Salar de Uyuni nuk është vetëm rrafshina më e madhe e kripës në botë, por ajo është njëherësh edhe pasqyra më e madhe dhe më e saktë në botë. Salar de Uyuni në Bolivi është një nga peizazhet e rralla në Tokë ku ndjeheni sikur jeni në një pjesë krejt tjetër të universit.

Për shkak të madhësisë dhe nivelit të litiumit, kur bie shi, e gjithë rrafshina shndërrohet një pasqyrë gjigante, e cila e reflekton qiellin, me një ndryshim me një përqindje shumë të vogël.

Kjo rrafshinë  e vjetër rreth 40.000 vjet, në të cilën dikur ishte liqeni Minchin, zë një sipërfaqe prej  12.000 kilometra katrorë.

Me kalimin e kohës, ky liqen është tharë, ndonëse në afërsi kanë mbetur ende dy liqene:  Uru Uru dhe Poopó. Sipas disa supozimeve, në këtë rrafshinë ka rreth 10 miliardë ton kripë, prej të cilave çdo vit njerëzit marrin rreth 25.000 ton.