Nga Klodjana Haxhiaj

Prindër , mësues, nxënës e stafi pedagogjik i shkollës së mesme të përgjithshme “Aleksandër Moisiu” në Kavajë është hedhur në protestë mesditën e sotme. Shkak është bërë një status në Facebook i ish-kryeminsitrit Sali Berisha dy ditë më parë, i cili akuzonte kreun e bashkisë Kavajë si shpërndarës të drogës në këtë gjimnaz.  Drejtoresha e këtij gjimnazi, Rovena Xeka i ka quajtur shpifje të mirëfilltë postimin në Facebook të ish kryeministrit Sali Berisha, duke shtuar se do ta ndjekë në rrugë ligjore këtë shpifje të ulët të ish-kryeministrit. Xaxa u zotua se në gjimnazin e drejtuar prej saj ky fenomen nuk ekziston.

Edhe prinderit kanë dalë në mbështetje të stafit pedagogjik, duke deklaruar se janë të sigurtë për fëmijët e tyre, pasi janë nën kujdesin e një stafi pedagogjik profesionist.

Pak ditë më parë ish-kryeministri Sali Berisha, në një postim në facebook akuzoi kryebashkiakun Elvis Rroshi dhe drejtoreshën e gjimnazit se drejtonin tregtimin e lëndëve narkotike në ambjentet e gjimnazit të kavajës “Aleksandër Moisiu’.

(e.f/ BalkanWeb)