TIRANE– Ish- kryeministri Fatos Nano ka folur në një intervistë për Blendi Fevziun me rastin e 20 vjetorit të emisionit ‘Opinion’, ku ka treguar për jetën e tij.
Pas fjalëve të Fevziut për ‘herët e para’ të karrierës së tij politike, Fatos Nano rrëfeu se si është të ndihesh vetëm, ndërsa tregoi edhe një histori të kohës së partizanëve.
“Është e vështirë të jesh i pari. Kur fshatarët partizane dilnin në mal, nënat atëherë i porosisnin: Bir në krye mos dil se do hash ndonjë plumb, por as i fundit mos rri, se të kapin rob”, tregoi duke qeshur Fatos Nano.
Ai foli pak për klimën konfliktuale në kohën kur ishte aktiv në politikë dhe më shumë për ndjesinë e të qenit i harruar nga njerëzit.
“I pari ngelet vetëm”, u shpreh ish kryeministri, duke shtuar se, “njerëzit mirënjohës janë specie e rrallë”.
(BalkanWeb)
