Menu Krye Të Fundit | Shqipëria |

Haradinaj uron Metën: Kam besim në rolin tuaj për modernizimin e shtetit shqiptar

20294204_608556065935478_6123076645913858085_n

TIRANE– Kreu i Alenacës për Ardhmërinë e Kosovës, Ramush Haradinaj ka uruar Ilir Metën për marrjen e detyrës së re si president i Republikës së Shqipërisë. Përmes një statusi në ‘Facebook’ Hardianaj shpreh konsideratën dhe besimin se Meta do luajë rol të rëndësishëm në modernizimin e shtetit shqiptar.

Statusi i Ramush Haradinajt:
I nderuar z President, Ilir Meta,
Ju uroj përzemërsisht marrjen e detyrës së Presidentit të Republikës së Shqipërisë!
Më lejoni tu shpreh konsideratën time më të lartë, dhe besimin se Ju do të luani rol të rëndësishëm në modernizimin e shtetit shqiptar, si dhe në forcimin e marrëdhënieve vëllazërore ndërmjet Republikës së Shqipërisë dhe Republikës së Kosovës. Poashtu llogaris në ndihmën tuaj të pakursyer për shtetin e ri të Kosovës.
Njëkohësisht shpreh gatishmërinë time për një bashkëpunim të ngusht në shërbim të interesit të përbashkët kombëtar.
Ju priftë e mbara!
RH

(d.d/BalkanWeb)


Komente ( 1 )

KOMENTO

*E-mail nuk do te publikohet.
Komenti juaj do publikohet brënda 3 orëve , nëse përdorni fjalor ofendues , komenti nuk do të publikohet nga moderatori .


Copy Protected by Chetan's WP-Copyprotect.