Dashi
Ditë mjaft premtuese kjo e sotmja për ata që janë në një lidhje. Do kaloni momente mjaft interesante pranë partnerit dhe do ndiheni më mirë. Beqarët do vazhdojnë të mbeten vetëm edhe gjatë kësaj dite. Fati nuk do jetë në anën e tyre. Në planin financiar, gjërat nuk do ju ecin siç e kishit ëndërruar.
Demi
Ata që janë në një lidhje do mendojnë për aventura sot dhe ka rrezik të kenë probleme me atë që kanë në krah. Asgjë nuk ka për të ecur mirë. Beqarët do kenë dashuri me shikim të parë gjatë gjithë kësaj dite dhe do përjetojnë ndjesi të veçanta. Në planin financiar duhet të ndërmerrni iniciativa dhe ta ndryshoni sa më parë gjendjen në të cilën ndodheni.
Binjakët
Bashkëpunimi në çift do jetë shumë i fortë gjatë kësaj dite, prandaj edhe marrëdhënia do mbetet e ngrohtë. Beqaret do kërkojnë gjatë gjithë kohës princin e tyre të kaltër, por do të jenë pa shumë fat. Duhet të presin edhe pak kohë. Situata financiare do vazhdojë të mbetet e paqëndrueshme dhe herë pas here mjaft delikate.
Gaforrja
Dielli do e ngrohë tej mase jetën tuaj në çift gjatë gjithë kësaj dite. Do i sqaroni të gjitha mosmarrëveshjet dhe do jeni më tolerantë. Beqarët do jenë të pavëmendshëm dhe nuk do përfitojnë nga ftesat që do u bëhen. Për buxhetin do jetë një ditë e begatë. Do hiqni edhe disa para mënjanë dhe gjendja do vijë dalëngadalë duke u përmirësuar.
Luani
Ditë shumë e vështirë kjo e sotmja për ata që janë në një lidhje. Mos u nxitoni për asgjë, sepse situata do ju dalë jashtë kontrollit. Beqarët do jenë shumë të vëmendshëm dhe do përfitojnë nga të gjitha mundësitë që do u jepen. Buxheti do fillojë të ketë disa ndryshime pozitive. Do merrni një trashëgimi, ose një shpërblim të majmë nga puna.
Virgjëresha
Nuk do ndiheni aspak të kënaqur nga partneri juaj gjatë kësaj dite dhe ka rrezik që të keni edhe debate të forta me të. Në fakt, mirë është të mos kërkoni më shumë nga sa jepni. Beqarët do jenë të qartë për atë që duhet të bëjnë dhe nuk do neglizhojnë asnjë lloj mundësie që do u jepet. Në planin financiar do jeni impulsivë dhe do bëni gabime të pafalshme. Kujdes!
Peshorja
Asgjë nuk ka për të ecur ashtu si e keni menduar në lidhjen tuaj, sepse persona të shumtë do ndërhyjnë dhe do e nxitin partnerin të dyshojë për gjithçka. Ai edhe mund t’ju kontrollojë. Beqarët do ndihmohen nga Saturni dhe ka gjasa të tërheqin pas vetes një person të shenjës së Ujorit.
Akrepi
Sot është një ditë e favorshme për ata që janë në një lidhje. Do jeni mjaft skeptikë dhe aspak të bindur se partneri ju dashuron aq sa duhet. Beqarët do ndihen mirë pranë miqve dhe as që do mendojnë të kërkojnë dikë për të pasur në krah. Çdo gjë do ia lënë kohës. Në planin financiar, fati do jetë në anën tuaj.
Shigjetari
Më në fund do marrin fund mosmarrëveshjet në jetën tuaj në çift dhe do mund ta shohin të ardhmen me optimizëm. Do ndiheni të qetë dhe do buzëqeshni gjatë gjithë kohës. Beqarët do realizojnë takime të shumta, megjithatë nuk duhet t’iu besojnë të gjithë personave. Gjendja financiare do mbetet me delikate se kurrë më parë.
Bricjapi
Do jeni shumë bujarë me partnerin tuaj dhe do ia plotësoni të gjitha dëshirat. Do ketë shumë momente të lumtura sot. Beqarët do jenë shumë të pavëmendshëm dhe do neglizhojnë disa mundësi të mira që do u jepen për takime. Në planin financiar do dini si të veproni dhe gjendja do mbetet e mirë.
Ujori
Pritet një ditë intensive dhe e mbushur me emocione sot. Çdo moment do jetë i veçantë dhe do ndiheni si mbi re në krahët e partnerit tuaj. Do e adhuroni qetësinë dhe delikatesën e tij. Beqarët do u përkushtohen pa masë miqve dhe familjes dhe nuk do kenë kohë të mendojnë për dashurinë. Gjendja e të ardhurave do mbetet e dobët.
Peshqit
Sot do bien të gjitha tabutë që keni pasur në jetën tuaj sentimentale dhe shumë gjëra do ndryshojnë rrënjësisht. Beqarët do jenë gati të bëjnë çfarëdo lloj çmendurie me dikë, vetëm që të përjetojnë emocione. Mundësitë do jenë vetëm për aventura kalimtare, asgjë më shumë se aq. Gjendja e financave do vazhdojë të mbetet e qëndrueshme.