PRISHTINE- Liderët e koalicionit opozitar AAK-NISMA, Ramush Haradinaj dhe Fatmir Limaj, u kanë bërë thirrje deputetëve të Kuvendit të Kosovës që të mos e votojnë projektligjin për demarkacionin.
Sipas tyre, votimi do të ishte një tragjedi për vendin dhe do të shkaktonte krizë e tension.
Ata kanë thënë se qeveria po do t’ia bart këtë përgjegjësi Kuvendit, por deputetët nuk mund të fshihen më, e as nuk duhet të votojnë nëse kanë dyshime për marrëveshjen, pasi ata kanë dhënë një betim.
Edhe Lëvizja për Bashkim, që është pjesë e Qeverisë së Kosovës, përmes një deklarate për media, i ka bërë thirrje kuvendit të mos e votojë marrëveshjen për demarkacionin me Malin e Zi.
Ndërkohë, Haradinaj ka folur edhe për vizitën e paralajmëruar të zëvendëspresidentit amerikan, Joe Biden, për 17 gusht, duke thënë se qeveria do të mundohet ta shfrytëzojë atë.
Por, që sipas tij, qëndrimi i Departamentit Amerikan të Shtetit nuk është se kufiri duhet të jetë aty apo këtu, por se ju duhet të gjeni një zgjidhje.
(el.sp/BalkanWeb)