Menu Krye Të Fundit | Shqipëria |

Gara në PD, Basha: Ju tregoj tre kauzat që u vërtetuan më 25 qershor

basha berat

Lulzim Basha bashkëbisedoi me demokratët e Beratit, Kuçovës, Policanit ku u ndal në analizën e asaj çfarë ndodhi me 25 qershor, ku përballë ishin PD me vlerat e programin e saj dhe nga ana tjetër, krimi, droga, makineria shtetëtore dhe shitblerja masive e votës. Basha tha se beteja për vlerat ku aspirojmë të shkojmë duhet të vazhdojë deri në fund, dhe PD është e vetmja që mund ta bëjë e ta shpëtojë vendin.

“Bashkë luftuam betejën për dekriminalizimin, luftën kundër drogës, luftën për zgjedhje të lira e të ndershme. Tre kauza që 25 qershori i vërtetoi katërcipërisht se nuk janë vetëm kauza të drejta por kauzat më të rëndësishme për Shqipërinë dhe për shqiptarët sot. Edi Rama, e dinë fare mirë shqiptarët dhe me 18 maj e dinte edhe bota, ai jo vetëm nuk mund të garantojë zgjedhje të lira e të ndershme, por siç vërtetoi 25 qershori është strumbullari i varrmihjes së demokracisë në Shqipëri. Sepse ka ndërtuar një sistem politik klientelist, korruptiv dhe kriminal me një qëllim asgjësimin e vullnetit të lirë të qytetarëve shqiptarë. Në njërën anë të peshores shteti, institucionet, administrata, policia, milionat e tenderave të koncesioneve të korruptuar, bandat, paratë e drogës, në anën tjetër të peshores Partia Demokratike e cila nuk përdori asnjëherë presionin dhe shantazhin ndaj votuesit. Ne, nuk lidhëm dhe as nuk do të lidhim pakt me krimin për të ardhur në pushtet. Ne, nuk u përfshimë në lojën e ndyrë të shit-blerjes së indentitetit të qytetarëve, të dinjitetit të tyre me shukun e pisët të korrupsionit dhe drogës”, tha Basha.

Lulzim Basha tha se projekti i tij synon fuqizimin e qytetarit, të anëtarit të thjeshtë të PD, që të ketë në dorë vendimet e rëndësishme.

“Sot ndodhem për herë të dytë para jush në një garë statutore me një anëtar-një vote, për kryetarin e Partisë Demokratike. Në cadrën e lirisë iu folëm qytetarëve për Republikën e Re, si një realitet i ri, një raport i ri midis pushtetit dhe qytetarit; i përkthyer në disa forma, në sistem të ri elektoral me deputetë të ardhur drejtpërdrejtë dhe pa filtra partiakë nga populli, si një balancë e re kushtetuese midis degëve të ndryshme të pushtetit; Parlamentit, Kryeministrit, Presidentit, gjykatave. Por po kështu, iu thamë shqiptarëve se ky është një raport që duhet të fillojë brenda familjes tonë. Ashtu siç e thashë kur dorëzova listën për deputetë, se kjo duhet të jetë hera e fundit që kryetari i PD, në bindjen time do të dorëzojë një listë të tillë. Se tashmë, për të gjithë vendimmarrjet e rëndësishme ne duhet të aplikojmë parimin më demokratik për të kaluar në një sistem një anëtar-një vote, për përzgjedhjen e çdokujt që do të mbajë peshën e përfaqësimit të demokratëve dhe Partisë Demokratike”, theksoi Basha.

Vetëm PD, ka moralin dhe vlerat për ta shpëtuar vendin, tha Basha, dhe ai është gati ta bëjë këtë betejë deri në fund.

“Vij t’ju kërkoj të vazhdoj këtë betejë me ju, për demokratët e Shqipërisë dhe gjithë shqiptarët e ndershëm që janë gati të na bashkohen në një luftë, jo për kolltuqe dhe privilegje, por për ndryshim. Bejetë, që ka dhe mund të ketë vetëm një përfundim, siç na mëson historia e vendit tonë dhe historia e civilizimit tonë, e ky përfundim do të jetë fitorja e vlerave të cilat sot e kanë shtëpinë vetëm në një forcë politike dhe në zemrat e anëtarëve të vetëm të një shtëpie politike, që janë demokratët shqiptarë dhe Partia Demokratike e Shqipërisë”, deklaroi Lulzim Basha.

(el.sp/BalkanWeb)


Komente ( 6 )

  • Hajna te pd kudo jini bashkohuni…

  • Per cfar kauze flet ti o pler ti qe na more be qaf,EDI rama I shtyu zjedhjet ne kavaj se nuk pati rrug tjeter kur ti kishe nje kauz,edhe zjedhjet e pergjithshme ai doti shtynte deri ne plotesimin e te gjitha kushteve te vena nga opozita port ti per te eleminuar kundershtaret ne parti vajte bere pazar mete,port ta dish qe zoti dota mar hakun ton per tradhtin qe na bere

  • O bashe- askend nuk mundet te bidish per diafaten tende.
    Morali i nje njeriu eshte : te marre pergjegjesite qe ti nga qe je hu’ gardhi dhe nuk kupton do te thote largohu nga Partia Demokratike( jep doreheqjen perfundimtare pa te drejte kanditimi).
    Por ti fundrine, i pa ftyre, hajdut e kriminel, tradhtare e genjeshtare dhe nuk te ben pershtypje asgje……Ke gjetur budallenj e luan dhe une te uroj : do zoti behesh Kryetar i PD-se perseri se sa te kesh injorante e dele ti do perfitosh.tung.

  • More ,po ky akoma i duket sikur ka peerballe Edin e jo Selamin. Ta permendi ndonje se ai iku ,lajthiti fare.

  • Paret e droges te sjellin ne pushtet, nese nuk e kuptuar kete gje Rama e ka kuptuar tamam ndaj eshte aty ku eshte, rri ne opozite e qaju hallet shqiptarve.

  • O Lulush, ah mjeran i shkrete. Ta zhyti ai i gjati dhe kerkon tjua lesh dobiçin ne dere Demokrateve! Ik e hap krahun se boll e ke ndihmuar Edi Ramen, jepi nji shans te dyte demokrateve dhe PD-se! Boll u struke nen hijen e Eterve, Eterit e tu siç paten nje fillim ashtu do te kene edhe nje fund!! Te sugjeroj doreheqjen tani sa je ne kohe akoma, me vone do te jete shum vone!!

KOMENTO

*E-mail nuk do te publikohet.
Komenti juaj do publikohet brënda 3 orëve , nëse përdorni fjalor ofendues , komenti nuk do të publikohet nga moderatori .


Copy Protected by Chetan's WP-Copyprotect.