Dashi
Sot do të jetë një ditë takimesh, e për më tepër kanë për të qenë takime me persona të rëndësishëm, të cilët do të kenë ndikim në jetën tuaj. Gjithashtu do të përballeni edhe me disa persona jo shumë të dëshirueshëm për ju, por situata do të jetë e tillë që nuk do i shmangni dot. Mos e jepni veten, por vazhdoni bisedat qetësisht.

Demi
Mos e lejoni veten t’ju bllokojnë emocionet sot. Keni për të bërë lëvizje të drejtë dhe do të arrini të merrni kënaqësinë e dëshiruar. Shprehini lirshëm dhe pa turp ato çfarë doni të thoni. Rezultati do të duket në fund të ditës, gjatë një darke romantike të përgatitur vetëm për ju.

Binjakët
Disa miq sot do të marrin iniciativën për t’ju angazhuar në disa punë vullnetare që ju ua kishit rekomanduar ditë më parë. Puna do të jetë e përbashkët dhe çdo gjë do të jetë reciproke si nga ana juaj, edhe nga ana e tyre. Asgjë s’ka për të qenë e vështirë për aq kohë sa ju do të bashkëpunoni.

Gaforrja
Udhëhiquni nga intuita juaj për t’i dhënë zgjidhje një problemi delikat. Këshilla e të tjerëve do të shërbejë shumë pak në këtë rast. Gjithashtu konsultohuni me partnerin tuaj, sepse do të jetë personi mbështetës për ju në çdo vendim që do merrni.

Luani
Rezultatet e punës suaj me sa duket po shfaqen dita-ditës. Të tjerët kanë shumë besim te ju, madje edhe kur gaboni, ju mbështesin gjithmonë. Kështu që sot kanë për t’ju përgëzuar për përfundimin me sukses të projektit. Gjithmonë tregoheni shumë kreativë për arritje të tilla.

Virgjëresha
Planifikoni sot të bëni një shëtitje në natyrë, për të pasur mundësinë të meditoni sa më shumë ose të bisedoni me një mikun tuaj në qetësi të plotë. Saturnin do e keni mbështetje për të përjetuar momente qetësie, por shumë shpejt situata do të ndryshojë.

Peshorja
Sot do të keni luhatje tensioni të vogla në marrëdhënie me partnerin tuaj. Me sa duket sa vijnë e krijohen më shpesh, por ju mos humbni kohën duke u kushtuar vëmendje debateve të përditshme, duke lënë pas dore karrierën tuaj dhe sigurinë e punës suaj.

Akrepi
Sot do të jetë një ditë në të cilën do ju duhet të jeni sa më tërheqës, të tregoheni sa më dinamikë dhe krijues në të njëjtën kohë. Do ndani ide me njerëz interesantë, por tregohuni sa më të kursyer në dhënien e informacioneve personale. Lënia e përshtypjeve të mira do të jetë një anë pozitive për ju.

Shigjetari
Sot do të jeni tepër pesimistë. Kujtimet dhe përvojat e së shkuarës jo fort të kënaqshme kanë për t’ju lënë një shije jo të mirë. Mos u zhysni në këto mendime, por gjeni ngushëllim në sukseset e arritura. Janë të vetmet që mund t’ju shtyjnë të bëni të mundura suksese të tjera.

Bricjapi
Do të tregoheni nervozë me njerëzit dhe do të shfaqni momente armiqësore. Bëni kujdes, sepse nuk ka për të qenë një ditë e mirë. Do të keni shenja hutimi, e për më tepër do të mërzitni së tepërmi familjarët tuaj. Ruani kontrollin.

Ujori
Mundohuni të mos i dramatizoni vështirësitë që keni në marrëdhënie me partnerin tuaj. Do të ishte e këshillueshme t’i kushtoni më shumë rëndësi punës suaj për ta kaluar këtë fazë. Guxoni të bëni më shumë e tregohuni sa më shumë krijues.

Peshqit
Sot do të tregoheni shumë romantikë, por do të hasni vështirësi në shprehjen e ndjenjave. Merreni situatën në dorë dhe mundohuni të jeni vetvetja në ato çfarë do të shprehni. Sinqeritetin do e keni të shprehur në sytë tuaj.