Menduh Thaçi është rizgjedhur kryetar i Partisë Demokratike Shqiptare, në kongresin VII të partisë, i cili po mbahet në Tetovë.

Gjatë fjalimit para delegatëve, Thaçi ka thënë se partia që ai e drejton ka qenë vazhdimisht e sulmuar, sidomos në tre vitet e fundit, edhe duke qenë në opozitë. Ai ka thënë se ata në vazhdimësi po sakrifikojnë për të mbrojtur interesat kombëtare të shqiptarëve në Maqedoni.

Thaçi është shprehur i bindur se referendumi për çështjen e emrit do të dalë i suksesshëm dhe se kthim prapa nuk ka. Ai gjatë fjalimit të tij theksoi rëndësinë e integrimit të vendit në NATO dhe Bashkimin Evropian, ndërkohë që përmendi edhe çështjen e përdorimit të gjuhës shqipe, duke kërkuar dhe njëherë zyrtarizim të plotë të shqipes në të gjitha nivelet, njësoj si ajo maqedonase.

Thaçi u rizgjodhs kryetar i PDSH-së, në Kongresin e sotëm ku me 691 votë pro asnjë kundër dhe asnjë të abstenim, mori mandatin për të udhëhequr PDSH-në edhe në katër vitet e ardhshme.

“Neve na nevojiten të drejta kolektive politike, ne nuk pranojmë të drejtat biologjike që na i ofrojnë të tjerët. Ashtu siç është i rëndësishëm procesi i integrimit në NATO dhe BE, vazhdon PDSH-ja pikë të parë ta ketë mekanizmin e vendimmarrjes me konsensus të plotë në institucionet e sistemit duke filluar prej Parlamentit të vendit. Nëse kjo nuk bëhet nuk do ketë efekt asnjë prej integrimeve të shtetit. Unë mendoj se me marrëveshjen me Greqinë, një ndër pikat kapitale të programit të PDSH-së dhe shqiptarëve në tërësi, integrimi në NATO. E shoh dilemën tek shqiptarët se mund kjo të mos ketë sukses. Flini rehat se kthim prapa nuk ka”, u shpreh Menduh Thaçi.

(m.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb