SHBA- Një shqiptar ka humbur jetën në Shtetet e Bashkuara të Amerikës si pasojë e një aksidenti rrugor. Ngjarja ka ndodhur të dielën në Baker City, në shtetin amerikan Oregon, ndërsa viktima është 36-vjeçari shqiptar Mitildit Lako, i cili jetonte në Illinois.
Shqiptari nga Pogradeci ishte pasagjer në një furgon tip ‘Ford’ i drejtuar nga një tjetër shqiptar dhe është goditur nga pas nga një tjetër automjet.
36-vjeçari nuk e kishte vendosur rripin e sigurimit dhe ka ndërruar jetë, ndërsa shqiptari tjetër që drejtonte mjetin është dërguar në spital, raporton media lokale “Argus Observer“.
Në faqen online “GoFundMe”, një platformë për mbledhjen e fondeve në rast fatkeqësisht apo ngjarje të rëndësishme të jetës, është kërkuar ndihmë për funeralin e shqiptarit.
Aty, synohet të mblidhen 30,000 dollarë për të ndihmuar bashkëshorten dhe djalin 12-vjeçar të viktimës.
(BalkanWeb)
