Alban Hoxha e ka dorëzuar zyrtarisht dje shiritin e kapitenit dhe tani këtë detyrë pritet ta ushtrojë Idriz Batha. Në ndeshjen ndaj Laçit, në mungesë të Hoxhës dhe Bathës në fushë, shiritin e kapitenit e mbajti Labinot Ibrahimi dhe zv.kapiten ishte Xhevahir Sukaj.

Në ndeshjen e Kupës ndaj Naftëtarit, Batha ishte kapiten i “demave” dhe shiriti pritet të qëndrojë në krahun e tij, sa herë që ai të zbresë në fushë si titullar, shkruan Panorama Sport.