshën 22-vjeçare kam qenë aty.
Më shumë për kuriozitet, mund të thoni se në çfarë vile keni banuar saktësisht në "Bllok"?
Aty janë ndërruar dy ose tri shtëpi. Kështu, në fillim kemi qenë komshi me Beqir Ballukun e Sadik Bekteshin. Aty ishte një zonë pak a shumë e ngushtë, por di që ndërroheshin vendbanimet.
Ju keni qenë fillimisht tek e njëjta shtëpi nuk keni lëvizur? Me kë keni qenë komshi ju?
Në fillim kemi pasur një banesë komshi me Sadik Bekteshin, pastaj kemi shkuar komshi me Gogo Nushin ku saktësisht i bie të jetë mbrapa godinës së ish- Komitetit Qendror dhe mbas asaj kur unë kam qenë diku aty te 14 vjeç, kemi shkuar te vila komshi me atë të Ramiz Alisë, Hysni Kapos dhe Enver Hoxhës, ku kam ndenjur deri në moshën 22-vjeçare. Këto vila janë ndërruar sigurisht në periudha të ndryshme të jetës.
Personaliteti i një prindi, i një intelektuali, i një figure prezantohet edhe në marrëdhënie me fëmijët, me shokët, me vartësit. Dua të di marrëdhënien tuaj me babain tuaj.
Mua më ka bërë përshtypje periudha e studentit në lidhje me babanë. Unë atëherë nuk para e vlerësoja, por di që e kam vlerësuar më vonë. Ishte goxha liberal në lidhje me sjelljet në raport me edukimin ose me ngjarjet që ndodhnin. Shpesh merrte sinjale nga gjimnazi ose akademia ku isha unë, të tilla si: "Jo ka filluar duhanin, jo ka veshur këtë xhaketë, flokët i ka kështu e ashtu, shoqërohet me këtë apo atë person… etj., etj. Përgjithësisht nuk më thonte me ashpërsi apo të revoltohej.
Merrte informacion?
I jepnin informacion. Dhe ai duke vlerësuar personalitetin tim, më linte në dorë të edukimit normal dhe jo mes rrugës së frikës. Unë kisha shokë të tjerë aty brenda "Bllokut" që familjarët e tyre ishin të ashpër.
Për këtë e keni vlerësuar më vonë?
Prandaj siç u thashë, e kam vlerësuar shumë më vonë. Ai ishte tepër liberal.
Keni pasur ndonjë rast të mbani mend për ashpërsi të tët eti në lidhje me atë periudhë të adoleshencës suaj studentore?
Në ndonjë rast u bë një çikë problem. Ka qenë një ditë që në shtëpi hynë disa pedagogë të mitë dhe panë piktura me tendenca jashtë normave zyrtare që kërkohej atëherë.
Dhe ju ka kritikuar yt atë?
Vetëm më ka thënë "ki kujdes". Vetëm kaq. Ishin tendencat që sidomos aty nga viti '74 filluan të kritikohen më tepër. Kjo ishte arsyeja që dy nga pedagogët kërkuan të vinin dhe të shihnin se ç'bëhej në studion time. Unë u mundova të fshihja disa gjëra po sigurisht nuk do ia dilja dot.
Jemi në '74, pak kohë pas këtij veprimi kemi goditjen. Mendoni se mos ka qenë ardhja e pedagogëve një veprim i stisur? Se është një guxim të shkojë pedagogu i fëmijës te shtëpia e anëtarit të Byrosë Politike, aq më shumë duke qenë dhe një pedagog i thjeshtë. Ndërkohë që merr guximin të shkojë dhe në studion e pikturës ku siç më keni thënë, ishte në kënd të oborrit dhe të shikojë pikturat e të birit të tij, mund të më shkojë mëndja që njerëzit e Sigurimit po ushtronin një survejim?
Këto gjëra nuk përjashtohen.
Ku ju erdhën pedagogët?
Në këtë banesën e fundit.
Jua përmenda edhe në pyetjen e mëparshme, që me sa di unë, keni pasur një kthinë të veçantë në oborr të adaptuar si studio ku ju merreshit me pikturë?
Ata e dinin një gjë të tillë, se nuk ishin gjëra që nuk merreshin vesh, por çështja është a mund të kishin lidhje këto dy ngjarje me ardhjen e pedagogëve, me akuzimin një vit më pas, që ndodhën akuzat e tjera, këtu nuk di se çfatë t'ju them. Fakti që ata erdhën ishte shumë normal, sepse ishte në kuadrin e edukimit, se nuk kishin si ta bënin më parë, viti dytë ishte në akademi. Ata mendonin që duhej edukuar ky njeri dhe donin një kontakt me prindërit.
Thatë që ju hynë në studio?
Ata u pritën nga prindërit për të parë se ç'bëhej në studio. Kjo ishte një ngjarje me pak incidente. Aty unë kisha lënë një shokun tim të quajtur Bujar Luca, që ta rregullonte, të fshihte ato që s'duheshin parë se kush rrinte dëgjonte kritikat e tyre dhe ky bëri aq sa mundi dhe kështu normalisht nuk u kënaqën në atë vizitë, por dhanë edhe këshilla të tilla që "keni kujdes", etj… Por ajo që vlerësova te tim atë ishte qetësia dhe mënyra si më dha këshillën, duke më lënë të kuptoja që të bëja kujdes se bëhesha problem, se sa duhej të isha kështu e ashtu, gjë për të cilën jua thashë, ia kishte lënë edukimit tim normal.
(Vijon nesër)

KUSH ËSHTË KOÇO THEODHOSI

Koço Theodhosi ka lindur në vitin 1913, në Korçë. Po në qytetin e tij kreu liceun francez, gjatë të cilit ra nën ndikimin e ideve komuniste të grupit të krijuar në atë kohë në qytet. Pas kësaj ka kryer studimet e larta universitare në Liezh të Belgjikës dhe në Lion të Francës, në degën e kimisë, ku është vlerësuar me medaljen e artë. Gjatë qëndrimit në Francë mori pjesë në grupin e studentëve dhe punëtorëve antifashistë që aderonin në radhët e Partisë Komuniste franceze. Në vitin 1936 ndihmoi me strehim, ushqim dhe për kalimin e kufirit franko-spanjoll të gjithë antifashistët shqiptarë, të cilët shkuan si vullnetarë në luftën e Spanjës. Në vitin 1939 Koço Theodhosi ishte në grupin organizator të studentëve shqiptarë të mbledhur në Grenoblë, të cilët protestuan kundër agresionit fashist të Shqipërisë. Ata nënshkruan gjithashtu telegramet që iu drejtuan kryeministrit anglez Chamberlen dhe atij francez Daladie, të cilëve u kërkohej të ndërhynin për pavarësinë e Shqipërisë. Pas kthimit në atdhe në vitin 1940, Koço Theodhosi u angazhua fuqishëm në lëvizjen komuniste që po lindte në atë kohë. Ai është një nga 200 komunistët e parë që nisën aktivitetin për çlirimin e Shqipërisë. Në vitin 1942 zgjidhet anëtar i Këshillit Antifashist Nacionalçlirimtar të qytetit të Korçës. Në maj të vitit 1944 merr pjesë si delegat i Korçës në punimet e Kongresit të famshëm të Përmetit.

Pas luftës:
Koço Theodhosi ka kryer detyra të rëndësishme shoqërore dhe shtetërore, që e bënë atë shumë të famshëm. Kështu:
Më 9 nëntor të vitit 1944, me vendimin nr. 1 të Qeverisë shqiptare, ai emërohet komisar i jashtëzakonshëm i naftës në zonën e Kuçovës, detyrë të cilën e kreu deri në vitin 1947.
* Në vitin 1947 emërohet zv.ministër i Punëve Botore.
* Në vitin 1949 emërohet zv.kryetar i Komisionit të Planit të Shtetit me kryetar Nako Spirun.
" Në vitin 1949 merr pjesë në delegacionin e Qeverisë shqiptare të kryesuar nga Enver Hoxha që shkoi në Moskë, i ngarkuar me detyrën e përfaqësuesit të Qeverisë shqiptare në Këshillin e Ndihmës Ekonomike Reciproke, ku qëndroi aty për këtë detyrë deri në vitin 1950.
" Më pas bëhet anëtar i kabinetit qeveritar dhe kryetar i Komisionit të Planit të Shtetit dhe më pas vijon në këto detyra:
" Kandidat i Komitetit Qendror të PPSH-së
" Anëtar i KQ të PPSH-së
" Anëtar i Byrosë Politike të KQ të PPSH-së
" Zëvendëskryeministër
" Ministër i Industrisë së Rëndë dhe të Minierave
" Deputet i Kuvendit Popullor në të gjitha legjislaturat
deri në 1975-ën
" Në vitin 1975 shkarkohet nga të gjitha funksionet shtetërore dhe shoqërore dhe internohet familjarisht
" Më 17 maj të vitit 1977 dënohet nga Gjykata e Lartë e atëhershme me "dënim me vdekje".
" Po në vitin 1977 ekzekutohet vendimi i marrë nga gjykata dhe Koço Theodhosi pushkatohet.
    Kthehu Dėrgo Printo Home
Komento

Dėrguar nga Vlonjati 02, Vlore mė 27-08-2013 nė 16:30
Nuk quhej Ministri e Puneve Boterore(sa per te qeshur), por e Puneve Botore...
       Shqiperia
01 Tetor 2014
Ministri Naço në Mbretërisë e Bashkuar, merr pjesë në hapjen e vitit ligjor të Anglisë
Ministri i Drejtësisë Nasip Naço po zhvillon një vizitë zyrtare në Mbretërisë e Bashkuar. Ai ka marrë pjesë në hapjen e vitit ligjor të Anglisë në Uells. Ceremonia u zhvillua në Ëestminister Abbey
KOMENTO
       Kosova
01 Tetor 2014
Kosovë, Flora Brovina kërkon shtyrjen e seancës konstituive
Kryesuesja e seancës konstituive të Kuvendit të Kosovës, Flora Brovina ka dërguar kërkesë tek sekretariati i Kuvendit me anë të së cilës ka kërkuar që të shtyhet seanca konstituive e planifikuar të mbahet të enjten më 2 tetor.
KOMENTO
       Rajoni
01 Tetor 2014
Vendoset permendorja e Nexhat Agollit. VMRO-DPMNE: Ėshtė e Metodija Shatorov Sharllo
Skandal i vėrtetė duket se ka ndodhur mes partnerėve tė koalicionit VMRO DPMNE dhe BDI. Pėrmendoren tė cilėn para disa ditėsh e prezantoi deputeti i BDI-sė Artan Grubi duke thėnė se i takon Nexhat Agollit, duket se ėshtė njė gėnjeshtėr e kulluar
KOMENTO (1)
       Bota
01 Tetor 2014
Kryeministri iraken kundër sulmeve ndaj ISIS-it
Kryeministri irakian, Haider al-Abadi, ka thënë për BBC-së se ai kundërshton "totalisht" përfshirjen e kombeve arabe në aksionin kundër ISIS-it në vendin e tij.
KOMENTO
       Sport
01 Tetor 2014
Mazzarri: Humbja si me Cagliarin s’do përsëritet
Gjiganti italian arriti të barazojë rezultatin në sfidën ndaj Cagliarit, por më pas këta të fundit shfrytëzuan gabimet dhe fituan me rezultat 4-1 që ka shtuar presionin mbi trajnerin e Nerazzurëve.
KOMENTO
       Kulture
01 Tetor 2014
Eqerem Çabej, dalin dorëshkrimet e fundit
Këto ditë doli nga shtypi dhe hyri në qarkullim vëllimi V i veprës “Studime etimologjike në fushë të shqipes” të prof. Eqrem Çabejt, botuar nga Shtëpia botuese “Çabej”, nën kujdesin e Brikena Çabejt
KOMENTO (1)
       Metropol
01 Tetor 2014
Sondazh, shqiptarët adhurojnë stinën e Pranverës
Nga rezultati dallohet lehtë se çelja e luleve, gjelbërimi, ringjallja e natyrës pas dimrit të egër është momenti që shqiptarët adhurojnë më shumë, madje aq shumë sa duke lënë pas dhe stinën e verës, që u dhuron pushimet e shumëpritura
KOMENTO (1)
       Teknologji
01 Tetor 2014
LG prezanton zyrtarisht telefonin LG F60
LG prezantoi sot telefonin LG F60, njė pajisje me parametra mesatare, e cila ofron lidhjen LTE. Ky telefon ka procesorin Snapdragon me katėr bėrthama me shpejtėsi 1.2 GHz dhe 1GB RAM. Ai do tė operojė me sistemin Android 4.4.2 KitKat.
KOMENTO
      
 
 
  TV | News24 - Live
 
   
   
   
   
   
   
   
   
  Radio | Rash - Live
 
  toolbar  
   
   
 
SONDAZH
 
 
Nensondazh
 
   
 
 
BALKANWEB.TV
Bllokohet kamioni me 2 ton drogė, 15 shqiptarė nė pranga
 
 
BALKANWEB.TV
Crown Agents: Doganat shqiptare kanė bėrė progres fenomenal
 
 
BALKANWEB.TV
Rama nė Fier: Puna ishte nisur nga kėmbėt, brenda mandatit tė parė transformim qytetit
 
 
BALKANWEB.TV
Vrasja e Lamaj, Basha: Dekonspirimi i dėshmitarit kyē akt mafioz
 
 
BALKANWEB.TV
Bota nė njė minutė, fotot top tė ditės
 
 
BALKANWEB.TV
Dhunuan dhe i grabitėn 100 euro tė moshuarit italian, pranga 3 shqiptarėve
 
 
BALKANWEB.TV
EKSKLUZIVE/ Elivar Golemi: Prokuroria na pengoi nė zbardhjen e sė vėrtetės
 
 
BALKANWEB.TV
“Tak3n”, ja trajleri i pjesės sė tretė filmit!
 
 
BALKANWEB.TV
Grabitėsit terrorizojnė ēiftin e tė moshuarve, u marrin sendet me vlerė nė banesė
 
 
BALKANWEB.TV
Kreu i shoqatės jepte statusin e jetimit nė kėmbim tė favoreve seksuale
 
 
BALKANWEB.TV
Dita e tė moshuarve, raporti: Norvegjia, vendi mė i mirė pėr t’u plakur
 
 
BALKANWEB.TV
Beqaj: Mbrojmė qytetarėt nga duhani, rrisim akcizėn, Ahmetaj: Promovim energjisė sė gjelbėr
 
 
BALKANWEB.TV
Daul-Bashės: Nuk ia vlen tė qėndrosh nė parlament kur nuk respektohet demokracia
 
 
BALKANWEB.TV
Punonjėsi idiot, vjedh diamantin, e shet pėr njė qese marijuane
 
 
BALKANWEB.TV
Ankesat e Greqisė pėr tekstet shkollore, kėrkon ndėrhyrjen e KE
 
 
 
 
FOTOGALERI
Itali, bllokohet kamioni me 2 ton drogė, 15 shqiptarė nė pranga
 
 
FOTOGALERI
Magjia e make-up njė tribu Masai nė Londėr
 
 
FOTOGALERI
Mynih, prapa kuintave tė panairit te erosit
 
 
FOTOGALERI
Taksistėt amerikan nė poza, njė vit mes ironise dhe bamirėsisė
 
 
FOTOGALERI
Kate Middleton, fėmija tjetėr qė tani ka njė emėr
 
 
FOTOGALERI
Berlusconi, njė ditėlindje si mbret dhe njė torte me kurorė
 
 
FOTOGALERI
Luana e dehur me verė dhe muzikė
 
 
FOTOGALERI
Emily Ratajkowski “hot” me tė kuqe
 
 
FOTOGALERI
Nga Singapori nė New York, tė fluturosh nė njė suitė 23 mijė$
 
 
FOTOGALERI
Kur njė puthje pėrjetėsohet nė shtete tė ndryshme
 
 
FOTOGALERI
Puff Daddy: J-Lo ka tė pasme tė hatashme, vepėr arti
 
 
FOTOGALERI
A ėshtė kjo kamerierja mė seksi qė keni parė?!
 
 
FOTOGALERI
Beyonce foto me tė brendshme
 
 
FOTOGALERI
Zhvishet Adriana Lima
 
 
FOTOGALERI
Chelsea Clinton del nga materniteti me vogėlushen, Charlotte
 
 
FOTOGALERI
Miqėsia e fėmijėve dhe maceve, ja fotot mė tė bukura
 
 
FOTOGALERI
Seksi si Jessica Biel
 
 
FOTOGALERI
Skandal/ Kreu i shoqatės jepte statusin e jetimit nė kėmbim tė favoreve seksuale