Sot rreth 37 mijë nxënës zhvilluan provimin e Maturës Shtetërore në lëndën e letërsisë.
Ndërkohë që teza e provimit të maturës doli në faqen e Ministrisë së Arsimit pak orë pas mbarimit të provimit, BalkanWeb mësoi se teza kishte dalë më herët se sa lejohet, që në nisje të provimit në një nga shkollat e Tiranës.
Të njëjtën gjë e ka denoncuar edhe deputeti i Partisë Demokratike, Luçiano Boçi në faqen e tij në Facebook.
“Ky është serioziteti i Ministrisë së arsimit për maturën shtetërore! Testi i letërsise ka tre ore që ka dalë e që qarkullon. Një skandal i paprecedentë dhe një tallje gjigande me mundin, djersën, përpjekjet e sinqerta të maturantëve e familjeve të tyre. Përdhosje e dijes e meritës dhe e mësimdhënies,” shkruan Boçi.
BalkanWeb