GREQI– Refugjatët janë të detyruar të jetojnë në temperatura të acarta në kampet e mbuluara me dëborë në Greqi për shkak se shtetet e Bashkimit Europian kanë dështuar të marrin pjesën e tyre të azilkërkuesve, shkruan “Euronews”.

Moti ekstrem përfshiu edhe ishujt grekë gjatë ditëve të fundit, duke lënë mijëra të refugjatë të guximshëm në kushte te mjerueshme, vetëm me një tendë mbi kokat e tyre.

Agjencia e refugjatëve të OKB-së tha se presioni në kampet e tejmbushura në ishull, do të lehtësohej nëse vendet e BE-së do të përmbushnin premtimin e tyre për të marrë numrin e caktuar të azilkërkuesve.

Komisioni Evropian njoftoi në shtator të vitit 2015 një skemë për të zhvendosur 160.000 refugjatë nga vendet e goditura nga kriza e emigrantëve.

Skema përfshinte edhe premtimet për të rishpërndarë rreth 66.000 refugjatë nga Greqia në vendet e tjera, por për gati 18 muaj me radhë, janë zhvendosur vetëm 7800 azilkërkues.

(el.sp/BalkanWeb)