TIRANË- Krerët më të lartë të vendit kanë shprehur ngushëllimet e tyre për ndarjen nga jeta të analistit Andrea Stefani, i cili humbi sot betejën me kancerin duke u shuar në moshën 58-vjeçare në një spital në Romë.

Por mes dhjetëra mesazheve ka ardhur edhe ai i ish-kryeministrit Sali Berisha, një prej njerëzve ndoshta më të anatemuar nga gazetari Stefani, i cili do të mbahet mend edhe për shprehjen e tij “fajin e ka Saliu”.

Berisha e pranon se i ndjeri Stefani ka qenë një kundërshtar i palëkundur i tiji, por thotë se do të lërë një boshllëk në arenën e debatit dhe publicistikës shqiptare.

“Ngushëllim!

Ndahet nga jeta gazetari, analisti dhe publicisti Andrea Stefani. Andrea ishte një avokat i vendosur i së majtës, kritik dhe kundërshtar i palëkundur i imi dhe të djathtës së vendit, që lë një boshllëk të vërtetë në arenën e debatit dhe publicistikës tonë.

Me këtë rast i shpreh familjes së të ndjerit dhe miqve të tij ngushëllimet e mia më të sinqerta!”, shkruan Berisha.

(m.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: