Menu Krye Të Fundit | Shqipëria |

Instagram, rrjeti social që po dëmton rëndë të rinjtë

instagram

Instagram është klasifikuar si platforma sociale më negative kur bëhet fjalë për ndikimin në shëndetin mendor të të rinjve. Ky është përfundimi më i fundit i realizuar nga Royal Society për shëndetin mendor në Britaninë e Madhe. Në këtë studim ku morën pjesë 1479 të rinj të moshës 14-24 vjeç, pjesëmarrësit u pyetën se si ndiheshin gjatë përdorimit të rrjeteve sociale dhe të renditnin aplikacionet që ndikonin negativisht në gjendjen emocionale. Studimi i quajtur ‘”Status of Mind” zbuloi se Instagram, rrjeti social më i famshëm për publikimin dhe shpërndarjen e fotove, ndikonte negativisht në shëndetin e tyre pasi krijon kompleksitete në lidhje me pamjen e jashtme, vetëbesimin e ulët, gjumin dhe frikën e humbjes. Rrjeti social me ndikimin më pozitiv ishte YouTube, i ndjekur nga Twitter, Facebook dhe Snapchat që u renditën në vend të tretë dhe të katërt. Sipas ekspertëve të shëndetit mendor, përdorimi i filtrave zbukurues të Instagram është mënyra e vetme që këta të rinj t’i ”shpëtojnë” paragjykimeve, mospërkatësisë sociale apo edhe bullizmit lidhur me paraqitjen e tyre. Sipas Shirley Cramer, shefes ekzekutive e “Royal Society for Public Health”, mediat sociale krijojnë të njëjtën vartësi si duhani dhe alkooli. Ato kanë fituar dhe vazhdojnë të fitojnë aq shumë terren në jetën e të rinjve aq sa është thuajse e pamundur ta imagjinojnë jetën e tyre pa to. (o.k/BalkanWeb)


KOMENTO

*E-mail nuk do te publikohet.
Komenti juaj do publikohet brënda 3 orëve , nëse përdorni fjalor ofendues , komenti nuk do të publikohet nga moderatori .