Dashi
Do përkujdeseni gjatë gjithë kohës sot për familjarët tuaj dhe ambientin ku jetoni. Do ndiheni të bekuar nga prezenca e tyre dhe do merrni vendime të rëndësishme si kurrë më parë. Në aspektin profesional do punoni më fort se zakonisht, do keni mjaft ngarkesë. Në planin financiar, ndikimi i yjeve do jetë negativ. Nuk do arrini dot të kryeni asnjë lloj shpenzimi.

Demi
Rutina do e pushtojë jetën tuaj gjatë kësaj dite dhe shpeshherë do ndiheni si të burgosur. Duhet të shtoni sa më shpejt dozat e imagjinatës që të mos vuani më vonë. Në planin financiar do keni shumë sukses dhe do arrini t’i shlyeni edhe disa borxhe të vjetra.

Binjakët
Energjia do ju pushtojë sot gjatë gjithë ditës ju që jeni në një lidhje. Do mendoni çdo moment ta surprizoni partnerin dhe ta bëni atë të dashurohet sërish me ju. Do lini pas zënkat apo problemet e vogla që keni pasur dhe do nisni diçka të re dhe të bukur së bashku.

Gaforrja
Të gjitha ambiciet tuaja në këtë kohë mund të jenë të pakëndshme për njerëzit që ju duan dhe të cilët do të donin t’ju shihnin më të fokusuar në diçka më tepër sesa për veten dhe për çështje materiale. Duhet të ndani me të tjerët më shumë kohë dhe të mos jeni shumë individualist.

Luani
T’i lësh të tjerët të grinden dhe ti të jesh spektator, nuk është ndonjë skenë e bukur për t’u parë, ndaj do ishte më mirë të ndërhynit. Sidomos nëse bëhet fjalë për çështje familjare, nuk është e drejtë që dikush të lëndohet dhe ju të rrini të qetë pa bërë asgjë.

Virgjëresha
Gjithmonë jeni shumë të interesuar për atë çka ju rrethon, mbase më tepër se ç’duhet, prandaj nuk arrini dot të merrni vendime për çka të tjerët presin nga ju, por i lini në pritje. Kjo është pikërisht ajo që duhet ta ndryshoni. Nuk duhet të lejoni që kurioziteti për atë çka bëjnë të tjerët të ndikojë në planet tuaja.

Peshorja
Dialogu do mbizotërojë gjithë kohës sot në jetën tuaj profesionale dhe do i zgjidhni edhe disa probleme të vogla që keni pasur. Do ndiheni më të qetë në mbrëmje. Financat nuk do jenë të këqija, megjithatë, po shpenzuat shuma marramendëse situata do ju dalë jashtë kontrollit.

Akrepi
Paratë duket se do shpenzohen shumë prej jush. Ndoshta një mik do ju kërkojë një hua. Në qoftë se vendosni ta ndihmoni, duhet të filloni ta mendoni që prej fillimit se ndoshta nuk do ju kthehet borxhi. Edhe pse miku juaj mund të ketë qëllim shumë të mirë që t’jua kthejë paratë mbrapsht, situatat do vijnë të tilla që nuk do mundet t’jua kthejë huanë.

Shigjetari
Disa ndryshime të papritura mund të ndodhin sot. Mund ta gjeni veten përballë disa situatave për t’u vënë në provë për përdorimin e disa pajisjeve të reja që nuk i keni përdorur më parë. Mos u frikësoni, pasi mjafton përqendrimi dhe keni për t’ia dalë.

Bricjapi
Duhet t’i lini pretendimet në ditën e sotme, në të kundërt do humbisni një kontratë shumë të rëndësishme për ju, ose përdorni sharmin tuaj për të bindur të tjerët se ajo që ju sugjeroni është e duhura. Do ju jepen shumë mundësi; me qetësi zgjidhni të duhurën. Mbani mend se e tashmja ka rëndësi për ju, pasi nuk dihet se çfarë do ndodhë në të ardhmen.

Ujori
Partneri juaj nuk e kupton gjendjen tuaj shpirtërore, mbase sepse nuk keni qenë shumë të qartë ose nuk keni gjetur mënyrën e duhur për të folur me të. Përpiquni të shpreheni saktë, pasi vetëm kështu do arrini të komunikoni. Duke filluar nga sot, sqaroni gjithçka.

Peshqit
Nëse nuk po arrini të bëni një ndryshim rrënjësor në jetën tuaj, mos u shqetësoni, nuk është ky momenti i duhur. Jeni njeri shumë i përgjegjshëm për veprimet që bëni dhe do të dini të reagoni edhe në këtë situatë. Nuk keni pse të dilni nga vetja për t’iu plotësuar dëshirat të tjerëve. Përpiquni të përshtateni sadopak vetëm për të mos u ndjerë ndryshe nga të tjerët.