“Gjashtëdhjetë Lula në Parlament”. Ky është titulli i një deklarate të Partisë së Punëtorëve (PT, e majtë) të Brazilit, e cila njoftoi të mërkurën se të gjithë këto deputetë do t’i shtonin mbiemrin “Lula” mbiemrit të tyre, në formë proteste kundër lënies në burg të ish-presidentit brazilian, Luiz Inacio Lula da Silva.

Kjo iniciativë e pazakontë ngjalli një kundërsulm nga ana e deputetëve të së djathtës.
“Kërkoj që emri i parlamentarit, Paulo Pimenta të zëvendësohet nga Paulo Lula Pimenta u shpreh në këtë mënyrë lideri i PT-së në Dhomën e Ulët”, në një dokument zyrtar të konsultuar nga media.

”Kërkesa të tjera të këtij formati u dërguan në asambletë lokale, përfshirë këshillat bashkiakë”, sqaroi një zëdhënës i kësaj partie të themeluar nga Lula në vitet ’80, shkruan atsh.

“Kjo është një mënyrë për të shfaqur solidaritetin tonë”, shtoi zëdhënësi, duke theksuar se senatorja Gleisi Hoffmann, kryetarja e partisë kishte kërkuar gjithashtu që “Lula” t’i bashkëngjitej gjithashtu mbiemrit të saj.

(m.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: