TIRANE- Gazetari investigativ i News 24, Artan Hoxha menjëherë pas grabitjes së 100 mijë eurove në Qafë-Kashar, ku pesë persona me dy makinë pasi i përplasën, grabitën nën kërcënimin e armëve blindat që transportonin paratë drejt Rinasit, ngre dyshime se autorët mund të jenë të njëjtët, si në rastin e grabitjes së dhjetorit 2015, ashtu edhe në atë të qershorit 2016, brenda pistës së aeroportit.

“Si është e mundur që bankat e nivelit të dytë që janë bërë pre e grabitjes disa herë nuk marrin masa? Duket se grabitësit e dinë mirë linjën me të cilën lëvizin paratë, itinerarin dhe eskortën që i shoqëron ato. Edhe pas tre grabitjeve nuk është ndryshuar as eskorta, as mënyra e sigurisë, ndonëse vazhdimisht policia e shtetit ka kërkuar ta ndryshojmë. Përgjegjësi kanë vetë bankat që kanë lejuar të bëhen pre e grabitjeve”,- thotë Hoxha.

Sipas tij, grupet e policisë janë ende duke hetuar për ngjarjen, po sekuestrojnë provat dhe po mundohen të fiksojnë gjurmë gishtash dhe elementë të tjerë, ndërsa postblloqe të shumta janë ngritur në disa qytete.
(ma.ar/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: