Problemet me Sandro Rosell nuk kanë të mbaruar.

Ish-presidenti i Barcelonës aktualisht po gjykohej për çështjen Neymar, por para se gjykata të jepte verdiktin e saj ai është arrestuar për një tjetër çështje. Policia spanjolle ka vënë në pranga Rosell me akuzën e pastrimit të parave dhe fshehjes së fondeve, raporton “Marca”.

Arresti i ish-numrit 1 të Barcelonës ka ardhur me kërkesë të SHBA-së e cila ka përfshirë emrin e Rosell në hetimin rreth Rikardo Teikseiras, ish-presidentit të Federatës Braziliane të Futbollit.

Të dy ishin aksionerë në kompaninë “Alianto” dhe me sa duket, kanë fshehur miliona euro duke pastruar sasi të mëdha parash. Në momentin e arrestimit akuza që iu komentua ishte ajo e “mbledhjes së komisioneve të jashtëligjshme, të siguruar nëpërmjet shitjes së të drejtës së imazhit të Kombëtares braziliane të futbollit”.
img_djuarez_20170523-094124_imagenes_lv_otras_fuentes_policia_pixelada-kZxE-U422824886560dMB-992x558@LaVanguardia-Web
Këto para, pastroheshin nëpërmjet kompanive të krijuara posaçërisht në parajsa fiskale. Rosell ishte një nëpunës i Federatës Braziliane të Futbollit para se të fillonte punë në stafin drejtues të Barcelonës, derisa u bë president i këtij klubi. Teikseira është bërë pjesë e hetimeve të SHBA rreth zyrtarëve të korruptuar të FIFA-s që arrestuan dy vite më parë në Zvicër.

(e.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb