Tifozët e Leicester nuk do ta harrojnë kurrë dhe do ta mbajnë tërë kohën në zemër trajnerin italian, Claudio Ranieri. Italiani u shkarkua nga posti i trajnerit javën e kaluar, pas rezultateve të dobëta në Premier League dhe humbjen në Champions League ndaj Sevilla. Megjithatë, vendimi i drejtuesve të kampionit aktual në Premier League nuk i ka pëlqyer aspak tifozëve të cilët e kanë quajtur këtë gjest si “vdekje e futbollit”.

Por, në ndeshjen ndaj Liverpool të cilën Leicester e fitoi me rezultatin 3-1,  tifozët kanë përgatitur parulla të ndryshme për ta falënderuar njeriun i cili i solli titullin e parë në historinë e klubit.

(I.Ç/BalkanWeb)