Ministri i Brendshëm i Serbisë, Nebojsha Stefanoviç i ka dërguar sot një letër Sekretarit të Përgjithshëm të Interpolit ku i ‘ankohet’ për Shqipërinë.

Stefanoviç shkruan në letrën e tij, të zbardhur nga “Kurir” se kërkesa e ministrit të Brendshëm të Shqipërisë, Saimir Tahiri për të rivlerësuar urdhër-arrestin për Ramush Haradinajn është një ndërhyrje të rëndë dhe të papranueshme për sovranitetin serb.

“Kërkesa e Ministrit Tahiri përfaqëson një ndërhyrje të rëndë dhe të papranueshëm për sovranitetin e shtetërore të Republikës së Serbisë, që është një anëtarë me të drejta të plotë i Interpolit”, ka thënë Stefanoviç.

Më tej Stefanoviç i kërkon Interpolit të mos e marrë parasysh kërkesën e palës shqiptare. “Jam thellësisht i bindur se një organizatë si, Interpoli, duhet të ruajë fokusin ligjor duke shmangur çështje me konotacion politik”, shkruan Stefanoviç, sipas agjencisë serbe Kurir.

Nga ana tjetër, Prokuroria për Krimet e Luftës në Serbi deklaroi se nuk do të heqë dorë nga çështja kundër Ramush Haradinajt. Sipas kësaj prokurorie, Haradinaj ka rrëmbyer, torturuar dhe masakruar civilë serbë në vitet ’98-’99. “Ai akuzohet drejtpërdrejt për 63 vrasje”, shkruan media serbe Kurir.

Sot gjykata franceze ka liruar me kusht ish-kryeministrin kosovar dhe kreun e AAK-së, Ramush Haradinaj. Sipas vendimit të gjykatës, Haradinaj duhet të paraqitet dy herë në javë tek autoritetet dhe të qëndrojë në territorin francez deri në vendimin përfundimtar.

Dje Ministria e Drejtësisë në Serbi i dorëzoi autoriteteve të Parisit kërkesën për ekstradimin e ish-komandantit të UÇK-së, Haradinaj.
Nebojsha Stefanoviç kurir

(m.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb