BalkanWeb.TV Foto Forum Horoskopi Moti Gatimi Kontakt
ARTIKUJ TEK
Dossier
14 Maj 2013 - 09:19 | LAJME
TRANSLATE
 
Martiro: Pas vdekjes së Mehmetit, u arrestuam të gjithë ne hetuesit e grupit të Ballukut
Nga: FATOS VELIU
Martiro: Pas vdekjes së Mehmetit, u arrestuam të gjithë ne hetuesit e grupit të Ballukut(Vijon nga numrat e kaluar)

E ndërpremë intervistën e numrit të kaluar zoti Martiro, pikërisht pas vendosjes së Marjetës dhe Bashkim Shehut në Kryevidh të Kavajës, ku pas kësaj ju mësuat se paski qenë në përpunim të kolegëve tuaj, pasi ishit futur në listat e zeza të 'gjuetisë së shtrigave'. Si vijoi më tej kjo histori paradoksale?
Për t'jua kujtuar jo vetëm juve, por edhe lexuesit që na ndjek, saktësisht ju kam theksuar se në përfundim të përpunimit të Marjetës, sipas detyrës së marrë, së bashku me Bashkimin i vendosëm në një apartament të posaçëm në Kryevidh të Kavajës.
Pikërisht në përfundim të veprimeve, të dy ne që u morëm me këtë punë, pra unë dhe inspektori operativ, u thërritëm në Ministrinë e Mbrojtjes pikërisht në zyrën e ministrit Kadri Hazbiu, ku ishte gjithashtu edhe ministri i Punëve të Brendshme, Hekurani Isai, si dhe kreu i Sigurimit të Shtetit, Rexhep Kolli.
Ne raportuam për përfundimin e veprimeve sipas planit të miratuar dhe eprorët na përgëzuan për punën e bërë.
Por fill pas kësaj, mua më shkëputën krejtësisht nga veprimet operative dhe hetimore në drejtim të familjes së Mehmet Shehut dhe nga hetimet me Skënderin.
Po kështu u shkëput edhe Elham Gjika nga hetimi i Fiqiret Shehut.
Siç u vërtetua më vonë, ne ishim në përpunim në ndjekje, ishim vënë në listën e zezë.
Gjatë kohës që unë merresha me hetimin e Skënder Shehut dhe Elham Gjika me hetimin e Fiqiretit, shkëmbenim të dhënat që dilnin nga hetimi i këtyre të arrestuarve.
Skënderi kishte deponuar aq sa unë kam përmendur më lart, kurse Fiqireti kishte deponuar se Mehmeti kishte pasur rezerva ndaj vijës së Partisë që ndiqte Enver Hoxha, si për politikën e brendshme, ashtu edhe për atë të jashtme. Nuk ishte dakord me masat që ishin marrë në vitin 1966. Nuk ishte dakord për goditjen e kuadrove në ushtri, ekonomi e tregti. I kishte cilësuar këto masa për t'i marrë krahët atij, etj.
Pra, kemi goditjen e nisur në kuadrot e Ministrisë së Brendshme në këtë kohë?
Jua kam përmendur disa herë edhe në intervistat e kaluara dhe sërish po jua rikujtoj se, gjithçka nisi pas largimit nga kreu i Ministrisë së Brendshme të Feçorr Shehut dhe ardhjes në drejtim të saj të Hekuran Isait. Pas kësaj filloi një goditje ndaj kuadrove më të shëndoshë dhe më idealistë të asaj ministrie dhe rehabilitimi i njerëzve spekulativë, servilë, të paaftë dhe që pretendonin se kishin qenë të goditur apo të neglizhuar nga drejtuesit e mëparshëm të ministrisë. Pra, ne që na u drejtua shigjeta konsideroheshim besnikët apo njerëzit e Kadriut apo të Feçorrit.
Nga vinte Hekuran Isai në krye të asaj ministrie?
Hekurani ishte një ish-punëtor në Uzinën e Naftës në Cërrik, që u ngrit nga Enver Hoxha në postet më të larta.
Në çfarë detyrash kishte kaluar?
Kishte qenë në detyrën e Sekretarit të Parë në rrethin e Librazhdit e në atë të Peshkopisë. Më pas ai u bë anëtar i Byrosë Politike të KQ të PPSH-së dhe po ashtu ministër i Punëve të Brendshme.
Ju punuat një farë kohe në atë ministri, duke pasur ministër Hekuran Isain. Si e vlerësoni atë?
Isai ishte i gatshëm të zbatonte pa hezitim e të vinte në jetë çdo skenar të Enver Hoxhës, duke përdorur çdo mjet të kundërligjshëm.
Po në strukturat e tjera drejtuese të asaj ministrie dominante të shtetit të asaj kohe kush u vendos?
Zëvendësministër i parë në Ministrinë e Punëve të Brendshme për anën e Sigurimit u emërua Rexhep Kolli, i cili deri në atë kohë punonte në aparatin e KQ të PPSH-së, ku drejtonte pikërisht aparatin special për të kontrolluar veprimtarinë e organeve të Punëve të Brendshme, kryesisht atë të Sigurimit të Shtetit.
Çfarë ishte ky aparat në Komitetin Qendror?
Ky ishte një sektor i rëndësishëm, e nëpërmjet tij jepeshin e kontrolloheshin direktivat e KQ të PPSH-së në këto organe. Nëpërmjet tij merreshin direktivat për goditjen e personave, kuadrove, që cilësoheshin nga udhëheqja e Partisë "armiq", "antiparti", "sabotatorë" etj.
E çfarë ishte ky Rexhep Kolli, që vjen në krye të Sigurimit famëkeq të Shtetit?
Edhe Rexhep Kolli ishte besnik për të realizuar gjithçka të udhëheqësit të lartë të PPSH-së.
Të dy këta persona si Hekurani edhe Rexhep Kolli filluan punën për të vënë në jetë planin ogurzi që kishte përgatitur Enver Hoxha për likuidimin e kuadrove më të devotshëm, siç kishte bërë edhe më parë, apo për të vërtetuar alibinë e tij për ekzistencën e një "organizate kundërrevolucionare", me në krye "poliagjentët" Mehmet Shehu e Kadri Hazbiu.
E si do ta realizonin këtë skenar?
Për realizimin e këtij skenari të Hoxhës, ata krijuan dy grupe të mëdha për t'u marrë me punën operative e hetimore.
Kush i drejtonte këto?
Grupin hetimor e drejtonte vetë Hekuran Isai, i cili kishte për detyrë, që me çdo mjet, duke përdorur tortura psikike e fizike, të vërtetonte alibinë e Enver Hoxhës për ekzistencën e një "organizate të madhe kundërrevolucionare". Kokën e të gjitha grupeve të tjera armiqësore që ishin zbuluar nga Partia, domethënë nga Enver Hoxha, e që drejtohej për mëse dyzet vjet nga "poliagjenti" Mehmet Shehu e Kadri Hazbiu.
Po grupi tjetër?
Grupi operativ, që drejtohej nga Rexhep Kolli, kishte për detyrë të grumbullonte materiale, të dhëna e dëshmi me çdo mënyrë, shpifje e gënjeshtra për personat e arrestuar dhe për ata që duhej të arrestoheshin sipas skenarit të parapërgatitur, e t'ia kalonte këto hetuesisë. Të përgatiste materialet për arrestimin e të tjerëve me qëllim që të zbatonin në praktikë planet e Enver Hoxhës, direktivat e tij, për spastrimin e kuadrove që ai kishte piketuar e që i quante armiq.
Dhe?
Kështu filloi "fshesa e hekurt", "gjuetia e shtrigave" kundër kuadrove në Ministrinë e Punëve të Brendshme dhe në sektorë të tjerë.
Nisi?
Normal që do niste. Ishte planifikuar çdo gjë. Kështu, siç ju kam thënë, në darën e saj mes paskrupulltësish të panumërta do të përfundoja edhe unë.
Ku nisi gjuetia?
Por në momentin që po ju them, jemi në shkurt të vitit 1982, kur pikërisht në zyrën e tij në ministri, u arrestua vetë ish-ministri i Punëve të Brendshme, Feçorr Shehu.
Po?
Me pretekstin se kishte bërë gabime të rënda në punën e drejtorisë së Hetuesisë, u shkarkua nga detyra, vetë drejtori i kësaj drejtorie, Elham Gjika.
Pra, nisi në seri kjo goditje?
Po, po. Pas Elhamit u shkarkua nga detyra edhe drejtori i Drejtorisë së Sigurimit të Shtetit, Kadri Gojashi, kuadro këta të aftë, me eksperiencë në punën e Sigurimit.
Zbriti poshtë ministrisë?
Më tej u nxor në lirim kryetari i Degës së Pestë, Dhimitër Bonata, njeri i aftë e me shumë eksperiencë në punën e Sigurimit.
U nxor gjithashtu në lirim kryetari i Degës së Sigurimit të Ushtrisë, Çerçiz Xhelo dhe kuadro të tjerë.
U konsiderua triumf ky lloj spastrimi?
Në këtë situatë të favorshme për ta, filluan të lëviznin e të merrnin flamurin e shpëtimtarit njerëzit më negativë, servilët, të paaftët, karrieristët, ata që ishin kritikuar për gabime në punë siç ishin: Birçët, Kolët, Lakët, Krifcat, Myrdarët, Haznedarët e të tjerë, të cilët shpifën e intriguan gjithçka ndaj kuadrove të aftë e të ndershëm. Pikërisht mbi bazën e intrigave, shpifjeve, shtrembërimit të fakteve e ngjarjeve, falsifikimin e materialeve, nxjerrjen e dëshmive nga të arrestuarit, apo dhe personave të tjerë duke përdorur ndaj tyre dhunë fizike e psikike, që në atë kohë u ligjërua nga ministri i Punëve të Brendshme, Hekuran Isai, filloi arrestimi i kuadrove.
Juve personalisht kur u arrestuat?
Vazhduan në vijim gjërat. Në prill të vitit 1982 më arrestuan mua, në atë kohë kryeja detyrën e kryetarit të Degës së Veçantë në Drejtorinë e Sigurimit të Ministrisë së Punëve të Brendshme dhe Elham Gjikën, ish-drejtor i Drejtorisë së Hetuesisë në ministri e pak më pas Lirim Pëllumbin, ish-kryetar i Degës së Punëve të Brendshme në Durrës.
Kush u emërua drejtor i Hetuesisë pas arrestimit të Elhamit?
Drejtor i Hetuesisë në Ministrinë e Punëve të Brendshme u emërua Pirro Dauti, ish-punonjës në Prokurorinë e Tiranës dhe kushëri i Kadri Hazbiut.
Kushëri i Kadri Hazbiut?
Kjo ishte politikë e njohur e Enver Hoxhës.
Ai emëroi kushëririn e Kadriut në krye të Drejtorisë së Hetuesisë në Ministrinë e Brendshme, me qëllim që ai të ishte i qetë e të kuptonte se nuk kishte gjë me të, përkundrazi të mendonte se e konsideronte si besnikun e tij.
Pra, juve kuadrot kryesorë u arrestuat?
Nga grupi i hetuesve pjesëmarrës në hetimin e grupit të ushtarakëve, të akuzuar për "puç" e "komplot" dhe atyre të ekonomisë, të akuzuar për sabotim në organizimin shtetëror dhe në ekonomi u arrestuan tre hetues.
Kush ishin përkatësisht hetuesit e ekipit të gjeneralëve?
Për t'jua rikujtuar po ju ripërmend:
Së pari u arrestua Feçorr Shehu, që nëse e mbani mend, ishte pikërisht përgjegjës i grupit të hetimit të ushtarakëve të lartë me Beqir Ballukun.
Elham Gjika dhe unë, Kristofor Martiro.
Po dy të tjerët pse nuk u arrestuan?
Në atë moment hetuesi Rustem Hodo kishte vdekur. Vetëm Piro Dauti, që siç u thash, u ngrit në përgjegjësi. Për skenar të paracaktuar, ai u emërua drejtor i Drejtorisë së Hetuesisë në Ministrinë e Punëve të Brendshme.
Pra, kemi vetëm arrestime dhe asgjë tjetër?
Në prill, maj e qershor të vitit 1982 u arrestuan
Llambi Ziçishti, ish-ministër i Ministrisë së Shëndetësisë;
Xhavit Ismailaga, që ishte berber në hotel "Dajti", i cili më mbrapa kishte qethur edhe Mehmet Shehun.
Arrestohet edhe drejtori i Drejtorisë së Dytë në Ministrinë e Punëve të Brendshme, Llambi Peçini, i cili kishte pasur për detyrë pikërisht sigurinë fizike të udhëheqjes më të lartë të Partisë.
Në qershor të po atij viti arrestohet Gani Kodra, i cili ishte kryetar i Degës së Sigurimit të Anëtarëve të Byrosë Politike dhe Anëtarëve të Komitetit Qendror të Partisë.
Në gusht të vitit 1982 u arrestua Mihallaq Ziçishti, që kishte qenë zëvendësministër në Ministrinë e Punëve të Brendshme, e më vonë sekretar i Parë i Komitetit të Partisë në rrethin e Korçës e të Durrësit.
Më 1 tetor 1982 u arrestua Ali Ceno, ish-shoqërues i Mehmet Shehut.
Po në këtë periudhë u arrestua Bashkim Shehu, që ishte djali i vogël i Mehmet Shehut.
Arrestohet Duro Shehu, që ishte vëllai i Mehmet Shehut, i cili kishte qenë sekretar i Komitetit të Partisë në Armën e Aviacionit.
Arrestohet Idriz Seiti, ish-kryetar dege në Ministrinë e Punëve të Brendshme.
Po njerëz jo kaq të spikatur kapi vala goditëse?
Gjatë këtyre muajve të vitit 1982 u arrestuan edhe mjaft kuadro të tjerë, ushtarakë e civilë si:
Nesti Nase, ish-ministër i Jashtëm;
Nesti Kerenxhi, që pas çlirimit të vendit nga okupatorët ishte zëvendësministër i Punëve të Brendshme;
Gjeneral i Sadik Bekteshi, "Hero i Popullit";
Gjeneral Muhamed Prodani, "Hero i Popullit";
Gjeneral Abaz Fejzo;
Gjeneral Arif Hasko;
Gjeneral Vaskë Gjino dhe mjaft kuadro të tjerë të rangjeve të ndryshme.
Po Kadri Hazbiu kur u arrestua?
Më së fundi, më 15 tetor të vitit 1982 u arrestua edhe vetë Kadri Hazbiu, që siç e dini kishte qenë ministër i Punëve të Brendshme, ministër i Mbrojtjes Popullore.
Pse arriti deri te Kadi Hazbiu thoni juve?
Arrestimi i Kadri Hazbiut ishte edhe qëllimi i Enver Hoxhës, për ta likuiduar edhe këtë që i kishte shpëtuar gjallë.
Çfarë u arrit me gjithë këta kuadro të Ministrisë së Brendshme të arrestuar?
Pasi ia arriti qëllimit për arrestimin e tij, Hoxha përdori grupin e hetimit dhe atë operativ, që drejtoheshin nga Hekuran Isai, që me të gjitha mjetet, torturat më çnjerëzore ndaj të pandehurve që ishin arrestuar dhe presionet ndaj dëshmitarëve, të bënin dëshmi të rremë ndaj Kadriut.
Dhe?
Pasi i shtrydhi si limon, ai i flaku Rexhep Kollin e Pirro Dautin. Edhe këta të fundit mund t'i fuste në burg, t'i akuzonte si tradhtarë dhe të provonin ato që ata u kishin bërë të tjerëve.
Çfarë i bëri Rexhep Kollit, që ishte pikërisht kreu i ri i Sigurimit të Shtetit pas eliminimit të grupit tuaj?
Rexhep Kollin, pasi e shtrydhën mirë, e përjashtuan nga KQ i PPSH-së për gabime të rënda. Nuk e futën në burg, e mishëruan për shërbimet që u kishte bërë, por e detyruan që të dilte dëshmitar kundër Kadri Hazbiut, ta akuzonte atë si armik, ndryshe mund të përfundonte dhe ai atje.
Dëshmoi kundër Kadriut?
Gjatë dëshmisë së tij kundër Kadriut, i ra të fikët, pasi Kadriu e vuri me shpatulla pas murit.
Le të kalojmë tek emri juaj zoti Martiro. Thatë se u arrestuat edhe ju. Kur dhe si ndodhi arrestimi, mund ta përshkruani?
Mua më arrestuan pikërisht më 13 prill të vitit 1982, pak pas arrestimit të ish-ministrit Feçorr Shehu.
Ku ju arrestuan?
U arrestova duke punuar në zyrë nga Rexhep Kolli dhe suita e tij.
Qëllimin e këtij veprimi e kuptuat?
Arrestimi im ishte i planifikuar nga lart, me qëllim që nëpërmjet meje, ish-hetuesi i Beqir Ballukut e Kiço Ngjelës të vërtetohej alibia e Enver Hoxhës se në krye të veprimtarisë "armiqësore", "komplotuese" të ushtarakëve dhe "sabotatorëve" në ekonomi ishte "poliagjentët" Mehmet Shehu e Kadri Hazbiu.


"GJUETIA E SHTRIGAVE" NË MINISTRINË E BRENDSHME DREJTUESIT E RINJ
Hekuran Isai edhe Rexhep Kolli filluan punën për të vënë në jetë planin ogurzi që kishte përgatitur Enver Hoxha për likuidimin e kuadrove më të devotshëm, siç kishte bërë edhe më parë, apo për të vërtetuar alibinë e tij për ekzistencën e një "organizate kundërrevolucionare", me në krye "poliagjentin" Mehmet Shehu e Kadri Hazbiu.
GRUPI HETIMOR
Grupin hetimor e drejtonte vetë Hekuran Isai, i cili kishte për detyrë, që me çdo mjet, duke përdorur tortura psikike e fizike, të vërtetonte alibinë e Enver Hoxhës për ekzistencën e një "organizate të madhe kundërrevolucionare". Kokën e të gjitha grupeve të tjera armiqësore që ishin zbuluar nga Partia, domethënë nga Enver Hoxha, e që 'drejtohej' për më se dyzet vjet nga "poliagjenti" Mehmet Shehu e Kadri Hazbiu.
GRUPI OPERATIV
Grupi operativ që drejtohej nga Rexhep Kolli kishte për detyrë të grumbullonte materiale, të dhëna e dëshmi me çdo mënyrë, shpifje e gënjeshtra për personat e arrestuar dhe për ata që duhej të arrestoheshin sipas skenarit të parapërgatitur, e t'ia kalonte këto hetuesisë. Të përgatiste materialet për arrestimin e të tjerëve, me qëllim që të zbatonin në praktikë planet e Enver Hoxhës, direktivat e tij për spastrimin e kuadrove që ai kishte piketuar e që i quante armiq.
SPASTRIMI
Në shkurt të vitit 1982, kur pikërisht në zyrën e tij në ministri, u arrestua vetë ish-ministri i Punëve të Brendshme, Feçorr Shehu.
* * *
Me pretekstin se kishte bërë gabime të rënda në punën e drejtorisë së hetuesisë, u shkarkua nga detyra vetë drejtori i kësaj drejtorie, Elham Gjika.
* * *
Pas Elhamit u shkarkua nga detyra edhe drejtori i Drejtorisë së Sigurimit të Shtetit, Kadri Gojashi, kuadro këta të aftë, me eksperiencë në punën e Sigurimit.
* * *
U nxor në lirim kryetari i Degës së Pestë, Dhimitër Bonata, njeri i aftë e me shumë eksperiencë në punën e Sigurimit. U nxor në lirim kryetari i Degës së Sigurimit të Ushtrisë, Çerçiz Xhelo dhe kuadro të tjerë.
* * *
Në prill të vitit 1982 më arrestuan mua, në atë kohë kryeja detyrën e kryetarit të Degës së Veçantë në Drejtorinë e Sigurimit të Ministrisë së Punëve të Brendshme dhe Elham Gjikën, ish-drejtor i Drejtorisë së Hetuesisë në ministri, e pak më pas Lirim Pëllumbin, ish-kryetar i Degës së Punëve të Brendshme në Durrës.

Arrestohen hetuesit e gjeneralëve të lartë
VALA
Nga grupi i hetuesve pjesëmarrës në hetimin e grupit të ushtarakëve, të akuzuar për "puç" e "komplot", dhe atyre të ekonomisë, të akuzuar për sabotim në organizimin shtetëror dhe në ekonomi u arrestuan tre hetues.
HETUESIT
Për t'jua rikujtuar po ju ripërmend: Së pari, u arrestua Feçorr Shehu, që ishte pikërisht përgjegjës i grupit të hetimit të ushtarakëve të lartë me Beqir Ballukun; Elham Gjika dhe unë, Kristofor Martiro. Në atë moment hetuesi Rustem Hodo kishte vdekur. Vetëm Pirro Dauti u ngrit në përgjegjësi, për skenar të paracaktuar ai u emërua drejtor i Drejtorisë së Hetuesisë në Ministrinë e Punëve të Brendshme.
PIRRO DAUTIn
Ai emëroi në krye të Drejtorisë së Hetuesisë në Ministrinë e Brendshme, Pirro Dautin, që ishte kushëriri i Kadriut Hazbiut, me qëllim që ai të ishte i qetë e të kuptonte se nuk kishte gjë me të, përkundrazi të mendonte se e konsideronte si besnikun e tij.
Kjo ishte politikë e njohur e Enver Hoxhës.

Në prill, maj e qershor
të vitit 1982:
*- U arrestuan Llambi Ziçishti, ish-ministër i Ministrisë së Shëndetësisë;
*- Xhavit Ismailaga, që ishte berber në hotel "Dajti", i cili më mbrapa kishte qethur edhe Mehmet Shehun;
*- Llambi Peçini, me detyrë drejtor i Drejtorisë së Dytë në Ministrinë e Punëve të Brendshme dhe që kishte pasur për detyrë pikërisht sigurinë fizike të udhëheqjes më të lartë të Partisë.

Në qershor 1982:
* - Arrestohet Gani Kodra, i cili ishte kryetar i Degës së Sigurimit të Anëtarëve të Byrosë Politike dhe Anëtarëve të Komitetit Qëndror të Partisë.
Në gusht të vitit 1982:
* - U arrestua Mihallaq Ziçishti, që kishte qenë zëvendësministër në Ministrinë e Punëve të Brend-shme, e më vonë sekretar i Parë i Komitetit të Partisë në rrethin e Korçës e të Durrësit.
Më 1 tetor 1982:
* - U arrestua Ali Ceno, ish-shoqërues i Mehmet Shehut.
* - Bashkim Shehu, që ishte djali i vogël i Mehmet Shehut.
* - Duro Shehu, që ishte vëllai i Mehmet Shehut, i cili kishte qenë sekretar i Komitetit të Partisë në Armën e Aviacionit.
*- Idriz Seiti, ish-kryetar dege në Ministrinë e Punëve të Brendshme.
Gjatë këtyre muajve të vitit 1982:
*- U arrestuan edhe mjaft kuadro të tjerë, ushtarakë e civilë si:
- Nesti Nase, ish-ministër i Jashtëm.
- Nesti Kerenxhi, që pas çlirimit të vendit nga okupatorët ishte zëvendësministër i Punëve të Brendshme.
- Gjeneral i Sadik Bekteshi, "Hero i Popullit".
- Gjeneral Muhamed Prodani, "Hero i Popullit".
- Gjeneral Abaz Fejzo.
- Gjeneral Arif Hasko.
- Gjeneral Vaskë Gjino dhe mjaft kuadro të tjerë të rangjeve të ndryshme.
15 tetor të vitit 1982
Arrestohet Kadri Hazbiu
Më së fundi, më 15 tetor të vitit 1982 u arrestua edhe vetë Kadri Hazbiu, që siç e dini, kishte qenë ministër i Punëve të Brendshme, ministër i Mbrojtjes Popullore. 

(er.nu/Gazeta Shqiptare/BalkanWeb)
    Kthehu Dėrgo Printo Home
Komento

Dėrguar nga Bujku, Qerreti_i_Durresit mė 14-05-2013 nė 19:20
Z.Martiro na rrefen me realizem (pjesa me e madhe e kujtimeve tij e kam fjalen)gje qe eshte per t'u admiruar me te vertete, por ne te njejten kohe ai na i interpreton disa argumente e fakte (sidomos ne korrelacion me vetevrasjen e Mehmet Shehut) ne menyre tejet te gabuar duke u kontradiktuar nga vete faktet qe ai na i rradhit. Mehmet Shehu duhet te konsiderohet "i vrare" politikisht dhe jo "i vrare" materialisht siē insiston z.Martiro, sepse ne mbledhjen e nje nate me pare ai ne fakt u "vra"!

Dėrguar nga PluriAgjenti, Dulla_Grad mė 14-05-2013 nė 12:51
Mire ja u paskan bere ketyre te grupit te hetimit: brend ne burg! Paskeshen qene bashkepunetore te fshehte dhe simpatizante jo vetem te puēisteve te viteve '75 por edhe te Mehmet Shehut e CO. Po e thone vet! Faktete jane fakte! Cfare kerkonte Marjeta nusja e Bashkim Shehut te shoqerohej dhe te kishte miqesi me "diplomatin" francez?: vetem per te shkuar ne shtrat?! Kohe qč e tille: nese shoqerohej dikush me te huaj ne menyre periodike ai vihej ne dyshim.. Marjeta Shehu duhet te bente perjashtim??
       Shqiperia
29 Gusht 2014
Konferenca e Ballkanit, Rama: Dje nisi procesi, sot na takon ta shndėrrojmė nė historik
Duke nisur nga dje, pėr vendet e Ballkanit ka nisur njė proces me projekte tė pėrbashkėta, drejt rrugės evropiane. Kėshtu ka deklaruar kryeministri Edi Rama nė njė mesazh nė rrjetin social “Twitter”.
KOMENTO
       Kosova
29 Gusht 2014
EULEX: Do të vazhdojmë ta zbatojmë mandatin tonë
Bashkimi Evropian njeh të drejtën e mendimit të të gjithë qytetarëve në Kosovë, përfshirë ato të kryetarëve të komunave të veriut të Kosovës. Megjithatë, Misioni do të vazhdojë të zbatojë mandatin e tij në përputhje me dëshirat e shteteve anëtare të Bashkimit Evropian.
KOMENTO
       Rajoni
29 Gusht 2014
Gruevski: BE s’do më probleme në Ballkan
Ka qëllim të qartë tek Gjermania, por edhe tek Komisioni evropian që më tepër të ndikojnë dhe të kyçen në lehtësimin e zgjidhjes së problemeve të ndryshme me të cilat po përballen shtetet e rajonit, deklaroi kryeministri i Maqedonisë Gruevski pas Samitit Gjermani-BE-Ballkani Perëndimor që u mbajt në Berlin
KOMENTO
       Bota
29 Gusht 2014
SHBA, sanksione të reja kundër Iranit
Shtetet e Bashkuara kanë vendosur sanksione kundër 25 subjekteve dhe individëve të rinj iranianë, të cilët Uashingtoni i akuzon për një varg shkeljesh, përfshirë zgjerimin e aktiviteteve bërthamore të Iranit, shmangien e sanksioneve dhe mbështetjen e terrorizmit në rajon.
KOMENTO
       Sport
29 Gusht 2014
Ronaldo nuk luan pėrballė Shqipėrisė, Bento: Na pret njė ndeshje e vėshtirė
Cristiano Ronaldo nuk do tė jetė pjesė e Portugalisė nė ndeshjen e ardhshme kundėr Shqipėrisė, pėr fazėn kualifikuese Euro 2016, mė 7 shtator, pėr shkak tė problemeve fizike.
KOMENTO
       Kulture
29 Gusht 2014
Saimir Pirgu: Kontratat e Teatrit të Operës të nevojshme, por u politizuan
Nëse duhet ta përshkruash me pak fjalë, ai është i thjeshtë, i këndshëm dhe i suksesshëm. Ah, dhe gjithëherë i qeshur. Ky është Saimir Pirgu, tenori i njohur shqiptar që korr sukses në skenat e mëdha operistike botërore e mbetet sërish krejt modest
KOMENTO
       Metropol
29 Gusht 2014
Pranga laçianit, drejtoi në gjendje të dehur “Ferrarin”
Një 24-vjeçar ka rënë në prangat e policisë së kryeqytetit, pasi drejtonte në gjendje të dehur një Ferrar. Bëhet fjalë për Xhim Lepurin, lindur e banues në Laç, me arsim 8-vjeçar.
KOMENTO
       Teknologji
29 Gusht 2014
Fermeri fiton pjesën e kafkës me rrjetën 3D
Një fermer kinez me një pjesë të madhe koke të humbur, ka mundësi të rifitojë pjesën e kokës me anë të një printi 3D. Burri 46 vjeçar me emrin Hu, u plagos pasi ra nga kati i tretë i shtëpisë në një provincë në Shaanxi
KOMENTO
      
 
 
  TV | News24 - Live
 
   
   
   
   
 
 
   
   
  Radio | Rash - Live
 
  toolbar  
   
   
 
SONDAZH
 
 
Nensondazh
 
   
 
 
BALKANWEB.TV
Komisionet kuvendore rrėzojne 5 dekretet e Nishanit: Presidenti tė mos tallet
 
 
BALKANWEB.TV
Tepelenė, 26-vjecarja dhunohet nga xhaxhai i burrit, tenton t’i marrė fėmijėn
 
 
BALKANWEB.TV
PD: Rama bėn kontrollor nė Rinas korrierin e parave tė pista
 
 
BALKANWEB.TV
Moti per sot 29 gusht
 
 
BALKANWEB.TV
Shteti Islamik poston videon ku i ėshtė prerė koka njė luftėtari
 
 
BALKANWEB.TV
Tronditėse, xhihadistėt u presin kokat 4 “spiunėve ”
 
 
BALKANWEB.TV
Qeshni pak! E ka lėnė takati por nuk dorėzohet
 
 
BALKANWEB.TV
Rama i 'zgjedhuri' i Merkel: Shqipėria shembull i harmonisė fetare, ndaj vjen Papa
 
 
BALKANWEB.TV
Bota ne nje minutė, fotot top te dites
 
 
BALKANWEB.TV
Atentati nė Vlorė, News 24 transmeton pamjet ekskluzive
 
 
BALKANWEB.TV
PD takim me aleatėt, Mediu pėr News24: Do kėrkojmė rikthimin nė Parlament
 
 
BALKANWEB.TV
‘Kova me akull’ ngjitur mbi kalė, nuk ėshtė ide e mirė. Ja pse!
 
 
BALKANWEB.TV
INUK pėrplasje me banorė pėr prishjen e banesės 2 katėshe
 
 
BALKANWEB.TV
Vlorė, tritol makinės nė ecje. Vdes biznesmeni, plagoset pasagjerja
 
 
BALKANWEB.TV
Kova me akull, deputetja e BDI nominon Arian Canin e Edi Ramėn
 
 
 
 
FOTOGALERI
Rekordi i ri, Berisha: Notova 153 minuta
 
 
FOTOGALERI
Propozim martese me 9999 trėndafila
 
 
FOTOGALERI
Coco Austin, forma bombastike nė Karaibe
 
 
FOTOGALERI
Si nė ėndėrr, cfarė peizazhi magjik
 
 
FOTOGALERI
SHBA, funerali i qenit polic
 
 
FOTOGALERI
Angli, roja mbretėrore bėn xheste, i famshėm nė rrjetet sociale
 
 
FOTOGALERI
Ja dhjetė yahtet mė tė kushtueshme dhe luksoze nė bote
 
 
FOTOGALERI
‘James Bond’ pėrsėritet nė realitet. Jua mban tė hidheni?
 
 
FOTOGALERI
Aida Yespica, veshje transparente dhe seksi
 
 
FOTOGALERI
Rihanna, bikini hot ne nje yaht
 
 
FOTOGALERI
Shteti Islamik poston videon ku i ėshtė prerė koka njė luftėtari
 
 
FOTOGALERI
Nga Greqia e lashtė nė 3D, ja moda e Noa
 
 
FOTOGALERI
Brad Pitt, tregon unazėn e martesės ne sheshin e xhirimit
 
 
FOTOGALERI
Keira Knightley, topless dhe superseksi per Interview
 
 
FOTOGALERI
Miley Cyrus, nudo mes kukullave prej pellushi
 
 
FOTOGALERI
Rama nė Berlin: Fotoalbumi i njė ditė historike pėr Shqipėrinė dhe Ballkanin
 
 
FOTOGALERI
Shteti Islamik ekzekuton me 300 ushtarė sirianė
 
 
FOTOGALERI
8 ditė operacion antikanabis nė Dukagjin, sot asgjėsohen 1350 bimė