TIRANE- Pasi u zbuluan 3.4 milion euro të fshehura në dy makina “Toyota Yaris” në portin e Durrësit, deputeti i Partisë Demokratike, Ervin Salianji ka zgjedhur të bëjë ironi me këtë çështje.
Ai ka shkuar sot në Parlament me një makinë të tillë, ndërsa në duar mban disa çanta kartoni të dizenjuara me euro. Për të hyrë në Parlament i është dashur të kalojë në skanerin në hyrje të Parlamentit, filtër të cilin duket se e ka kaluar me sukses.
Gazetarja Elda Menga ka siguruar për “BalkanWeb” foto dhe video të momentit kur ai përshkon rrugën nga hyra e Kuvendit drejt sallës. Foto ka shpërndarë edhe LSA.