Me mbylljen e sesionit parlamentar, politikanët kanë “lënë” paksa mënjanë angazhimet e tyre, për të pushuar. Po kështu, edhe Kreu i Shtetit, Ilir Meta, pas vendimit për mos dekretimin e ligjit për teatrin, duke e kthyer sërish në Kuvend, ka lënë ambientet e zyrës duke zgjedhur të jetë mes natyrës.

Ndryshe nga vera e kaluar, ku u fotografua duke pushuar në plazhet e Dhërmiut, këtë verë Presidenti duket se ka zgjedhur t’i largohet vapës së korrikut.

Përmes disa fotove të publikuara në profilin zyrtar të tij në rrjetin social “Facebook”, Presidenti Meta na tregon se ndodhet mes mrekullive të alpeve shqiptare.

“Një udhëtim mbresëlënës në Leqet e Hotit, në Selcë-Cem, në Lëpushë e Vermosh, mes mrekullive të alpeve shqiptare, aty ku turistët i gëzohen rrugës së re dhe turizmit malor. ??”, shkruan Presidenti Meta.