Menu Krye Të Fundit | Shqipëria |

“Erdogani tani është me ne, u prish me Kosovën dhe Shqipërinë”, në Serbi vazhdojnë ‘servilizmat’ ndaj presidentit turk

a-98

Turqia e Recep Tayyip Erdogan partner kryesor të saj në Ballkan llogariste shqiptarët, Kosovën dhe Shqipërinë, por me vizitën e fundit të presidentit turk në Beograd, duket se ky raport ka ndryshuar. Këtë e thotë ministri serb i Tregtisë, Rasim Lajic.

Erdogan këtë javë zhvilloi një vizitë në Serbi, ku me vete kishte 180 biznesmenë, dhe atje u nënshkruan shumë marrëveshje bashkëpunimi, duke përfshirë edhe të fushës ekonomike.

Ministri Lajic në një bisedë për mediat serbe ka folur për këto raporte, dhe ai thotë se marrëdhëniet e Turqisë me Kosovën dhe Shqipërinë nuk janë më sikur disa vite më parë.

“Marrëdhëniet e Turqisë me Kosovën dhe Shqipërinë nuk janë ajo që ishin disa vjet më parë. Kjo situatë ndryshoi në mënyrë dramatike nga përpjekja e grusht-shtetit”, ka thënë Lajic për Radio Vojvodinën.

Ljajic tha se Vucic në atë rast “bëri një gjë të madhe”, sepse “një nga të parë foli publikisht në lidhje me grusht-shtetin duke i dhënë mbështetje Erdoganit.

“Nga ana tjetër, në Shqipëri dhe në Kosovë ka një strukturë të ndjekësve Fetulah Gylen (të cilin Turqia e akuzon si organizator të tentim grusht-shtet), të cilët janë në pozita të rëndësishme … Disa nga ndjekësit janë në pozita të rëndësishme në Kosovë dhe Shqipëri. Unë nuk e di se sa e saktë është kjo, unë thjesht transmetoj atë që dëgjoj, atë që turqit po e transmetojnë. Dhe, edhe pas shumë kërkesave të dërguara në Tiranë dhe Prishtinë për këta ndjekës të Gylenit, asgjë nuk është ndërmarrë. Ka një ftohje në këto marrëdhënie”, ka thënë Lajic.

(i.ç/BalkanWeb)


Komente ( 2 )

  • o tixhe ke 27 vjet qe ben stiptisten te BE-ja dhe bakshishin e kercimit e merr me interes….kercen kot me pak fjale………ai me 1 kercim 180 biznesmene takoi…….bla bla bla

  • E morem vesh qe nje nga marveshjet ishte qe ju komplet si qeveri i kercenit perpara presidentit tahip sikur sulltanit ne harem. Çingija me e gjate ishte vuçiç por mos harroni edi ramen heren tjeter se i kercen mire ai sulltanit.

KOMENTO

*E-mail nuk do te publikohet.
Komenti juaj do publikohet brënda 3 orëve , nëse përdorni fjalor ofendues , komenti nuk do të publikohet nga moderatori .