ELBASAN-Një aksident me pasojë një të vdekur ka ndodhur pasditen e sotme në qendër të qytetit të Elbasanit, në bulevardin “Aqif Pasha”.
Drejtuesi i një automjet tip “Range Rover” me targa “AA 404 PD” ka përplasur për vdekje një person që po lëvizte me biçikletë si dhe goditur 2 makina të tjera duke rrezikuar jetën edhe të disa qytetarëve të tjerë.
Sipas njoftimit të policisë, Ardian Rika 35 vjeç, banues në Elbasan, është personi i cili ka ndërruar jetë në spital si pasojë e goditjes së fortë. Drejtuesi i mjetit është shoqëruar në Komisariat për veprime të mëtejshme.
Forca policie në vendngjarje kanë nisur hetimet për zbardhjen e shkaqeve dhe motiveve të aksidentit.
Një ngjarje e ngjashme ndodhi dhe një ditë më parë në kryeqytet, kur një mjet tip “Range Rover” përplasi një kalimtar dhe u largua nga vendngjarja.
(d.d/BalkanWeb)