TUNIZI – Shteti Islamik ka marrë përsipër sulmin kamikaz në autobusin e rojeve presidenciale, një ditë më parë në Tunizi, ku humbën jetën 12 persona. ISIS ka publikuar foton e kamikazit dhe një komunikatë, përmes të cilës merr përgjegjësinë për sulmin.
“Një prej martirëve tanë, Abou Abdallah el Tunessi arriti të infiltrohej në autobus dhe të shpërthente rripin e tij me eksploziv, për të vrarë të paktën 20 fe mohues”- thuhet në komunikatën e ISIS.
Autoritetet në Tunizi bënë të ditur se nga sulmi kanë humbur jetën 12 roje presidenciale, plus kamikazi që shpërtheu brenda autobusit.
(er.nu/BalkanWeb)