Donald Trump nënshkroi një kontratë formale me zgjedhësit e tij, ku rendiste masat politike që do të ndërmerrte si president i SHBA-ve.
Manjati premtoi se për të rindezur ekonominë, duhet të ridiskutoheshin traktatet ndërkombëtare. Në axhendë edhe emigracioni dhe terrorizmi.
Çdokush mund ta printonte dokumentin nga faqja zyrtare e milionerit, ta nënshkruante dhe ta përcaktonte si një angazhim me manjatin e pasurive. Trump vuri të zezë mbi të bardhë lëvizjet e tij të para si president: shumë prej tyre ishin të fokusuara në uljen e taksave dhe eliminimin e emigracionit dhe korrupsionit në vend.
Një manifestim i vërtetë që zyrtarisht impenjon manjatin të ndjekë angazhimet e marra para elektoratit të tij.
Ideja e një angazhimi të tillë formal me amerikanët lindi pas një tubimi fushate në Gettysburg më 22 tetor. Në atë rast, manjati i kërkoi “popullit amerikan të qëndronte mbi zhurmën dhe rrëmujën politikës sonë të korruptuar dhe të përqafonte besimin dhe optimizmin e madh që kanë qenë gjithmonë përbërësi kryesor i karakterit amerikan.”
Trump premtoi që në 100 ditët e tij të para do të ishte shumë i zënë duke respektuar të gjitha premtimet e bëra dhe që kontrata do të gjykohet jo vetëm si e tillë por në kontrast me atë të ofruar nga pala tjetër. Presidenti i ri përfundoi fjalimin e tij me një kërkesë të vetme: “Ju kërkoj të ëndërroni.”
[embeddoc url=”https://www.balkanweb.com/site/wp-content/uploads/2016/11/kontrata-e-Trump.pdf”]
(m.k/BalkanWeb)
