TIRANE- Pas përplasjeve dhe replikave në distancë me ish- ministren e Arsimit, Lindita Nikolla për reformën arsimin e lartë, deputetja e LSI, Kejdi Mehmetaj ka sulmuar sërish Partinë Socialiste me në krye kryeministrin Edi Rama. Ky i fundit e cilësoi sot marrëdhënien me aleatin në qeveri, LSI-në, si një histori pengmarrjeje.
Përmes një statusi në rrjetin social Facebook, nënkryetarja e LSI, Mehmetaj shprehet se Rama nuk është peng i LSI-së, por i oligarkisë dhe kërkon të marrë peng gjithë Shqipërinë.
“Edi Rama nuk është peng i LSI-së, por i oligarkisë. E pasi mori peng Lulin në natën e të dyve, kërkon të marrë peng gjithë Shqipërinë”- shkruan Mehmetaj.
(d.d/BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
