Dashi
Kushtojuni vëmendje të veçantë disa çështjeve të cilat ju mundojnë këtu dhe kohë më përpara. Ndryshe nga çështjet personale, marrëdhëniet me kolegët janë disi më të vështira për t’u diskutuar, pasi secili do të mbështesë mendimin e vet. Dëgjojini para se të arrini në konkluzionet tuaja.

Demi
Jepini forca vetes, pasi dita e sotme do të jetë mjaft intensive. Energjia që do ju përshkruajë do t’ju bëjë mjaft produktivë në punë e do arrini që të kapërceni çdo pengesë me hapa galopantë. Këtë intensitet do ta shfaqni edhe në jetën sentimentale, duke kënaqur partnerin.

Binjakët
Në asnjë mënyrë nuk duhet të keni tendencën për t’i kapërcyer disa gjëra. Çdo situatë ka rëndësinë e vet. Në qoftë se keni vërejtje kundrejt personave me të cilët bashkëpunoni, është më mirë që të tregoheni të sinqertë me ta që çdo gjë të zgjidhet.

Gaforrja
Sot do t’ju rritet vetëvlerësimi falë shumë komplimenteve që do të merrni. Paraditja do të jetë mjaft e ngarkuar, ama ju do t’i bëni ballë shumë mirë, duke ju ardhur në ndihmë edhe gjendja e mirë emocionale që do ju karakterizojë ditën e sotme.

Luani
Dita-ditës gjërat po shkojnë akoma më mirë, si në jetën sentimentale ashtu edhe në karrierën tuaj. Duhet të luani edhe ju gurët tuaj, pasi do të hasni në disa kleçka të cilat mund t’ju bëhen pengesë. Jepini forca vetes dhe bëni maksimumin.

Virgjëresha
Sot planetët nuk ju favorizojnë shumë, kështu që mos merrni vendime dhe mos nënshkruani shkresa. Kërkesat e kolegëve dhe eprorëve tuaj do të jenë të mëdha dhe mirë është të mos nxitoheni për të marrë vendime, pasi mund t’ju hapin probleme në të ardhmen.

Peshorja
Nëse do të tregoheni të kujdesshëm me shpenzimet tuaja, do të arrini të realizoni ëndrrat që keni dëshiruar prej kohësh. Kushtojini vëmendje familjes suaj dhe kaloni një mbrëmje të këndshme duke e shoqëruar me një ushqim të zgjedhur.

Akrepi
Mos ngurroni të ecni, përpara çfarëdo që t’ju pengojë. Mos i ndaloni përpjekjet, pasi disa probleme që do të hasni do të jenë kalimtare. Tregohuni bashkëpunues, sepse do t’ju ndihmojë shumë të arrini qëllimet tuaja.

Shigjetari
Për ju dita e sotme nuk do të jetë ndër më të mirat. Do të lodheni pafund dhe do të hasni vështirësi në ambientin e punës. Do të ishte mirë të merrnit disa këshilla nga njerëzit tuaj të afërm ose kolegët për të parë çdo alternativë të mundshme që mund t’ju ndihmojë.

Bricjapi
Nganjëherë mendoni se problemet për ju nuk do të mbarojnë kurrë. Edhe dita e sotme kështu do ju duket. Tregohuni diplomatë në raport me njerëz të cilët do t’ju thumbojnë e do përpiqen që të nxjerrin në pah gabimet dhe pikat tuaja të dobëta.

Ujori
Një ndërthurje e disa situatave të mira dhe të sikletshme do t’ju bëjë nervozë dhe të pavendosur. Ruani qetësinë dhe mbani nën kontroll veten, për të mos u bërë pjesë e debateve. Një takim romantik do t’ju rregullojë humorin.

Peshqit
Gjendja juaj emocionale mjaft e rënduar për sot mund t’ju çojë në zhgënjime. Mos i shikoni gjërat me negativitet, sepse kjo do të ndikojë edhe te njerëzit që ju rrethojnë. Disa persona do mundohen t’ju japin këshilla, prandaj mos i gjykoni ato si kritika.