BalkanWeb.TV Foto Forum Horoskopi Moti Gatimi Kontakt
ARTIKUJ TEK
Shqiperi
06 Janar 2010 - 09:04 | LAJME
TRANSLATE
 
Permbytjet ne Shkoder, Berisha: Jemi ne prag katastrofe
Permbytjet ne Shkoder, Berisha: Jemi ne prag katastrofeSHKODER-
Ora 20.30
Prefekti i Shkodrës, Cungu flet për situatën

Prefekti i Shkodrës, Maxhid Cungu ka bërë të ditur se procesi i evakuimit të banorëve pas përmbytjeve në Shkodër po vazhdon. Deri në këto momente nga komuna Dajc janë evakuuar 71 familje që i përkasin 7 fshatrave të përmbytur. Ndërsa në komunën Ana e Malit janë evakuuar 4 familje, pjesa më e madhe e të cilave është strehuar tek të afërmit.

Në deklaratat e tij Cungu iu ka përsëritur banorëve kërkesën për tu larguar nga zonat e përmbytura, pasi ushtria ka marrë të gjitha masat për evakuimin e sigurt të tyre.
Sipas tij, ushtria ka marr të gjitha masat për evakuimin e sigurt të tyre. Sipas Prefektit të Shkodrës ushtria është duke punuar për të evakuuar edhe bagëtitë.

Berisha: Jemi në buzë të katastrofës
Kryeministri Berisha inspekton zonat e përmbytura në Shkodër, ndërsa bën thirrje për evakuim urgjent të banorëve dhe të gjësë së gjallë.
“Jemi në buzë të katastrofës” theksoi Berisha teksa tha se situata mbetet e paparashikueshme.

“Lumi Gjadër ka fryrje të jashtëzakonshme. Kemi fryrje të Bunës, Drinit, Kir ndërsa rreshjet do të vazhdojnë së paku edhe 10 ditë” tha kryeministri.
Kreu i qeverisë urdhëroi shtimin e masave, ndërsa propozoi që në banesa të qëndrojnë vetëm kryefamiljarët.

Berisha nënvizoi se prioritare mbetet shpëtimi i jetëve njerëzore duke premtuar dëmshpërblim për fermerët e dëmtuar nga përmbytjet.

Topalli thirrje banorëve të largohen nga zonat e përmbytura
Situata në Shkodër vazhdon të mbetet problematike pasi vërehet një fryrje e ujit. Fshati Obot është tërësisht i bllokuar ndërsa rruga për në komunen e Dajcit është pothuajse drejt përmbytjes. Shirat vazhdojnë të jenë të rrëmbyeshëm dhe pa pushim.

Kryeparlamentarja Jozefina Topalli ka vizituar mesditën e sotme zonat problematike ndërsa e ka cilësuar si tepër kritike gjendjen e krijuar. Topalli u ka bërë thirrje të gjithë banorëve të zonave të përmbytura të lenë menjëherë shtëpitë e tyre dhe tu drejtohen akomodimeve të përgatitura për ta.

Përkeqësohet situata në zonat e përmbytura
Rreshjet e shiut përkeqësojnë situatën në zonat e përmbytura në Shkodër. Situata e shkaktuar ka mobilizuar forcat ushtarake të cilat kanë vijuar evakuimin e banorëve në komunën e Dajcit një nga më të prekurat nga përmbytjet e shkaktuara nga hapja e portave të hidrocentraleve të kaskadës së Drinit.

Situata duket se është përkeqësuar pas rreshjeve të shiut të nisura prej mbrëmjes së djeshme. Sipas informacioneve nga Shtabi i Emrgjencave niveli i ujit është rritur , ndërsa ka tendenca të rritet edhe më shumë, pasi shkarkimi i ujërave nga hidrocentrali i Vaut të Dejës është më i lartë se mbrëmja e kaluar.
Situata paraqitet problematike në Dajc dhe fshatin Obot .

Nga të dhënat mësohet se në komunën e Dajcit bëhet fjalë për 416 familje që duhet të evakuohen, 55 prej tyre janë akomoduar tek të afërmit e tyre ndërsa sipërfaqja e përmbytur arrin në 1000 hektarë.
Ndërkaq Ministria e Mbrojtjes ka filluar ndërtimin e argjinaturave ndërsa janë shpërndarë dhe ndihma në ushqime për tu ardhur në ndihmë banorëve.

4 Janar
Përmbytjet, forcat e armatosura ndihmë në terren
Ndërkohë në një njoftim të mbrëmjes së sotme ministria e Mbrojtjes deklaron se forcat ushtarake janë të angazhuara për përballimin e situatës së emergjencës në qarkun e Lezhës dhe Shkodrës. Gjatë ditës së sotme forcat e angazhuara në terren kanë punuar për ndërtimin dhe përforcimin e argjinaturës në Ishull Lezhë me gjatësi 1000 metra. Aktualisht ka përfunduar argjinatura në një gjatësi prej 500 metrash, ndërsa po punohet për përfundimin e plotë të saj. Në njoftim thuhet gjithashtu se po vazhdon puna edhe për riparimin e argjinaturës së Dajçit. Në këtë argjinaturë me gjatësi 14 kilometra, janë vendosur 3000 thasë me rërë dhe janë kryer punime të tjera të domosdoshme për strukturën e argjinaturës.

Forcat ushtarake nisën sot në mëngjes dhe kanë përfunduar rreth mesditës ndërtimin e urës tip “Bejli” me gjatësi 9 metër në Moriqan të komunës Obot. Në fshatin Obot janë shpërndarë me anë të gomoneve dhe motobarkave ushtarake rreth 200 pako me ndihma ushqimore, afërsisht tre ton me materiale të nevojshme për familjet që kanë shtëpitë e përmbytura.

Gjithashtu, forcat ushtarake po punojnë për riparimin e infrastrukturës rrugore në zonat e prekura nga përmbytjet dhe po merren edhe me evakuimin e banorëve të zonave të përmbytura. Forcat e Armatosura kanë vënë në dispozicion për banorët që evakuohen, Shtëpinë e Pushimit në Durrës me një kapacitet prej 420 personash. Gjithashtu, është përfunduar dhe vënë në gatishmëri të plotë, një kamping me të gjitha pajisjet, i cili mund të strehoj mbi 130 persona.

Aktualisht janë të angazhuar në terren rreth 164 forca, 48 mjete si; 12 kamionë, 6 gomone, 1 ambulancë, 14 vetëshkarkues, 1 karoofiçinë, 4 fadroma, 2 eskavatorë dhe mjete të tjera. Zonat ku operojnë forcat ushtarake në Qarkun Lezhë: Tale dhe Shëngjin; në Qarkun Shkodër: Obot, Oblik, Dajç, Muriqan, Dërgjat, Shirq dhe Vau i Dejës.

Bilanci i dëmeve
Ministria e Brendshme bëri të ditur sot bilancinë e dëmeve si dhe pasqyroi zyrtarisht situatën në qarkun e Shkodrës pas përmbytjeve të shkaktuara nga hapja e portave të shkarkimit në hidrocentralet e Vaut të Dejës dhe Komanit.

Bazuar në informacionet e ardhura nga Institucioni i Prefektit të Qarkut Shkodër, Ministria e Brendshme nëpërmjet zëdhënësit Afler Olli konfirmoi se në Bashkinë Shkodër: “Nga vlerësimi paraprak është përmbytur rreth 600 ha tokë në rajonin nr.1. Në lagjen Ajasem, Bahçallëk dhe Tophane, janë evakuar nga zona e përmbytjes 37 familje, nga të cilat 11 familje janë strehuar në ambjentet e Turizmit në Shkodër”. Po për këtë zonë, zëdhënësi i kësaj ministrie, Alfred Olli bëri të ditur se dje pasdite 130 persona të komunitetit rom janë akomoduar ne repartin ushtarak Melgushë, ku u është dhënë asistencë me ndihma në ushqime dhe ndihmë mjekësore. Sot për këto familje janë duke u dërguar nga Rezerva e Shtetit edhe 100 pako familjare me ushqime.

Por situata me emergjente paraqitet në Obot e Dajc. Kështu sipas të njëjtit burim, komuna Ana e Malit, sipas vlerësimit paraprak është përmbytur rreth 850 ha tokë. “Janë me prezencë uji 130 shtëpi në fshatin Obot, nga të cilat 5 familje janë evakuar. Sot janë dërguar rreth 100 pako familjare me ushqime dhe nga komuna po merren të gjitha masat për ti shpërndarë në çdo shtëpi”.
Komuna Dajç, në këtë komunë janë përmbytur rreth 1000 ha tokë bujqësore. “Në prezencë uji ndodhen 70 banesa dhe janë evakuar 53 familje. Në fshatin Semrisht ka demtime të argjinaturës. Në këtë komunë janë të dislokuara dy zjarrfikse për mbrojtjen nga përmbytja të dy kabinave elektrike”, tha Olli.

Aktualisht në terren në Qarkun e Shkodrës, janë dislokuar forcat operacionale, bëhet fjalë për 15 mjete të Policisë së Shtetit për të ndihmuar evakuimin e banorëve, forca të FNSH Shkodër e Tiranë, si dhe reparti Delta Force me dy gomone.
Në qarkun e Shkodrës po veprojnë në terren nga Ministria e Mbrojtjes 112 trupa, 13 mjete transporti vetshkarkuese dhe 6 motobarka gomone.
Sot janë nisur për në Komunën e Ana e Malit 12 forca montimi me dy mjete transporti të ngarkuara me dy ura tip bejli që do të montohen në këtë komunë.

Mijëra ha tokë nën ujë, situata kritike

Pak pas mesditës bilanci në zonat e Shkodrës ku kanë vërshuar ujrat e liqeneve të hidrocentraleve Koman dhe Vau i Dejës nuk paraqitet e përmirësuar.
Burime nga Prefektura e Shkodrës bëjnë të ditur se mijëra ha tokë dhe dhjetra shtëpi janë nën ujë.
Kështu nën ujë ndodhen 600 ha tokë në Bashkinë Shkodër, 850 ha tokë në zonën Ana e Malit, 1000 ha në komunën Dajc. Shtëpi nën ujë ndodhen aktualisht 70 banesa në komunën e Dajcit dhe 130 në fshatin Obot.
Banorët që nuk janë evakuuar po qëndrojnë aktualisht në katet e dyta të banesave.
E bllokuar me ujë vazhdon të mbetet dhe rruga e fshatti Obot që njëkohësisht të lidh dhe me Dajcin. Transporti I ushqimeve dhe veshmbathjeve po bëhet nga ana e ushtrisë me lundra.

Ndërkohë 130 familjet e komunitetit rom të lagjes që u evakuuan nga lagja Bahcallëk e Shkodrës nuk kanë pranuar të qëndrojnë ne ish-repartin e ushtrisë në Bushat por janë rikthyer në banesat e tyre, oborret e të cilave janë ende nën ujë.

Prefekti i Shkodrës Maxhit Cungu deklaroi sot se ka rënie të nivelit të ujit pasi nuk ka patur reshje shiu.

Por ditët në vazhdim premtojnë një mot me shi dhe aspak të qëndrueshëm.

Banorët e Obotit e Dajcit në rrezik. Uji zbret në Shkodër

Ujrat e liqeneve të hidrocentraleve të Komanit dhe të Vaut të Dejës kanë trokitur shumë pranë Shkodrës këtë mëngjes. Gjatë mbrëmjes në lagjen Bahcallëk të qytetit janë evakuuar 130 persona të komunitetit rom dhe janë transportuar direkt në ish-repartin ushtarak në Melgushe. Të evakuuarit janë pajisur me veshmbathje dhe ushqime dhe janë strehuar përkohëssiht në ambientet e ish-repartit. Në ndihmë u kanë ardhru dhe njeëUrdher murgeshash qe ndodhet në lagjen “Dobrac”.

Situatë emergjentë në Dajc

Ndërkohë në fshatin Dajc situate nuk paraqitet aspak e qetë. 460 familje që nuk pranuan evakuimin dje, sot ndodhen në rrezik nga niveli i ujit në rritje. Vetëm 55 familje kanë pranuar të braktisin banesat dhe të largohen nga fshati. Pako me ushqime janë dërguar direct në banesat e tzre me anë të ushtrisë. Katet e para të banesave janë pushtuar nga uji.

Oboti izoluar nga uji

Ndërsa fshati Obot është izoluar tërësisht nga uji, banorët e mbetur kanë refuzuar largimin nga banesat, pasi kanë frikë nga vjedhjet.
Por Shtabi i Emergjencës ka vendosur largimin me forcë të banorëve dhe mendohet që evakuimi të bëhet me lundra. Nuk dihet ende rruga që do të ndiqet se fillimisht duhet të kalohet nga Dajci, i cili aktualisht ndodhet nën ujë.

Përmbytjet në Shkodër, evakuimi i banorëve i veshtirë

ora 08:00-Vështirësi të mëdha për evakuimin e banorëve në fshatrat Obot e Dajc të Shkodrës pas hapjes së portave të shkarkimit të hidrocentraleve të Vaut të Dejës e Komanit.

Mësohet se për shkak të errësirës së madhe dhe nivelit të ujrave që ishin në rritje nuk ka patur evakuime të banorëve gjatë natës, por ky proces do të nisë sot paradite. Pas kundërshtimit që i bënë një ditë më parë banorët e Obotot e Dajcit urdhrit të qeverisë për të braktisur shtëpitë pas hapjes së porave të shkarkimit, evakuimi nuk u realizua 100%. Nga 150 familje vetëm 70 u bindën të linin banesat, por me një kusht, një kryefamiljar të qëndronte ditë e natë në ruajtje të pronës.
Sot do të evakuohen edhe familjet e mbetura, mes të cilëve edhe gra, fëmijë e pleq.

Hapja e protave të shkarkimit që nisi dy ditë më parë ka sjellë dhe pasojat e para tek banorët. Shumica e tyre kanë mbetur pa rezerva ushqimore. Sot ka nisur dërgimi i rezervave me lundra nga ushtria.

Ndërkohë 70 familjet e larguara nga fshatrat nuk kanë pranuar të strehohen në vendqëndrimet e caktuara nga qeveria, sic janë konviktet e Universitetit të Shkodrës dhe Hotel Turizmi i qytetit. Familjet e evakuuara kanë zgjedhur të afërmit të strehohen përb këto ditë emergjence.

Sot herët në mëngjes është mbledhur Shtabi i Emergjencave të Prefekturës së Shkodrës për vendime të reja.

Hapja e protave të shkarkimit të hidrocentraleve të Komanit e Vaud të Dejës erdhi pas rritjes së nivelit të ujrave në liqenet furnizuese. Niveli i tyre kapi kuotat maksimale dhe institucionet përkatëse vendosën hapjen e protave të shkarkimit.

Forcat e Armatosura kanë ndërtuar një argjinaturë 70 metër të gjatë dhe një metër të lartë në vijën e fshatrave Baragjat, Rrushkull dhe Belaj, në mënyrë që këto fshatra të mbrohen nga përmbytjet. Në gatishmëri për mbështetje të menjëhershme janë vendosur 146 forca dhe 138 mjete të tjera, të cilët shërbejnë kryesisht për evakuimin e banorëve me mjete dhe motobarka si dhe për transportimin e mallrave.

Data 3 Janar

Evakuime në Obot, banorët e Dajcit refuzojnë

Paraditen e sotme forca të ushtrisë kanë nisur evakuimin e banorëve në zonat e përmbytura nga hapja e portave të hidrocentraleve në Shkodër. Deri tani në fshatin Obot janë evakuuar rreth 80 familje por me shumë vështirësi, pasi mjetet e ushtrisë nuk kanë mundur të kalojnë nga uji. Për pasojë evakuimi do të bëhet me barka, ndërsa mësohet se do të vazhdojë edhe gjatë natës së sotme. Nga fshati Obot do të evakuohen rreth 100 familje të tjera, shtëpitë e të cilave ndodhen nën ujë dhe paraqesin rrezikshmëri për to.

Ndërsa situata në komunën Dajc është krejt tjetër. Familjet kanë bërë rezistenc dhe nuk kanë pranuar të largohen nga banesat e tyre, edhe pse nën ujë. Deri në këto momente nga komuna Dajc janë evakuuar vetëm 3 familje. Banorët e këtyre komunave edhe gjatë orëve të paradites kanë bërë rezistencë për të mos u larguar nga shtëpitë e tyre. Ata refuzonin të strehoeshin nëpër konvikte. Ndërsa banorët e Obotit kanë pranuar të largohen, në Dajc situata mbetet ende problematike. Kjo pasi edhe Drejtori i Përgjithshëm i KESH deklaroi se shkarkimet e hidrocentraleve do të rriten në ditët që vijnë dhe kjo rrit rrezikshmërinë për përmbytje edhe më të mëdha.

Fillojnë evakuimet në Obot e Dajc
Pas refuzimit te deklaruar, vetëm pasditen e sotme, banorët e zonave të Obot e Dajc të Shkodrës janë bindur të largohen nga banesat që rrezikojnë përmbytjen pas shkarkimit të ujravë që po u bëhet hidrocentraleve të Vaut të Dejës, Komanit e Fierzës. Në banesat, oborret e të cilave janë mbuluar aktualisht nga uji do të qëndrojnë vetëm kryefamiljarët, të cilët do të ruajnë godinat. Gratë, pleqtë dhe fëmijët janë larguar disa nga ushtria të cilat kanë punuar gjatë të gjithë orëve të mbrëmjes së djeshme dhe sot paradite për evakuimin e tyre dhe disa familje të tjera kanë zgjedhur mjete rrethanore sic janë gomonet e vogla. Aktualisht janë evakuuar 60 familje në lagjen Ajasëm të Shkodrës. Kryefamiljaret do te lagohen nga banesa vetem nese shtepia permbytet totalisht nga uji.
Refuzohen konviktet
Momentalisht banorët e zonave qe rrezikohen nga ujrat qe po shkarkohen nga hidrocentralet e tejmbushur janë larguar nga banesat e tyre, por nuk kanë pranuar të sistemohen në hotele e konvikte, duke e zgjidhur problemin me sistemimin tek të afërmit e tyre aty pranë, në ato zona ku nuk ka probleme me përmbytjet.
Aktualisht, forcat e ushtrisë janë në vendngjarje dhe po negociojnë me banorët të tjerë që refuzojnë për evakuimin e tyre për t’i transportuar në konviktin e Universitetit "Luigj Gurakuqi", aty ku është planifikuar sistemimi i tyre.

Specialistët e hidroenergjitikës i kanë deklaruar se shumë shpejt priten shkarkime në shifra më të mëdha që mund të krijojnë probleme serioze.
Ndërkohë, burime nga prefektura bëjnë të ditur se në gatishmëri të plotë janë edhe strukturat e Spitalit Rajonal të Shkodrës, si dhe ato të Shëndetit Parësor duke përgatitur ekipe të posaçshme për ndërhyrje në rastet që mund të paraqiten.
Sot paradite në Shkodër ka mbërritur edhe kryeparlamentarja e njëkohësisht deputetja e zonës së Shkodrës, Jozefina Topalli. Topalli ka nisur inpektimet në komunën Dajc, në Shirgj, Bërdicë dhe Traush.

Masat per banoret qe refuzojne evakuimin

Ne mbledhjen e shtabit të emergjencës së Qarkut Shkodër paraditen e sotme u vendos evakuimi me forcë i banorëve që nuk pranojnë të largohen nga banesat që rrezikojnë të përmbyten pas hapjes së portave të shkarkimit të hidrocentraleve të Fierzës, Komanit dhe Vaut të Dejës.
Mësohet se 130 familje me rreth 400 banorë në Dajc e Obot të Shkodrës kanë refuzuar largimin nga pronat e tyre, pavarësisht urdhrit të dhënë një ditë më parë nga Kryeministri Berisha pas situatës së krijuar në hidrocentralet e vendit.
Gjatë mbledhjes së sotme, shtabi i emergjencës se qarkut te Shkodres vendosi evakuimin me forcë të banorëve pavarësisht rezistencës që mund të bëhet.
Raportohet se 5 familje në Bahcallkë të Shkodrës i janë bindur urdhrit dhe janë strehuar në ambientet e Hotel Turizmit, Shkodër. Mesohet se ne Obot e Dajc uji ka mberritur ne oborret e banesave.
Pritet që reshjet do të vijojnë në ditët në vazhdim, gjë që do të vështirësojë situatën në këto zona.

Situata
Forca të shumta të ushtrisë janë vendosur në fshatin Obot të Komunës Ana e Malit në zonën e nënShkodrës ku dhe është urdhëruar evakuimi sa më parë i banorëve të kësaj zone. Gjatë gjithë natës forcat e ushtrisë janë munduar të bindin banorët për t’i evakuar me mjetet e tyre, por kanë hasur në rezistencë. Banorët nuk pranojnë të largohen nga banesat.

Vetëm 5 familje kanë pranuar të evakuohen e të vendosen në hotel Turizem, godine e caktuar nga qeveria për strehim. Ata jane banore te lagjes Bahcallek, ne hyrje te Shkodres. Në këtë zonë 100 banesa rezultojnë të përmbytura.

Gjate nates u hapen portat e shkarkimit ne hidrocentralet e Fierzes, Komanit dhe Vaut te Dejes. Vetë kryeministri Sali Berisha vizitoi dje zonën dhe bëri apel për evakuimin me cdo kusht të banorëve.

Një grup deputetësh të Partisë Socialiste janë nisur drejt Shkodrës për të parë nga afër dëmet e shkaktuara në zonat e përmbytura.
Duke shpallur gjendjen e jashtëzakonshme kreu i qeverisë deklaroi dje ne fshatin Obot se : “Ne do detyrohemi të hapim tunelet per shkarkimet e mëdha të hidrocentraleve” Ai informuar se banorët do të sistemohen ne kushtet më të mira të mundshme.
Zoti Berisha i kërkoi prefektit të qarkut të marrë në dispozicion të gjitha asetet për të përballuar gjendjen e jashtëzakonshme
Lezhe
Edhe në Lezhe situata mbetet e vështirë. Dhjetëra banesa u përmbytën dje në Ishull Shëngjin, Tale dhe Fushë-Kuqe të Lezhës. Shkak për vërshimin e ujërave të detit në zonën e Lezhës, u bë batica detare, ndërsa jane dëmtuar edhe pritat e ngritura përgjatë bregdetit për të parandaluar situata të ngjashme.
Prej tre ditësh Shëngjini është pa energji elektrike ndërkaq informohet se ka rënë niveli i ujit
    Kthehu Dėrgo Printo Home
Komento
       Shqiperia
30 Tetor 2014
OSHEE i preu dritat, bashkia ia rilidh, forca policore nė shkollėn 9-vjeēare nė Fushė-Arrėz
Forca tė shumta policore ndodhen nė ambientet e shkollės 9-vjeēare nė Fushė-Arrėz, pasi dyshohet se pas ndėrprerjes sė energjisė elektrike bashkia mund ti ketė rilidhur sėrish.
KOMENTO
       Kosova
30 Tetor 2014
OSBE: Të lejohet regjistrimi i komuniteteve fetare në Kosovë
Liderët dhe pjesëtarët e komuniteteve islame, ortodokse serbe, katolike, protestante evagjeliste dhe hebreje, në Kosovë, kanë përsëritur thirrjen e tyre për kornizë të përmirësuar juridike
KOMENTO
       Rajoni
30 Tetor 2014
Daçiç: Nuk kemi frikë për vizitën, por nga mesazhet e Ramës
Ministri i Jashtëm, Ivica Daçiç, tha se programi i vizitës së kryeministrit të Shqipërisë, Edi Rama, në Serbi më 10 nëntor është në përgatitje dhe se ende nuk është e sigurt se çfarë do të përfshijë.
KOMENTO
       Bota
30 Tetor 2014
Suedia njeh zyrtarisht shtetin palestinez
Suedia zyrtarisht e ka njohur sot shtetin palestinez, duke u bërë vendi i parë madhor evropian, që vepron në këtë mënyrë. Megjithatë, ky zhvillim nuk ishte befasues, meqë Suedia më herët kishte sinjalizuar se së shpejti do ta bënte njohjen e shtetit palestinez.

KOMENTO (3)
       Sport
30 Tetor 2014
Pellegrini i shqetësuar me formën e Cityt
Menaxher i Manchester Cityt, Manuel Pellegrini, shprehet se është i shqetësuar për dështimet e skuadrës së tij, pas disfatës 2-0 nga Newcastle që eliminoi ata nga gara e League Kup.
KOMENTO
       Kulture
30 Tetor 2014
Bashkia sjell mbrëmje filarmonie në kryeqytet
Mbrëmjen e sotme në kryeqytet pritet të mbahet koncerti i parë nën dirigjimin e francezit Jean Michel Ferran, shoqëruar nga mezzo - sopranoja Enkeleda Shkoza.
KOMENTO
       Metropol
30 Tetor 2014
Berberi që pret flokët me shpatë samurai -VIDEO
Ky parukier vietnamez është padyshim i vetmi në llojin e tij, pasi në vend të gërshërëve ai e ka më ‘për mbarë’ të përdorë katanan, shpatën tradicionale japoneze, e njohur si shpata e samurai-ve
KOMENTO
       Teknologji
30 Tetor 2014
Krijohet kapsula që zëvendëson injeksionet me shiringë -VIDEO
Shkencëtarët kanë zbuluar një kapsulë, e cila kryen të njëjtin funksionin si injeksioni me shiringë. Kapsula e mbështjellë me gjilpëra të vogla, mund të merret në formë orale dhe depërton në stomak përmes zorrëve
KOMENTO
      
 
 
  TV | News24 - Live
 
   
   
   
   
   
   
   
   
   
   
  Radio | Rash - Live
 
  toolbar  
   
   
 
SONDAZH
 
 
Nensondazh
 
   
 
 
BALKANWEB.TV
Kutia e ndihmės sė shpejtė, specialisti Alija: E domosdoshme kur ambulanca vonohet nė vendngjarje
 
 
BALKANWEB.TV
Fotoshopi, teknologjia qė kthen kėtė plakė, nė vajzė tė re
 
 
BALKANWEB.TV
Zv.kryetari i Komitetit tė Buxhetit nė Parlamentin Europian interviste per News24
 
 
BALKANWEB.TV
Moti per sot 30 tetor
 
 
BALKANWEB.TV
Qytetari denoncon nė News24: Njė vajzė vdiq se polici mė vonoi teksa e transportoja nė urgjencė
 
 
BALKANWEB.TV
Energjia, Rama takon pensionistėt dhe PAK: Do rrisim pensionet e kryefamiljarėve
 
 
BALKANWEB.TV
Mjeku qė e konsideron beben si kukull prej gome
 
 
BALKANWEB.TV
Kur gjithēka duket se mbaroi, pėrqafohuni, dashuria meriton njė mundėsi
 
 
BALKANWEB.TV
Ganaj dhe Naēo akuza KLD-sė tek ‘Ligjet’: Nuk ndėshkoi gjyqtarėt
 
 
BALKANWEB.TV
PS rezerva pėr luftėn antikorrupsion, Xhafaj: Mė shumė workshop-e se punė
 
 
BALKANWEB.TV
Vaksina falas kundėr kancerit nė qafėn e mitrės, kėrkohet mbėshtetja e parlamentit
 
 
BALKANWEB.TV
Paloka reagim pėr ftesė e Metės: Hipokrizi, kushtetuta detyruese jo sipas humorit
 
 
BALKANWEB.TV
PD, Bogdani: Urdhėrat e Ramės paralizojnė bizneset dhe familjet‏
 
 
BALKANWEB.TV
Tė pėrndjekurit: Po s'na plotėsuan kėrkesat, vetėflijim si Lirak Bejko
 
 
BALKANWEB.TV
"Energjia", Tahiri: Nisim nga sipėrmarrėsit, aksioni nė ēdo cep tė Shqipėrisė
 
 
 
 
FOTOGALERI
Edi Rama njė shėtitje vetėm nė Tiranė
 
 
FOTOGALERI
Jeniffer Loper, njė femėr seksi me bikini nė Instagram
 
 
FOTOGALERI
Kate Hudson, mė seksi se asnjėherė
 
 
FOTOGALERI
Jordana Brewster: ‘Kam bėrė seks nė verandė gjatė njė feste’
 
 
FOTOGALERI
Cyrus-Rihanna, sfida e trupave nudo nė Hollywood
 
 
FOTOGALERI
Milla Jovovich shtatzėnė, pret vajzėn e dytė nė moshėn 38-vjecare
 
 
FOTOGALERI
Brenda shkollės sė xhihadistėve tė vegjėl: Ja si trajnohen fėmijėt e ISS-it
 
 
FOTOGALERI
Holandė, droni i parė ambulancė, shpėtimi nė kohė rekord
 
 
FOTOGALERI
E dashura e Januzaj bie pre e hackerave, i publikohen fotot nudo
 
 
FOTOGALERI
Mike Tyson bėn shqiponjėn dykrenare
 
 
FOTOGALERI
Kampingu me pesė yje, tendat super luksoze nė shkretėtirė
 
 
FOTOGALERI
Romina, njė mami seksi, qė zhvishet pėr tė ndihmuar femrat e divorcuara
 
 
FOTOGALERI
Moda nė Pekin, sfilata e artistėve tė make-up
 
 
FOTOGALERI
Provokim artistėsh: Ja fytyrat pas njė puthje me buzėkuq
 
 
FOTOGALERI
Dhjetė kostume pėr Halloween, pėr ata qė pėlqejnė Internetin
 
 
FOTOGALERI
Angela Martini gėzon nė Majami
 
 
FOTOGALERI
Claudia Romani, pėr Halloween njė arbitre pa mbathje
 
 
FOTOGALERI
Kate Moss, e papėrmbajtshme nė njė feste