Dashi
Parashikohet një e enjte më shumë punë, sidomos kur bëhet fjalë për ndërrim shtëpie. Një kohë e përkryer për këtë punë. Miqtë i keni në krah për çdo lloj ndihmese. Mos ju ngeli hatri me disa persona që në raste të tilla asnjëherë nuk janë në gatishmërinë tuaj, pasi nuk është hera e parë që ndodh.
Demi
Sot është një ditë ideale për të shijuar një gëzim familjar. Keni për të takuar shumë nga të afërmit tuaj që ndodhen larg. Kujtime të shumta keni për të ndarë së bashku aq sa keni edhe për t’u përlotur mes shume kujtimesh. Emocione të bukura keni për të përjetuar.
Binjakët
Sot çdo gjë do kërkojë kohën dhe përkushtimin e vet nga ana juaj, puna, familja dhe partneri juaj. Nuk mund të veçoni asnjërin prej tyre apo ta lini pas dore, sikurse ka ndodhur shpesh herë. Mos harroni se dhe ju keni nevojë për praninë e të dashurve tuaj, jo vetëm ata.
Gaforrja
Sot do të merrni lajme të mira për sa i përket financave tuaja. Do të jetë një surprizë e këndshme për ju për këto fitime të papritura, pasi do të mund të shlyeni një pjesë të mirë të borxheve. Për sa i përket pjesës tjetër keni për ta menaxhuar me kujdes për shtëpinë e familjen tuaj.
Luani
Me shumë guxim do të mund të dilni nga një situatë problematike dhe do të tregoheni të gatshëm për një fillim të ri. Rreth jush do të ketë shumë ndryshime. Konsiderojeni veten me fat dhe mos u tensiononi.
Virgjëresha
Fati sot ju jep një tjetër mundësi dhe, nëse tregoheni të shkathët dhe vigjilentë nuk ka për t’u shpëtuar nga dora. Mos e humbni këtë pikë lumturie. Tregoni qëndrueshmëri dhe bëni zgjedhje konkrete.
Peshorja
Shumë prej miqve tuaj gjejnë mbështetje te ju për problemet e tyre, por kjo nuk do të thotë që ju të përfitoni prej tyre apo nga ato pika të dobëta që ka gjithsecili. Punoni me ndershmëri dhe tregohuni besnikë me miqtë tuaj.
Akrepi
Ka për të qenë një dite me ftesa, organizime e shumë dhurata për ju. Të rrethuar me miq e me njerëz të rëndësishëm nga fusha të ndryshme. Shijojeni këtë ditë pasi është dhe një mundësi shumë e mirë për njohje të reja.
Shigjetari
Një ditë shumë e kënaqshme. Më në fund do të mund të vendosni situatën në vijë. Mos hezitoni të ngrini zërin atje ku duhet dhe me personat e duhur. Keni plotësisht të drejtë të trajtoni çështjen tuaj si ju dëshironi.
Bricjapi
Sot do të keni disa kontakte me interes jashtë vendit për punë apo për shkollë. Do të jetë një ide interesante dhe në favorin tuaj. Mos u mendoni shumë për të dhënë një konfirmim, sepse jeni ju që do ju duhet të bëni gati çdo lloj dokumentacioni sa më shpejt. Koha nuk pret.
Ujori
Keni për të marrë një lajm inkurajues për një investim që po e mendoni prej kohësh. Është e vërtetë që ju kërkoni qetësi, por nuk jeni nga ata që kënaqeni me gjëra të vogla. Monotonia ka për t’u thyer.
Peshqit
Duhet të sqaroni me patjetër një bisedë sot të lënë në mes. Kanë ndodhur shumë keqkuptime dhe pakënaqësi që, në fakt, as ju vetë nuk jeni të qartë se pse u krijua kjo situatë. Mos qëndroni me ndjenja faji, por diskutoni.