TIRANË- Kjo e hënë ka nisur vrullshëm në Kuvend, aty ku janë konstituuar komisionet e Kuvendit të legjislaturës së re.
Komisioni i Politikës së Jashtme i është besuar ish-ministres së Mbrojtjes, Mimi Kodheli e cila është fotografuar sot në korridoret e Kuvendit teksa bisedon me kolegët e Partisë Demokratike.
Bisedat mes tyre ndoshta shënjojnë një fillim të mbarë të punës që do të pasohet nga bashkëpunimi i frytshëm në të ardhmen.
Siç shihet edhe në fotot e siguruara për BalkanWeb nga gazetarja Marsela Karapanço, zonja Kodheli është parë e buzëqeshur dhe tejet optimiste.
Me të nisur puna, Kodheli ka përmendur edhe emrat e deputetëve të larguar nga komisioni i Jashtëm si Selami e Topalli, të cilët sipas saj, kanë ngritur një punë të mirë për këtë komision.
“Fryma e bashkëpunimit e ngritur në këtë komision shpresoj të vijojë”,- ka thënë ajo.
(m.a/BalkanWeb)
