TIRANE- Në kuadër të sezonit turistik, kanë nisur për herë të parë patrullimet e përbashkëta mes Policisë Shtetit dhe Policisë italiane.

Do të jenë 6 punonjës të Policisë italiane që do të patrullojnë krah Policisë shqiptare në Durrës, Vlorë dhe Sarandë, ku numri i turistëve italianë është më i lartë.

Gjatë ceremonisë të fillimit të patrullimit të përbashkët, Drejtori i Policisë së Shtetit Ardi Veliu deklaroi se këto iniciativa do t’i vijnë në ndihmë pushuesve italianë që kanë zgjedhur të kalojnë pushimet në vendin tonë.

Në kuadër të masave të për rritjen e sigurisë gjatë sezonit, Policia e Shtetit ka marrëveshje edhe Policinë e Kosovës, Malit të Zi, Kroacisë e Maqedonisë.

(BalkanWeb)