“Rusia apo Coca-Cola?”, ishte pyetja e gjyqtarit kryesor Nestor Pitana në finalen e Kampionatit Botëror ‘Rusia 2018’ drejtuar Luka Modricit dhe Hugo Llorisit gjatë hedhjes së shortit para fillimit të ndeshjes.
Mjaftoi kjo pyetje e argjentinasit që tifozët të bëjnë mijëra tjera në rrjetet sociale, duke pyetur pse ai iu drejtua kështu kapitenëve gjatë shortit për zgjedhur anën e fushës dhe se kush do të nisë topin i pari.
Edhe pse në fillim për shumë njerëz pyetja e gjyqtarit ishte e pakuptimtë, pas saj qëndron një arsye e thjeshtë.
Përgjigjja është se njëra anë e monedhës e përdorur për short nga gjyqtarët në këtë Botëror ka disa imazhe nga vendi mikpritës (Rusia), kurse në anën tjetër sponsorët kryesorë (që padyshim është edhe Coca-Cola).
I pari që zgjodhi ishte Lloris, i cili zgjodhi markën e njohur të pijeve. Por, duket se kjo i solli fat skuadrës franceze pasi portieri i Francës bëri zgjedhjen e njëjtë edhe në fitoren ndaj Uruguait e cila u drejtua nga Pitana, shkruan tg.
Përveç kësaj emri i Pitanas pas finales është lakuar edhe për referimin jo të mirë, posaçërisht te penalltia e dhënë Francës.
Sorteo de capitanes en la final de #Rusia2018 #FRA y #CRO
Usa el castellano Nestor Pitana con Lloris y Modric. “Living football”, les dice. #arbitros pic.twitter.com/RV0pcV292C— Óscar García (@OGarciaManceras) July 15, 2018
