MEKSIKË- Rritet bilanci i viktimave nga shpërthimi i fuqishëm që ndodhi në një depo fishekzjarrësh në Meksikë. Të paktën 24 persona kanë humbur jetën dhe mbi 40 të tjerë janë plagosur.

Ngjarja ndodhi dje rreth 30 kilometra larg Meksiko Sitit, Tultepec, në vendin e njohur si kryeqyteti i mjeteve piroteknike në këtë shtet.

Mediat e huaja raportojnë se mes viktimave janë 4 zjarrfikës dhe 5 zyrtarë të policisë. Deri më tani nuk dihen rrethanat e ngjarjes, ndërsa po vijojnë hetimet.

(ed.me/BalkanWeb)