BalkanWeb.TV Foto Forum Horoskopi Moti Gatimi Kontakt
ARTIKUJ TEK
Intervista
14 Tetor 2013 - 14:50 | LAJME
TRANSLATE
 
Beci: Shëndetësia falas? Në fillim do heqim disa tarifa
Nga: OLA MITRE
Beci: Shëndetësia falas? Në fillim do heqim disa tarifaHapat e parë për shëndetësi falas janë ndërmarrë me ndërhyrjet për kategoritë 'gra shtatzëna' dhe 'pacientët me sëmundje të rënda'. Gradualisht po diskutohet për heqjen e tarifave të tjera të pamerituara për qytetarët tanë". Kjo ka qenë përgjigjja e dhënë nga drejtori i ri i Fondit të Sigurimeve Shëndetësore (ish-ISKSH), Astrit Beci mbi afatet reale të marrjes së shërbimeve shëndetësore falas nga e gjithë popullata. Në intervistën e tij të parë në pozicionin e kreut të një prej institucioneve kryesore të shëndetësisë, Beci sqaron për "GSH" me detaje se si do të reformohet sistemi, si do të ndryshojë mënyra e pagesës së shërbimeve shëndetësore, në favor të kujt do të rishikohet lista e barnave të rimbursuara dhe si do të bëhet furnizimi i spitaleve me ilaçe. Ndërkaq, hapi i parë që do të ndërmerret është heqja e TVSH-së së ilaçeve, çka do të pasojë uljen e çmimit të barnave me 10% që në fillim të vitit 2014.
Z. Beci, reforma në shëndetësi është një prej pikave më të forta në programin e Partisë Socialiste, ndërkohë që ISKSH është një nga institucionet kyçe në këtë drejtim. Nga do e filloni punën?
Unë kam vetëm 3-4 ditë në detyrën e Drejtorit të Përgjithshëm të ISKSH-së dhe fillimisht po njihem me të gjitha problematikat që ka ky institucion. Unë kam pasur pozicione të ndryshme në sistemin shëndetësor, si: Drejtor i DSHP-së Shkodër, drejtor i Spitalit Rajonal Shkodër dhe së fundmi deputet i PS-së e anëtar i Komisionit Parlamentar të Shëndetësisë. Kjo do të thotë dhe besoj se jam një njohës i mirë i funksionimit të sistemit tonë shëndetësor, që rrjedhimisht më bën dhe një njohës të funksionimit të skemës aktuale të sigurimeve shëndetësore. ISKSH ka funksionuar prej mëse 17 vitesh dhe ajo që unë kuptoj është që ky institucion ka pasur rolin e tij të rëndësishëm në sistemin shëndetësor. Ajo që u vërejt në vitet e funksionimit të kësaj skeme, ajo që PS e ka shprehur gjithmonë dhe që publiku i gjerë e ka përjetuar direkt, është se funksionimi i kësaj skeme, pavarësisht nga arritjet momentale, nuk ka qenë në gjendje të kryejë atë funksion siç duhet në shërbim të ofruesve dhe të popullatës përfituese nga kjo skemë. Sistemi aktual i sigurimeve është mix, pra bazohet në kontributet e qytetarëve (24%) dhe në financimet e buxhetit të shtetit (76%). Ky model nuk arriti të mbulojë gjithë popullatën me sigurime dhe për pasojë vetëm 1.8 milionë qytetarë përfitojnë shërbimet e kësaj skeme. Pra pjesa tjetër duhet të paguajë për çdo shërbim që do të përfitojë. Kjo tregon se sa të drejtë kemi pasur kur kemi theksuar se 1 milion qytetarë tanët kanë mbetur jashtë kësaj skeme. Po t'i shtosh këtij fenomeni dhe pagesat nën dorë të qytetarëve, që ekzistojnë në sistemin tonë, do të thotë se barra e pagesës për shërbimet bie mbi qytetarët e thjeshtë, të papunët, shtresat e varfra që jetojnë në qytet apo në fshat etj. Pra, shteti shqiptar, qeveria e mëparshme nuk e luajtën rolin e tyre për t'u kujdesur për këto shtresa që të ishin të mbuluara me sigurim apo që të përfitonin shërbime shëndetësore pa pagesë. Ajo çfarë është thënë nga qeveria e re, dje në opozitë dhe sot në pozitë, vërtetohet çdo ditë e më tepër në realitetin shqiptar, vërtetohet me gjendjen në të cilën janë katandisur spitalet tona, në sorollatjet e pafundme të pacientëve, të cilëve iu desh të paguanin edhe 10% TVSH për ilaçet.
Pse thoni që ISKSH-ja nuk e ka luajtur rolin e vet?
Kur themi që ISKSH-ja nuk e ka luajtur rolin dhe funksionet e saj gjatë këtyre viteve, kemi parasysh dhe funksionin si pagues i vetëm i shërbimeve shëndetësore, funksion që ky institucion nuk e mori asnjëherë. Kjo nuk ndodhi dhe aktualisht, edhe pas shumë vitesh, funksioni primar i ISKSH-së ka ngelur në financimin e shërbimeve të parësorit, ku përfshihen dhe pagesat për rimbursimin e barnave të listës për popullatën. ISKSH nuk u bë dot financues edhe për shërbimin spitalor, pra skema nuk u zgjerua për të kryer këtë funksion. Në shërbimin parësor ka pasur ndryshime dhe përmirësime edhe për sa i përket financimit të shërbimeve, duke vendosur pagesa për qendrat shëndetësore që lidhen me indikatorë performance, por përsëri shërbimi parësor lë për të dëshiruar në funksion të qytetarëve. Shërbimi parësor nuk ka arritur të jetë në rolin e tij të plotë si "GateKeeper" i sistemit tonë dhe aktualisht ka ngelur si shtojcë e shërbimit spitalor. Në shërbimin spitalor nuk ka pasur asnjë reformë domethënëse në këta 22 vjet demokraci, përjashto disa investime dhe blerje aparaturash, që edhe ato janë bërë bazuar në klientelizëm dhe të pastudiuara.
Nëse ISKSH, ashtu si ju pretendoni, do të jetë pagues i shërbimeve spitalore, çfarë ndryshimesh parashikohen?
Spitalet tona kanë po atë metodë pagese apo financimi që kanë pasur 23 vjet më parë (pra bazuar në buxhetin historik). Kjo metodë nuk sjell përmirësim të ofrimit të shërbimeve. Kjo metodë nuk lë hapësira për menaxherët dhe stafet e spitaleve për t'i përdorur burimet financiare atje ku duhet më tepër në spital, sipas nevojave aktuale. Kjo metodë financimi nuk stimulon drejtuesit e spitaleve në drejtim të përmirësimit të shërbimeve në komunitetet ku shërbejnë, si edhe nuk i motivon ata për përmirësime cilësore të shërbimit që popullata e sëmurë duhet të përfitojë në spitalet tona. Duke ndërhyrë në ndryshimin e metodës së financimit të spitaleve drejt metodave të përparuara dhe përfshirjes së ISKSH apo fondit në luajtjen e rolit të tij në këtë pikë, atëherë do të themi se ne jemi në rolin (apo funksionin) e paguesit të vetëm të shërbimeve shëndetësore në vend. Ne jemi të vendosur ta bëjmë këtë, sikurse është në programin e qeverisë, dhe ministri Beqaj e ka shprehur qartë në këto javë të të qenurit ministër. Për këto ndërhyrje do të kemi dhe bashkëpunimin e koordinimin e ngushtë me ministrinë, për të cilën unë vërej se ka munguar në vitet e fundit të funksionimit te ISKSH, apo Fondit të Sigurimeve Shëndetësore, sikurse quhet në ligjin e fundit. Ky bashkëpunim dhe koordinim do të jetë dhe një nga pikat e mia të forta në funksionimin e këtij institucioni që unë drejtoj, bashkëpunim në të mirë të punës. Menaxhimi i spitaleve nuk ka pësuar rritje dhe zhvillim pozitiv, si pasojë e emërimeve të drejtuesve jo të bazuara në kritere profesionale dhe që janë ndryshuar sa herë ka pasur ndryshime në qeveri, apo dhe mbi preferenca personale lokale apo qendrore.
Si mendoni ju se zgjidhet mungesa e barnave në spitale?
Spitalet tona nuk drejtohen apo mbikëqyren nga Borde Drejtuese, sikurse aplikohet në të gjithë vendet perëndimore dhe të zhvilluara. Ngritja e bordeve të spitaleve do të sillte një përmirësim të dukshëm të menaxhimit të spitalit, ku edhe komuniteti do të ishte më i përfshirë në vendimmarrje dhe për pasojë do të ishte më i informuar në lidhje me aktivitetet e spitalit. Këto ndryshime do të rezultonin edhe në një menaxhim më të mirë të burimeve financiare e njerëzore që spitalet kanë në përdorim. Edhe për këto dy pika, që lidhen me menaxhimin e spitaleve, ne do të ndërhyjmë duke u bazuar në norma e standarde ndërkombëtare, si edhe duke bashkëpunuar dhe me programe të ndryshme. Këtu, ajo që unë dua të theksoj me të madhe, ka të bëjë edhe me fenomenet e korrupsionit që tashmë njihen në spitalet tona. Edhe pse ISKSH ka një strukturë për të ushtruar kontrolle në spitalet tona, përsëri ky fenomen ekziston, çka ka bërë që të dëmtohet shërbimi për qytetarët, çka tregon një performancë të dobët në këtë drejtim. Në funksionin e Drejtorit të Përgjithshëm, unë do të përpiqem të ndikoj fuqishëm në përmirësimin e këtyre kontrolleve në mënyrë që financat e spitaleve të jenë totalisht në funksion të shërbimit dhe pacientëve që kanë nevojë. Këto ndërhyrje, të koordinuara, dhe përmirësime të tjera, do të bëjnë të mundur dhe eliminimin e fenomenit të mungesave të barnave në spitalet tona, fenomen i cili po shkatërron sistemin dhe që ka bërë të humbasë besimi i qytetarëve te sistemi shëndetësor në përgjithësi dhe tek ai spitalor në veçanti. Po ashtu dhe bashkëpunimi me stafet mjekësore të spitaleve do të ngrihet në një nivel më të lartë, në funksion të kthimit të respektit të merituar që bluzat e bardha dhe veçanërisht mjekët duhet të kenë në sistemin tonë dhe para qytetarëve tanë. Ne do t'i kthejmë spitalet tona në qendra ku do të shprehet jo vetëm cilësia e shërbimit, por dhe solidariteti dhe humanizmi i mjekëve tanë. Edhe mungesa e zbatimit të protokolleve të mjekimit ka ndikuar në kaosin e këtij shërbimi në vendin tonë. Ndërhyrjet e duhura në këtë pikë, përveç të tjerave, do të sillnin dhe një menaxhim më të mirë të barnave, materialeve të mjekimit, aparaturave apo çdo burimi tjetër që spitalet kanë në dispozicion, dhe në këtë mënyrë dhe përfitimet e pacientëve do të ishin më të mëdha.
A do të ketë rishikim të listës së barnave të rimbursueshme dhe ku do të konsistojë ky rishikim?
Rishikim të listës së barnave të rimbursueshme në përgjithësi ka pasur çdo vit. Rimbursimi i listës së barnave është një ndër funksionet kryesore të ISKSH. Edhe për vitin e ardhshëm ne parashikojmë të ketë një rishikim të listës së barnave, në funksion të zgjerimit të saj dhe të rritjes së numrit të përfituesve nga këto medikamente. Në varësi edhe të buxhetit të vitit të ardhshëm, ne do të ndërhyjmë që kjo listë të pasurohet. Ndërhyrja e parë dhe e domosdoshme që do të realizohet është ajo që kryeministri dhe qeveria e kanë premtuar dhe që do të bëhet realitet në fillim të 2014, ka të bëjë me heqjen e TVSH (10%) të barnave dhe materialeve të tjera mjekësore. Kjo ndërhyrje do të sjellë si pasojë uljen me 10% të çmimit të barnave në vend dhe domosdoshmërisht uljen me 10% të çmimit të barnave në listën e rimbursimit. Ndërhyrja e dytë në rishikimin e listës së barnave do të jetë rishikimi i saj bazuar në disa prioritete të tilla, si: Barnave që përdoren për sëmundje të rënda; në sëmundjet që paraqesin rrezikshmëri të lartë për jetën; në sëmundje që shkaktojnë invaliditet; në sëmundje që kanë rrezikshmëri për përhapjen në shoqëri; në sëmundje që shkaktojnë shumë vuajtje; në sëmundje kronike që kërkojnë trajtim të zgjatur. Ndërhyrja e tretë, ka të bëjë me procesin e negociatave për çmimet e ofruara e të deklaruara nga kompanitë farmaceutike. Deri më tani nuk ka pasur një proces negocimi me kompanitë dhe ndërhyrja në këtë pikë do të sjellë domosdoshmërisht ulje të çmimeve të barnave të rimbursuara. Ky proces do të shoqërohet me rigorozitet edhe me çmimet e barnave të rajonit ku ne jemi apo edhe më gjerë. Kjo do të thotë se fenomeni i deritanishëm, ku shumë barna janë me çmim më të lartë se vendet e rajonit, do të eliminohet. Ne nuk kemi luksin që qytetarët tanë të paguajnë çmim më të lartë për një medikament që është dhe në tregun rajonal, Itali, Greqi, Kroaci, Maqedoni etj. Ndërhyrja e katërt që unë mendoj, do të jetë në lidhje me rritjen e barnave xhenerike në listën e barnave të rimbursueshme, si në shërbimin parësor, ashtu edhe atë spitalor. Aktualisht, sot në listë, raporti i barnave Brand Name me Xhenerik (barna që e kanë humbur ekskluzivitetin në treg e për pasojë është rritur konkurrueshmëria) është 50% me 50%. Duke rritur numrin e barnave xhenerikë, automatikisht do të ketë kursime financiare, të cilat mund të përdoren në futjen e barnave të reja në listë e që janë të domosdoshme për kategori të ndryshme pacientësh dhe sëmundje të caktuara.
Më herët është diskutuar mundësia mbi hartimin e dy listave për barnat e rimbursueshme: Një listë me rimbursim 100% dhe një tjetër me rimbursim të pjesshëm. A është ky "variant", pjesë e reformës?
E rëndësishme është të realizohen ato ndërhyrje që unë shpreha më lart. Reforma do të përqendrohet në rritjen e aksesit të qytetarëve për shërbimet shëndetësore, në përfitimin e këtyre shërbimeve nga të gjithë qytetarët dhe pa pagesë, pra në eliminimin e faktorit që, "kush ka para, merr shërbime dhe kush nuk ka, nuk i përfiton ato, apo të paguajë nën dorë" etj. Reforma jonë është e përqendruar në ofrimin e shërbimeve bazuar në standarde dhe cilësi, shërbim, dhe të para në këtë këndvështrim, të gjitha opsionet që çojnë në përmirësim të këtij procesi dhe në favor të përfituesve të shërbimeve ngelen të hapura për ne si institucion.
Një nga premtimet më të diskutuara të PS-së është 'shëndetësia falas' për të gjithë popullatën. Si është parashikuar të mundësohet kjo?
Unë e përmenda këtë edhe me sipër. Politika e re e qeverisë është e qartë dhe e deklaruar në program, ku të gjithë qytetarët rezidentë në Shqipëri, kudo që janë, do të kenë mundësinë të kenë akses të plotë tek shërbimet shëndetësore në çdo nivel, si edhe t'i përfitojnë ato pa pagesa. Ju jeni njohur besoj me urdhrin e ministrit për heqjen e disa tarifave shëndetësore të vëna padrejtësisht dhe që rëndonin mbi qytetarët, dhe kjo do të pasohet nga lehtësime të tjera për të gjithë përfituesit e shërbimeve. Hapi tjetër që e përmenda dhe në fillim, do të jetë bërja e mundur që të gjithë qytetarët shqiptarë të kenë "free" akses tek shërbimet dhe jo të përfitojnë vetëm ata që zotërojnë një librezë shëndetësore si deri tani. Të gjithë qytetarët do të kenë dokumentin e aksesimit të shërbimeve, që aktualisht është libreza, dhe më pas kartën e shëndetit, si të gjitha vendet e rajonit të Evropës.
Si do të veprohet me pagesën e sigurimeve shëndetësore?
Ne e kemi deklaruar që do ta transformojmë sistemin aktual, që është mix Bismark, në atë Beveridge, të cilin e aplikojnë shumë vende të zhvilluara në Evropë e më gjerë. Fondet për institucionin që unë drejtoj parashikohet të vijnë nga taksimi i përgjithshëm, që do të thotë se rritja e të ardhurave në buxhet, falë një politike të re, do të sjellë dhe më shumë financime për shërbimet shëndetësore. Qytetari shqiptar nuk do të dijë për mënyrën se si mblidhen dhe grumbullohen fondet, ai është i interesuar për shërbime cilësore dhe pa pagesë. Bashkëpunimi i ngushtë me qeverinë dhe MSH do të bëjë të mundur një tranzicion gradual të këtij procesi.
Është premtuar mbulim universal i popullatës me shërbime shëndetësore. Aktualisht, ligji i ri "Për Sigurimet Shëndetësore", i cili hyri në fuqi në muajin mars të këtij viti, parashikon pikërisht këtë mbulim universal. Nga ndryshon ky ligj nga "oferta" që ju keni propozuar?
Ligji aktual i sigurimeve shëndetësore, i miratuar në vitin 2011 dhe që ka hyrë në fuqi në mars të këtij viti, ka mangësitë e veta, veçanërisht të lidhura me të drejtën e përfitimit të shërbimeve dhe me të ashtuquajturit "Persona të siguruar". Konkretisht, në nenin 5 të ligjit thuhet se "punonjësit e papaguar të familjes" duhet të paguajnë kontribute shëndetësore. Pyetja ime dhe e të gjithë kësaj kategorie të papunësh është se, ku do t'i gjejnë paratë për të paguar kontributet këta njerëz kur nuk punojnë? Në ligj thuhet se "kategori të tjera personash që nuk përmenden në ligj" do ta përfitojnë nga sigurimi shëndetësor me anë të një ligji të veçantë, pra do të mblidhet Parlamenti dhe do të miratohen ligje sa herë që ka kategori të tilla. Këtu unë mund të përmend se edhe gratë shtatzëna nuk përmenden në ligj si persona të siguruar dhe kjo është e papranueshme për çdo shoqëri demokratike. Po ashtu, ligji parashikon sigurime vullnetare dhe që barra e këtyre pagesave bie përsëri mbi shtresat në nevojë. Oferta jonë është e qartë, që, të gjithë qytetarët, pavarësisht dallimeve financiare, ekonomike apo statusit të tyre, të kenë të drejtën të përdorin shërbimet shëndetësore pa pagesë.
A do të ketë rishikim të këtij ligji?
Duke iu përmbajtur atyre që unë shpreha më sipër, ligji mbi funksionimin e skemës ka nevojë për ndryshime. Ndryshimi është i domosdoshëm edhe për faktin e transformimit të skemës aktuale në Shërbim Kombëtar Shëndetësor, shërbim i cili do të vihet totalisht në funksion të të gjithë qytetarëve shqiptarë.
Kur parashikohet që shqiptarët të marrin realisht shërbim shëndetësor falas?
Hapat e parë janë ndërmarrë me ndërhyrjet për kategoritë "gra shtatzëna" dhe "pacientët me sëmundje të rënda" për bërjen e tarifave zero. Gradualisht po diskutohet për heqjen e tarifave të tjera të pamerituara për qytetarët tanë. Riorganizimi i ISKSH në këto momente do të ndikonte në ristrukturimin e strukturave të kontrollit dhe auditit, që do të orientohen në kapjen dhe ndëshkimin e rasteve të abuzimit në sistemin që financohet nga skema. Këtë e them, pasi dhe kategoritë e siguruara në sistemin aktual, në shumë raste përballen me pagesa të pandershme për të përfituar këshillimin, vizitën, analizën, ekzaminimin, ndërhyrjen kirurgjikale etj.
Në ditën e prezantimit tuaj, u cilësua shndërrimi i ISKSH në Shërbimin Shëndetësor Kombëtar, i cili synon të jetë paguesi i vetëm i shërbimeve shëndetësore në vend. Çfarë do të thotë kjo dhe përse është i domosdoshëm?
Ngritja e Shërbimit Kombëtar Shëndetësor është pjesë integrale e programit të qeverisë së re dhe njëkohësisht është ndërhyrja më e drejtë për të ringritur një sistem të financimit të shërbimeve në nivelet e kërkuara nga ofruesit dhe përfituesit e shërbimeve shëndetësore. Shndërrimi i këtij institucioni në paguesin e vetëm të shërbimeve shëndetësore në vend, do të bëjë të mundur një menaxhim më të mirë të burimeve financiare të disponueshme, do të ngrejë në një nivel më të lartë procesin e kontraktimit me ofruesit, duke mundësuar që shërbimet të ofrohen të bazuara në paketa shërbimesh.
Diçka tjetër për të shtuar?
Bashkëpunimi dhe transparenca e institucionit që unë kam marrë përsipër të drejtoj, me qytetarët në radhë të parë, por edhe me të gjithë faktorët dhe aktorët e sistemit shëndetësor, do të ketë një qasje të re drejt përmirësimeve të shërbimeve. Përfitimet nga eksperiencat e huaja të financimeve të shërbimeve shëndetësore do të jenë një tjetër fokus ku unë do të jap maksimumin tim si drejtues. 

(er.nu/Gazeta Shqiptare/BalkanWeb)
    Kthehu Dėrgo Printo Home
Komento
       Shqiperia
31 Tetor 2014
Plagosi për vdekje një shtetas, ekstradohet nga Italia 41-vjeçari
Është ekstraduar mbrëmjen e djeshme nga Italia, një i kërkuar nga drejtësia shqiptare, pasi akuzohej për plagosje të rëndë, me pasojë vdekjen për një shtetas. Bëhet e ditur se shtetasi i ekstraduar është Besnik Sejdo, 41 vjeç, banues në Tiranë.
KOMENTO
       Kosova
30 Tetor 2014
Jahjaga: Po kërkoj zgjidhje e jo zgjedhje
Presidentja e Kosovës, Atifete Jahjaga deklaroi në një prononcim sot për RTK-në se po përpiqet që në takimet me liderët politikë të gjejë zgjidhje e jo zgjedhje
KOMENTO
       Rajoni
30 Tetor 2014
Maqedoni, ja shenjat e sulmit me granata ndaj godinės sė qeverisė- FOTO
Ja shenjat e sulmit me granata ndaj qeverisė sė Maqedonisė. Sulmi ėshtė regjistruar mbrėmjen e djeshme ndėrkohė qė njė vrimė e madhe ėshtė hapur nė katin e dytė tė ndėrtesės
KOMENTO
       Bota
31 Tetor 2014
Shteti me ushtrinë më të fortë në Lindjen e Mesme
Izraeli ka ushtrinë më të fuqishme në Lindjen e Mesme, e ndjekur nga Turqia dhe Arabia Saudite. Kështu thuhet në një raport të ri të “Business Insider”.
KOMENTO
       Sport
31 Tetor 2014
Igli Tare: Kombëtarja të vlerësohet si skuadër, jo individë të veçantë
Igli Tare ka theksuar se meritat për atë që ndodhi në Beograd nuk duhet t’iu atribuohen individëve, por grupit.
KOMENTO
       Kulture
31 Tetor 2014
Restaurohet mburoja e betejave të Aleksandrit të Madh
Viti 1983 i dhuroi Apollonisë një pasuri të rrallë arke ologjike: në tumat e fshatit Kryegjat, arkeologu Vangjel Dimo zbuloi një varr që ngriti mendjen e të gjithë specialistëve të fushës. Në varr ndodhej një mburojë prej bronzi, e mbi të skeleti i shtrirë anash i të zotit të saj
KOMENTO
       Metropol
30 Tetor 2014
Rita Ora: Calvin Harris ishte i duhuri, por në kohën e gabuar
Këngëtarja e njohur me origjinë shqiptare, Rita Ora, ka folur në revistën “Cosmopolitan”, në lidhje me ish të dashurin e saj, Calvin Harris
KOMENTO (2)
       Teknologji
31 Tetor 2014
Ja si ta zbuloni kush ju ka fshirë nga lista e miqve në ‘Facebook’
Facebook refuzon të shtojë opsionin i cili të tregon se kush ju ka larguar nga lista e miqve në rrjetin social, sepse kjo ka impakt negativ tek përdoruesit.

KOMENTO
      
 
 
  TV | News24 - Live
 
   
   
   
   
   
   
   
   
   
   
  Radio | Rash - Live
 
  toolbar  
   
   
 
SONDAZH
 
 
Nensondazh
 
   
 
 
BALKANWEB.TV
Atentat me armė 40-vjeēarit me tė kaluar kriminale, pranga njėrit prej autorėve
 
 
BALKANWEB.TV
Ambasadori turk Bayraktar: Shqipėria, rol kyē pėr stabilitetin nė rajon
 
 
BALKANWEB.TV
Meta nė Marok: Pėrpjekje tė pėrbashkėta nė luftėn kundėr terrorizmit
 
 
BALKANWEB.TV
Llalla: Dėrguam para gjykatės 1 prokuror e 5 gjyqtarė, vijojmė hetimet pėr zyrtarėt
 
 
BALKANWEB.TV
Nga data 1 janar 2015 hyn nė fuqi pensioni social, ja si pėrfitohet
 
 
BALKANWEB.TV
Dervishi: Energjia, pjesė e kostove tė ujėsjellėsave, tė trajtohen si klientė specifikė
 
 
BALKANWEB.TV
Rihapin dyert 6 universitete private tė pezulluara nė gusht
 
 
BALKANWEB.TV
Ruēi kritika ministrave: Justifikoni besimin te elektorati jo tė silleni si kryeministra
 
 
BALKANWEB.TV
Kutia e ndihmės sė shpejtė, specialisti Alija: E domosdoshme kur ambulanca vonohet nė vendngjarje
 
 
BALKANWEB.TV
Fotoshopi, teknologjia qė kthen kėtė plakė, nė vajzė tė re
 
 
BALKANWEB.TV
Zv.kryetari i Komitetit tė Buxhetit nė Parlamentin Europian interviste per News24
 
 
BALKANWEB.TV
Moti per sot 30 tetor
 
 
BALKANWEB.TV
Qytetari denoncon nė News24: Njė vajzė vdiq se polici mė vonoi teksa e ēoja nė urgjencė
 
 
BALKANWEB.TV
Energjia, Rama takon pensionistėt dhe PAK: Do rrisim pensionet e kryefamiljarėve
 
 
BALKANWEB.TV
Mjeku qė e konsideron beben si kukull prej gome
 
 
 
 
FOTOGALERI
ISIS masakron edhe 30 anėtarė tė njė fisi sunni
 
 
FOTOGALERI
Dasmė romantike, nė qiell shfaqet reja nė formė zemre
 
 
FOTOGALERI
Atentat me armė njė 40-vjeēari nė Tiranė, pranga njėrit prej autorėve
 
 
FOTOGALERI
Nxjerr motrėn e tij nė eBay qė t’i gjejė burrin ideal, pėr 50 paund
 
 
FOTOGALERI
Brazil, vrasėsja gjen dashurinė nė burg dhe refuzon tė dalė
 
 
FOTOGALERI
Modelja serbe qė po ēmend Neymar
 
 
FOTOGALERI
Njė avion i vogėl pėrplaset me njė ndėrtesė nė Kansas
 
 
FOTOGALERI
Maqedoni, ja shenjat e sulmit me granata ndaj godinės sė qeverisė
 
 
FOTOGALERI
Japoni, “Princesha e trishtuar” shfaqet nė publik pas 11 vitesh
 
 
FOTOGALERI
Eric dhe Ariel, ja dasma e vėrtetė e protagonistėve tė “Sirena e vogėl”
 
 
FOTOGALERI
Shefi ekzekutiv i “Apple” pranon publikisht: Jam homoseksual
 
 
FOTOGALERI
Kim spektakėl nė ndeshjen e Lakers, korseja mbledh ‘tulet’ e Kardashian
 
 
FOTOGALERI
Kate Moss me tė kuqe, tregon vithet
 
 
FOTOGALERI
Edi Rama njė shėtitje vetėm nė Tiranė
 
 
FOTOGALERI
Jeniffer Loper, njė femėr seksi me bikini nė Instagram
 
 
FOTOGALERI
Kate Hudson, mė seksi se asnjėherė
 
 
FOTOGALERI
Jordana Brewster: ‘Kam bėrė seks nė verandė gjatė njė feste’
 
 
FOTOGALERI
Cyrus-Rihanna, sfida e trupave nudo nė Hollywood