Shteti Islamik ka marrë përgjegjësinë për sulmin e armatosur mbrëmjen e së premtes në njërin prej restoranteve më të frekuentuara nga të huajt në kryeqytetin e Bangladeshit.
“Komandot e Shtetit Islamik kanë sulmuar një restorant të frekuentuar nga të huajt në qytetin Daka”, ka thënë agjencia e lajmeve e lidhur me ISIS-n Aamaq, raporton AFP.
Mediat lokale kanë raportuar se sulmuesit kanë mbajtur peng shumë njerëz, në mesin e tyre të huaj. Identiteti i sulmuesve dhe numri i saktë i pengjeve mbetet ende i paqartë.
(d.d/BalkanWeb)