Të tjera detaje janë zbuluar për Laert Haxhiu, i dyshuari kryesor për maskrën e ditës së djeshme në qytetin e Lushnjes ka qenë edhe më parë i dënuar. Haxhiu tashmë është shpallur në kërkim për vrasjen e dy personave dhe plagosjen e dy të tjerëve.

Dy vite më parë, ai u arrestuan nën akuzën e “prodhimit dhe shitjes së narkotikëve”, e ndërsa Prokuroria kërkoi dënim me 8 vite burg për të, gjykata vlerësoi se duhet të fajësohej vetëm për “moskallëzim krimi”.

Më 19 maj 2016, Gjykata e Durrësit mori vendimin për ta dënuar me 17 muaj e 10 ditë burg Haxhiun. Në 2015-n ai u arrestua në një lokal karburanti në rrugën Durrës-Rrogozhinë. Kjo pasi ai dyshohej si një nga dy shitësit e një sasie heroine që u shkëmbye në parkingun e karburantit. Por Laert Haxhiu sapo pikasi uniformat blu, u hodh nga një lartësi duke lënduar këmbën.

Pas shqyrtimit gjyqësor u vlerësua se nuk provohej përfshirja e tij në shkëmbimin e drogës. I pandehuri Laert Haxhiu duke qenë prezent në momentin e shkëmbimit të lëndës narkotike ka marrë dijeni për një krim dhe kishte detyrimin për të kallëzuar atë”, arsyetonte gjykata.
Ndërkohë fajtorë u deklaruan Saimir Taullau, Kastriot Zajmi dhe Afrim Demiri.

 (e.f/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb