Dashi
Planetët këshillojnë një dozë shtesë përmbajtjeje, në mënyrë që të mbani për vete disa sekrete. T’u hapeni të tjerëve gjithandej, nuk do të ishte gjë e zgjuar. Mund të konstatoni se besimi që keni te disa persona të njohur së fundmi ka rezultuar i gabuar.
Demi
Grindjet dhe sherret mund të jenë gjëra që priten, por ju me urtësi do t’i mënjanoni shoqërimet me persona që ju shkaktojnë tension dhe stres. Përfitoni nga përvoja për të mos bërë të njëjtat gabime si në të kaluarën.
Binjakët
Forca e vullnetit për të luftuar kundër mullinjve të erës është duke u shpërdoruar. Prandaj, më mirë të ndaleni dhe të shikoni se çfarë bëhet përreth përpara se të vazhdoni. Nga njëra anë ndiheni të përjashtuar e kështu doni të çliroheni, nga ana tjetër keni dëshirë t’ia mbathni me të katra.
Gaforrja
Jupiteri vazhdon t’ju mbështesë, duke ju sjellë entuziazëm dhe duke favorizuar perspektiva pozitive. Do të përjetoni momente emocionuese me partnerin tuaj. Është mirë t’u jepni rëndësi anëve praktike të jetës së përditshme dhe rezultateve konkrete.
Luani
Ta jetosh jetën në mënyrë konkrete nuk do të thotë të mos kesh ëndrra në sirtar për t’i nxjerrë pikërisht në momentin e duhur! Mos i merrni shumë seriozisht disa fjalë që ju janë thënë në një moment acarimi. Jini më lart se kaq.
Virgjëresha
Mërkuri dhe Venusi në anën tuaj do t’ju ndihmojnë, duke garantuar rezultate shumë premtuese në punë dhe përvoja të bukura në jetën private. Nëse nuk jeni në një lidhje, përgatituni për takime intriguese: planeti i dashurisë po thur plane për ju.
Peshorja
Keni pak lodhje, së cilës duhet t’i kundërpërgjigjeni me ushqimin e duhur, të pasur në energji dhe të shëndetshëm, si mjalti dhe çokollatat. Do të rigjeni entuziazmin e humbur, duke menduar për një detyrë të rëndësishme që me shumë mundësi do t’ju besohet juve.
Akrepi
Mundësi për zhvendosje edhe të shkurtra nuk do t’ju vënë përpara vështirësive, por do t’i japin ngjyra aventurash të reja gjithçkaje që do të realizoni. Nuk duhet të bëni gjë tjetër veçse të ndiqni rrymën, duke mos u kthyer mbrapsht për asnjë arsye.
Shigjetari
Vazhdon të ndihet ndikimi i Saturnit, që krijon kërcënime të vogla duke frenuar dhe penguar herë pas here planet tuaja. Nëse ndiheni të lodhur dhe të bezdisur, kërkoni shoqërinë e një miku dhe mendimet e zymta do zhduken shpejt.
Bricjapi
Do të keni ngadalësim të aktiviteteve që i keni për zemër, për shkak të problemeve dhe pengesave të bezdisshme. Mos u dekurajoni, pasi do kalojë shpejt. Marsi vazhdon të jetë armiqësor ndaj jush. Kujdesuni për shëndetin dhe jini më të kujdesshëm se zakonisht.
Ujori
Në punën tuaj çdo gjë do shkojë mirë dhe do keni mundësinë të tregoni aftësitë tuaja. Do të ndërmerrni një hap vendimtar për të zgjidhur një problem. Do të merrni një ndihmë të vazhdueshme, si shpirtërore, ashtu edhe ekonomike, nga personat që ju duan të mirën.
Peshqit
Hëna është në harmoni me Marsin, Mërkurin, Uranin dhe Jupiterin. Priten surpriza të këndshme në punë. Ata që deri dje ju kundërshtonin, nga sot do t’ju mbështesin. Në dashuri mos u frikësoni nga përballjet sfiduese: nga disa probleme të brendshme do të dilni fitimtar.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb