Malazezi i Interit, Stefan Jovetiç, është një futbollist i klubit francez të Moanco-s. Futbollisti ka kompletuar transferimin e tij në “Ligue 1” me klubin e pricipatës i cili ka derdhur 11 mln euro te zikaltërit. Te Monaco Jovetiç do të mbajë veshur fanellën me numrin 10.

Kjo nënkupton se Kylian Mbappe është shumë pranë largimit pasi francezi këtë verë mori numrin 10 pas kalimit të Bernardo Silva te Manchester City. Për 18-vjeçarin thuhet se Paris SG ka mbyllur gjithçka për shifrën e 180 mln eurove por për momentin problem mbetet “UEFA” e cila po i monitoron për shkak të “fair play financiar”.

Jovetiç pjesën e parë të sezonit të kaluar ishte pjesë e Interit, ndërsa në janar kaloi në formë huazimi te Sevillia. Dëshira e futbollistit ishte që këtë sezon të tentonte sërish të bindte zikaltërit për aftësitë e tij, por këta të fundit zgjodhën t’a transferojnë në klubin e Monaco-s.

(e.k/BalkanWeb)