Dashi
Po punoni shumë që gjërat të marrin rrjedhën e duhur, por është e vështirë që të arrini perfeksionin. Gjithsesi ndonjëherë na bëjnë mirë dhe dështimet, pasi na bëjnë më këmbëngulës për të arritur atë që duam. Qëndroni optimist dhe shihni më lart seç keni arritur. Edhe nëse rrëzoheni, keni shumë kohë para për t’u ngritur.
Demi
Sot do keni një okazion të cilin nuk doni t’ju ikë. Shihni rrotull jush dhe mos lejoni që të tjerët të tregohen më të shkathët se ju dhe t’jua marrin këtë mundësi të artë. Kohët e fundit nuk keni qenë shumë me fat, tani është momenti juaj, prandaj mos u mendoni dy herë, veproni shpejt se do keni sukses të garantuar.
Binjakët
Do ndiheni energjikë dhe të vendosur sot, do përballeni me çdo situatë për të përmirësuar jetën tuaj. Duhet patjetër ndërhyrja juaj, që partneri të reagojë dhe ta kuptojë se, që të jesh i lumtur duhet më shumë përkushtim.
Gaforrja
Nëse fjalët e dikujt të thëna mbrapa krahëve ju kanë prekur, mos u shqetësoni. Nuk keni pse t’i kushtoni rëndësi gjykimit që ju bëjnë njerëzit pa ju njohur. Mos u përballni me ta, por vazhdoni të qetë jetën tuaj, jeni të zotë t’ia dilni pa ndihmën e askujt.
Luani
Dita e sotme do të nisë me një të re në aspektin profesional. E keni dashur prej kohësh këtë mundësi, por nuk keni pasur besim te vetja. Tanimë i keni të gjitha mundësitë për t’ia dalë mbanë. Shijojeni suksesin tuaj.
Virgjëresha
Sa herë që merrni një vendim apo përgjegjësi, çuditërisht në mbrëmje ndryshoni mendim. Vetë karakteri juaj është i ndërtuar kështu, i pavendosur. Por sigurisht që, për sa u përket vendimeve të rëndësishme në jetë, duhet të ndryshoni, pasi është në të mirën tuaj.
Peshorja
Dita do jetë e ngarkuar, por këto kohë jeni mësuar të vraponi sa andej-këtej, prandaj nuk keni pse të trembeni. Pasdite do ndiheni të lodhur. Miqtë do ju ftojnë të darkoni jashtë, por mendimi juaj i vetëm mban emrin “krevat”.
Akrepi
Dita do të nisë me një lajm të ri, por ju jeni tip që nuk ju pëlqejnë surprizat. Ndaj do preferoni të vazhdoni ditën pa e ditur se për çfarë bëhet fjalë. Këshilla ime për ju është të jeni në dijeni për gjithçka, pasi vetëm kështu mund t’iu bëni ballë situatave.
Shigjetari
Çdoherë që ndiheni se ia keni dalë, pengesa të vogla ju fusin në mendime, ju duket sikur dikush ju përndjek dhe prish të gjitha planet tuaja. Prandaj ditën e sotme jini vigjilentë! Vetëm kështu do kuptoni se kush jua do të mirën dhe kush jo.
Bricjapi
Çështjet tuaja të zemrës nuk u interesojnë të gjithë njerëzve që ju rrethojnë, prandaj qëndroni më të rezervuar për sa i përket jetës private, pasi duke qenë të hapur po bezdisni njerëzit rrotull jush. Zgjidhjen do ta gjeni veç te vetja.
Ujori
Dita e sotme do fillojë në mënyrën më të mirë të mundshme, prandaj ju takon juve ta shfrytëzoni në avantazhin tuaj. Do ju jepet një okazion i artë, por sërish duhen përpjekja dhe këmbëngulja juaj që ta fitoni, pasi kandidatët janë të shumtë.
Peshqit
Keni pasur kohë të mjaftueshme t’i vëzhgoni njerëzit që ju rrethojnë, prandaj jeni të denjë të përcaktoni se cilat janë qëllimet e tyre kundrejt jush. Është momenti i duhur të mbani qëndrim ndaj atyre që, dashur pa dashur, ju kanë bërë keq.