ITALI- Mediat italiane raportojnë detaje të reja nga vrasja e ndodhur mesditën e sotme kur një shqiptar ka vrarë me thikë ish-bashkëshorten e tij rumune.
Sipas “Torino Today”, Elena Seprodi, 48 vjeç është vrarë për çështje ekonomike dhe për xhelozi në banesën e saj në Casale Monferrato, pas një sherri me ish-bashkëshortin e saj shqiptar, Kujtim Hasanaj 49-vjeç.
Ky i fundit është arrestuar tashmë dhe është marrë në pyetje. Policia thotë se ndonëse ishin të divorcuar ishte një fëmijë ai që i mbante të lidhur. Të paktën kështu ka deklaruar shqiptari.
E pikërisht çështje që kanë të bëjnë me paratë dhe një tradhëti e së shkuarës është bërë shkak për këtë konflikt që përfundoi sot në tragjedi.
Në momentin që policia ka mbërritur e ka gjetur burrin ende me thikën e kuzhinës në dorë, brenda apartamentit ku e kishte qëlluar.
(m.a/BalkanWeb)